ÏOANNIS 13:10 - Khasi CL Bible (BSI)

¹⁰ U Jisu u la ong, “Uno uno uba la dep sum u long uba la khuid bha bad um donkam ban da sait ïa lade, lait noh ïa la ki kjat. Baroh na phi, phi long kiba khuid — baroh lait noh uwei.”

KA BAIBL

¹⁰ U Jisu u ïathuh ha u, “Uta ïa uba la pynsum um donkam, hynrei, tang ban sait ïa la ki kjat, te u long khuid baroh phar; kumta, phi ruh, phi long ki bakhuid, hynrei, ym baroh.”

ÏOANNIS 13:10 ပူးပေါင်းရင်းမြစ်များ

EKLESIASTIS 7:20

Ym don uno uno ha ka pyrthei uba leh ïa kaba bha ha ki por baroh bad u bym ju leh bakla.

JINGRWAI SOLOMON 4:7

Katno phi long kaba bhabriew eh, ko ba-ieit jong nga; katno phi long kaba janai!

JEREMAÏAH 50:20

Haba kata ka por ka wan, yn ym shem ïa ka pop ha Israel bad ïa ka jingbymman ha Judah, namar ngan map ïa kito ki briew kiba nga la pynsah ïa ka jingim jong ki. Ma nga, U Trai, nga la kren.”

LEBITIKOS 16:26

Uta u briew uba leit ñiah ïa uta u 'langsohmoh sha ka ri shyiap sha u Asasel u dei ban sait ïa la ki jaiñkup bad un sum shuwa ba un wan pat shapoh ka jaka shong dara.

LEBITIKOS 16:28

Uta uba thang ïa ki u dei ban sait ïa la ki jaiñkup bad un sum shuwa ba un leit phai sha ka jaka shong dara.

MATHAÏOS 6:12

To map ïa ngi ïa ki jingpalat kiba ngi la leh, kumba ngi map ïa ki jingpalat kiba kiwei ki la leh ïa ngi.

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

ÏOANNIS 13:9

U Simon Petros u la jubab, “Ko Trai, to wat sait tang ïa ki kjat jong nga, te! To sait ruh ïa ki kti bad ïa ka khlieh jong nga ruh.”

ÏOANNIS 15:3

La pynlong khuid lypa ïa phi da ka jinghikai kaba nga la ai ha phi.

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

1 THESSALONI 5:23

To U Blei uba ai ha ngi ka jingsuk un pynlong ïa phi kiba khuid ha ki liang baroh bad un sumar ïa ka longrynïeng jong phi — ka mynsiem, ka jingim, bad ka met — kaba lait na kano kano ka jingbakla ha ka jingwan jong U Jisu Khrist uba U Trai jong ngi.

HEBRU 9:10

namar ba ki ïadei tang bad ka jingbam, ka jingdih bad ki niam ki rukom pynkhuid babun jait. Kine baroh ki long ki aiñ kiba tang shabar, kiba ïadei tang haduh ka por ba U Blei un seng nongrim da kaei kaba thymmai.

JAKOB 3:2

Baroh na ngi, ngi bakla bunsien. Hynrei lada u briew um ju bakla ha kaei kaba u kren, u long uba janai bad u long ruh uba lah ban synshar ïa lade nadong shadong.