ÏOANNIS 12:48 - Khasi CL Bible (BSI)

⁴⁸ Uno uno uba kyntait ïa nga bad u bym pdiang ïa ka khubor jong nga, u don uwei u ban bishar ïa u. Ki ktien kiba nga la kren kin long u nongbishar jong u ha ka sngi kaba khatduh!

KA BAIBL

⁴⁸ Uta uba kyntait noh ïa nga, bad u bympdiang ïa ki ktien jong nga, u don kaba pynrem ïa u: kata ka ktien ïa kaba nga la kren, kata keiñ, kan pynrem ïa u ha ka sngi khatduh.

ÏOANNIS 12:48 ပူးပေါင်းရင်းမြစ်များ

ISAÏAH 53:3

Ngi la ñiewbeiñ ïa u bad ngi la kyntait ïa u; u la shah ïa ka jingshitom bad jingpang. Ym don mano mano wat ban peit ïa u — ngi la leh bymsalia ïa u kum u bym long ei ei.

MATHAÏOS 10:15

Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Sodom bad Gomorrah ban ïa ki briew jong kata ka nongbah!

MATHAÏOS 21:42

U Jisu u la ong ha ki, “Hato phim pat ju pule ïa kaei ba ki Jingthoh Bakhuid ki ong? “ ‘Ïa u maw ba ki nongtei ki la kyntait kum u bymdondor u la kylla long uba donkam tam na baroh. Ïa kane la leh da U Trai; katno ka long kaba itynnat!’ ”

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

MARKOS 12:10

Hato da shisha phi la pule ïa kane ka Jingthoh Bakhuid? “ ‘U maw ïa uba ki nongtei ki la kyntait kum u bymmyntoi, u la kylla long uba donkam eh na baroh.

MARKOS 16:16

Ïa uno uno uba ngeit bad uba shah pynbaptis, yn pynim; ïa uno uno u bymngeit, yn pynrem.

MARKOS 8:31

Nangta U Jisu u la sdang ban hikai ïa ki synran jong u: “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un sa shah pynïap, hynrei hadien lai sngi yn sa pynmihpat ïa u.”

LOUKAS 10:16

U Jisu u la ong ha ki synran jong u, “Uno uno uba shahshkor ïa phi u shahshkor ïa nga; uno uno uba kyntait ïa phi u kyntait ïa nga; bad uno uno uba kyntait ïa nga u kyntait ïa uta uba la phah ïa nga.”

LOUKAS 17:25

Hynrei, nyngkong u dei ban shahshitom shikatdei eh bad ban shah kyntait da ki briew jong kane ka pateng.

LOUKAS 20:17

U Jisu u la khmih sha ki bad u la kylli, “Aïu, te, kane ka Jingthoh Bakhuid ka kit jingmut? “ ‘U maw ïa uba ki nongtei ki la kyntait kum u bymmyntoi u la kylla long uba donkam tam na baroh.’

LOUKAS 7:30

Hynrei ki Pharisi bad ki nonghikai ka Hukum ki la kyntait ïa ka jingthmu jong U Blei na ka bynta jong ki hi bad ki la kyntait ban shah pynbaptis ha u Ïoannis.

LOUKAS 9:22

U la ong ruh ha ki, “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un shah pynïap, hynrei hadien lai sngi yn sa pynmihpat ïa u.”

LOUKAS 9:26

Lada u briew u lehrain ïa nga bad ïa ka jinghikai jong nga, te U Khun U Briew un lehrain ïa u haba u wan ha ka burom jong u bad ha ka burom jong U Kpa bad jong ki angel bakhuid.

ÏOANNIS 11:24

“Nga tip,” ka la jubab, “ba un sa mihpat ha ka sngi kaba khatduh.”

ÏOANNIS 5:45

Pynban, wat pyrkhat ba dei ma nga u ban mudui ïa phi ha U Kpa jong nga. U Moses, ha uba phi la buh ïa la ka jingkyrmen, dei ma u, u ban mudui ïa phi.

ÏOANNIS 6:39

Bad ka long ka mon jong uta uba la phah ïa nga ba ngam dei ban duh noh ïa uno uno na kita baroh kiba u la ai ha nga, hynrei ba nga dei ban pynmihpat ïa ki baroh ha ka sngi kaba khatduh.

ÏOANNIS 8:47

Uta uba wan na U Blei u shahshkor ïa ki ktien U Blei. Phi, pynban, phim dei na U Blei, bad dei na kata ka daw balei ba phim shahshkor.”

KI KAM 17:31

Naba u la buh ka sngi ha kaba un bishar ïa ka pyrthei baroh kawei da ka jinglehhok, da uta u briew ïa uba u la jied. U la ai ka jingpynshisha ïa kane ha uwei pa uwei da kaba pynmihpat ïa uta u briew na ka jingïap!”

KI KAM 3:23

Uno uno u bymkohnguh ïa uta u nongïathuhlypa un shah pynkhlad na ki briew jong U Blei bad un shah pynjot.’

Ka Shithi U Paul Sha Ki Nong Rom 2:16

Bad kumta, kat kum ka Khubor Babha kaba nga ïalap, kane ka dei kaba kumno ka long ha kata ka Sngi ha kaba U Blei lyngba U Jisu Khrist un bishar ïa ki jingmut barieh jong ki briew baroh.

2 KORINTH 4:3

Naba lada la buhrieh ïa ka gospel kaba ngi ïalap, la buhrieh ïa ka tang na kito kiba la jah noh.

2 THESSALONI 1:8

lem bad ka ding baklang, ban pynshitom ïa kito kiba kyntait ïa U Blei bad ki bymkohnguh ïa ka Khubor Babha shaphang U Jisu uba U Trai jong ngi.

HEBRU 10:25

Wat ai ba ngin iehnoh ïa ka jingmlien ban ïaseng lang, kumba don kiba leh. Pynban, to ngin pynshlur uwei ïa uwei pat, khamtam haba phi ïohi ba ka Sngi U Trai ka la nang jan.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 2:3

Da kumno te ngin lait, lada ngi leh bymsuidñiew ïa ka jingpynim kaba khraw katta katta? U Trai hi u la pynbna nyngkong ïa kane ka jingpynim, bad kita kiba la ïohsngew ïa u ki pynshisha ha ngi ba ka long kaba shisha.

HEBRU 4:12

Ka ktien U Blei ka long kaba im bad kaba donbor, kaba kham nep ban ïa kano kano ka waitlam arliang syrti. Ka pei lyngba shaduh kaba ka jingim bad ka mynsiem ki ïakynduh, shaduh kaba ki mat bad ki khleiñ shyieng ki ïakynduh lang. Ka bishar ïa ki jingkwah bad ïa ki jingpyrkhat jong ka dohnud u briew.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.

2 PETROS 3:3

Nyngkong eh, phi dei ban sngewthuh ba ha kine ki sngi kiba khatduh yn don ki briew kaba ïa ka jingim jong ki la tyllep da ki jingkwah brai jong ki hi.

2 PETROS 3:7

Hynrei ïa ki bneng bad ka pyrthei kiba long mynta la pynsah da kajuh ka hukum jong U Blei, khnang ban ïoh pynjot da ka ding. Ïa ki la pynsah na ka bynta ka sngi haba ïa ki briew ki bymtip Blei yn bishar bad pynjot noh.

1 SAMUEL 10:19

Nga long U Blei jong phi, uta uba pyllait ïa phi na ki jingjynjar bad ki jingshitom jong phi baroh hynrei mynta phi la kyntait ïa nga bad phi la pan na nga ban ai ïa phi da u syiem. Namar kata, ïalumlang ïa lade ha khmat U Trai, shi jait shi jait, bad shi kur shi kur.’ ”

1 SAMUEL 8:7

bad U Trai u ong, “Shahshkor ïa kaei kaba u paidbah u ong ha me; mem long ma me uba ki kyntait, Nga long ma nga ïa uba ki la kyntait kum u syiem jong ki.