ÏOANNIS 12:42 - Khasi CL Bible (BSI)

⁴² Wat la katta ruh, kiba bun na ki nongsynshar jong ki Jiw ki la ngeit ha U Jisu; hynrei namar ki Pharisi kim shym la kren shaphang jong ka ha kaba paw, ba kin ym shah beh noh na ka synagog.

KA BAIBL

⁴² La kumta ruh, bun na ki nongsynshar ruh ki la ngeit ha U; hynrei, namar kita ki Pharisi, kim ïaphla ïa kata, ïoh ba yn kyntait noh ïa ki na ka synagog.

ÏOANNIS 12:42 ပူးပေါင်းရင်းမြစ်များ

PROBERB 29:25

Ka long kaba ma ban sngewkhia ïa kaei kaba kiwei ki pyrkhat shaphang jong phi, hynrei lada phi shaniah ha U Trai, phi long shngain.

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

ISAÏAH 57:11

U Trai u ong, “Kiei kine ki blei kiba pynsheptieng ïa phi, kumta ba phi ïathuh ïa nga ïa kaba lamler bad klet syndon ïa nga? Hato phim shym la ai burom shuh ïa nga namar ba nga la shu sngap la slem bah?

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

JEREMAÏAH 38:19

Hynrei u syiem u la jubab, “Nga sheptieng ïa la ki para ri kiba la phet bad ïasoh bad ki nong Babilonia. Ka lah ban long ba ïa nga yn aiti noh sha ki bad kin pynshitom sat ïa nga.”

MATHAÏOS 10:32

“Lada uno uno u pynbna ha kaba paw ba u long u jong nga, ngan leh kumjuh ha khmat U Kpa jong nga uba ha bneng.

LOUKAS 12:8

“Nga pynthikna ïa phi ba uno uno uba pynbna ha kaba paw ba u long u jong nga, U Khun U Briew un leh kumjuh ïa u ha khmat ki angel jong U Blei.

LOUKAS 23:13

U Pilat u la khot lang ïa ki rangbah lyngdoh, ïa ki nongïalam, bad ïa u paidbah, bad u la ong ha ki,

LOUKAS 6:22

“Suk ma phi haba ki briew ki isih ïa phi; kiba kyntait ïa phi, ki krenbeiñ ïa phi, bad ki ong ba phi long uba sniew, baroh namar U Khun U Briew!

ÏOANNIS 11:45

Bun na ki briew kiba la wan jngoh ïa ka Mari ki la ïohi ïa kaei kaba U Jisu u la leh, bad ki la ngeit ha u.

ÏOANNIS 16:2

Phin shah beh noh na ki synagog, bad ka por kan poi haba uno uno uba pynïap ïa phi un pyrkhat ba da kaba leh kumta u shakri ïa U Blei.

ÏOANNIS 19:38

Hadien kane, u Joseph, uba na ka shnong Arimathaïa, u la pan na u Pilat lada un shah ban rah ïa ka met U Jisu. (U Joseph u la long u nongbud jong U Jisu, hynrei ym ha kaba paw, namar ba u la sheptieng ïa ki nongsynshar jong ki Jiw.) U Pilat u la ong ïa u ba u lah ban rah ïa ka met, kumta u Joseph u la leit bad rah noh ïa ka.

ÏOANNIS 3:2

Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

ÏOANNIS 7:13

Hynrei ym don ba ïakren ha kaba paw, namar ba ki sheptieng ïa ki nongsynshar jong ki Jiw.

ÏOANNIS 7:31

Hynrei bun na uta u paidbah u la ngeit ha u bad u la ong, “Haba U Messaïah un wan, hato un leh kham bun ki kambah ban ïa kaba une u briew u la leh?”

ÏOANNIS 9:22

Ki kmie ki kpa jong u ki la ong ïa kane namar ba ki la sheptieng ïa ki nongsynshar jong ki Jiw, kiba la lah mynjur lypa ba uno uno uba ong ba u ngeit ba U Jisu u long U Messaïah un shah beh noh na ka synagog.

ÏOANNIS 9:34

Ki la jubab, “La kha bad la pynsan ïa me hapoh ka pop — bad me pyrshang ban hikai ïa ngi?” Bad kumta ki la beh noh ïa u na ka synagog.

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

Ka Shithi U Paul Sha Ki Nong Rom 10:10

Naba ka long da ka jingngeit jong ngi ba ngi don ka jingïadei bad U Blei; ka long da ka jingphla jong ngi ba ïa ngi la pynim.

1 ÏOANNIS 4:15

Lada uno uno u pynbna ba U Jisu u long U Khun U Blei, u im ha U Blei bad U Blei u im hapoh jong u.

1 ÏOANNIS 4:2

Kane ka long kumno phin lah ban ithuh la u long U Mynsiem jong U Blei: Uno uno uba pdiang ba U Jisu Khrist u la wan kum u briew, u don U Mynsiem uba wan na U Blei.