ÏOANNIS 12:43 - Khasi CL Bible (BSI)

⁴³ Ki ieit ïa ka jingpynksan u briew ban ïa ka jingpynksan na U Blei.

KA BAIBL

⁴³ Naba ki la ïa-ieit ïa ka jingïaroh jong ki briew kham tam ban ïa ka jingïaroh ka jong U Blei.

ÏOANNIS 12:43 ပူးပေါင်းရင်းမြစ်များ

SALM 22:29

Baroh ki briew kiba sarong kin dem ngon ha u; baroh ki briew kin dem ngon ha khmat jong u.

PROBERB 29:25

Ka long kaba ma ban sngewkhia ïa kaei kaba kiwei ki pyrkhat shaphang jong phi, hynrei lada phi shaniah ha U Trai, phi long shngain.

MATHAÏOS 6:2

“Kumta haba phi ai ei ei ha u briew uba kyrduh, wat pynsawa jam ïa ka, kumba ki riewarsap ki leh ha ki synagog bad ha ki lynti bah. Ki leh ïa ka khnang ba ki briew kin ïaroh ïa ki. Nga pynthikna ïa phi, ba ki la da ïoh ka jingsiew ba-pura.

LOUKAS 16:15

U Jisu u la ong ha ki, “Phi long kita kiba pynlong ïa lade ban ibiang ha ka jingkhmih jong kiwei ki briew, hynrei U Blei u tip ïa ka dohnud jong phi. Naba kiei kiei baroh ïa kiba la ñiewkordor shikatdei eh da u briew, ki long ki bymdondor ei ei ruh em ha ka jingkhmih U Blei.

LOUKAS 19:17

‘Me la lehbha,’ u la ong; ‘me long u shakri uba bha! Namar ba me long uba lah ban shaniah ha kiei kiei kiba rit, ngan buh ïa me ban khmih ïa ki shiphew tylli ki nongbah.’

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 5:41

“Ngam wad ïa ka jingïaroh ki briew.

ÏOANNIS 5:44

Phi sngewtynnat ban ïohpdiang jingïaroh uwei na uwei pat, hynrei phim pyrshang ban ïoh ïa ka jingïaroh na uta uba ma u hi u long U Blei; kumno, te, phi lah ban ngeit ha nga?

ÏOANNIS 7:18

U briew uba kren ha la ka jong ka bor u pyrshang ban ïoh burom na ka bynta ïa lade hi. Hynrei uba wad ïa ka burom jong uta uba la phah ïa u, u long uba shida, bad ym don ka bymshisha ha u.

ÏOANNIS 8:54

U Jisu u la jubab, “Lada nga wad burom ïa lade, kata ka burom kam dondor ei ei. Uta uba burom ïa nga u long U Kpa jong nga — uta ïa uba phi ong ba u dei U Blei jong phi.

Ka Shithi U Paul Sha Ki Nong Rom 2:29

Pynban, u Jiw bashisha u dei u briew uba dei u Jiw ha kaba shapoh, kata, uba ïa ka dohnud jong u la otsher, bad kane ka dei ka jingtrei jong U Mynsiem jong U Blei, ym jong ka Hukum ba la thoh. Kum uta u briew u ïoh ïa la ka jingïaroh na U Blei, ym na u briew.

Ka Shithi U Paul Sha Ki Nong Rom 2:7

Katto katne ki briew ki ïai leh ïa kaba bha, bad wad burom, ka nam babha, bad ka jingim bymïap shuh; ïa ki U Blei un ai ka jingim bymjukut.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

2 KORINTH 10:18

Naba ka long haba U Trai u pyrkhat bha ïa u briew, ba u briew u long uba la pdiang hun, bad ym haba u briew u pyrkhat bha shaphang ïa lade.

1 THESSALONI 2:6

Ngim shym pyrshang ban ïoh jingïaroh nano nano, la ka long na phi lane na kiwei,

1 PETROS 3:4

Pynban, ka jingbhabriew jong phi ka shong ha ka jinglong bashisha hapoh jong phi, ka jingbhabriew bym sti noh jong ka mynsiem ba long jai jai bad bajar jar, kaba long kaba khraw tam ha khmat U Blei.

1 SAMUEL 15:30

“Nga la leh pop,” u Saul u jubab. “Hynrei la kumno kumno pyn-i ka jingñiewkor ïa nga ha khmat ki nongïalam jong ki briew jong nga bad ki Israel baroh. Ïaleit phai ryngkat bad nga, ba ngan lah ban mane ïa U Trai U Blei jong phi.”

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.