ÏOANNIS 12:40 - Khasi CL Bible (BSI)

⁴⁰ “U Blei u la pynmatlah ïa ki khmat jong ki bad u la khang khyrdep ïa ki jingmut jong ki, ba ki khmat jong ki kin ym ïohi, bad ba ki jingmut jong ki kin ym shemphang, bad kin ym phai sha nga, ong U Blei, ïa nga ba ngan pynkhiah ïa ki.”

KA BAIBL

⁴⁰ “U la pynmatlah ïa ki khmat jong ki, bad u la pynluin ïa ka dohnud jong ki; ba kin ym ïohi da la ki khmat, lymne sngew-shemphang da la ka dohnud, bad kin ïoh kylla-ka-bamut, bad ngan ïoh pynkhiah ïa ki.”

ÏOANNIS 12:40 ပူးပေါင်းရင်းမြစ်များ

1 SYIEM 22:20

U Trai u kylli, ‘Uei u ban shukor ïa u Ahab khnang ba un leit bad shah pynïap ha Ramoth?’

SALM 147:3

U pynkhiah ïa kiba la pait dohnud bad u sop spaiñ ïa ki jingmong jong ki.

SALM 41:4

Nga ong, “Nga la leh pop pyrshah ïa me, A Trai; to isynei ïa nga bad pynkhiah ïa nga.”

SALM 6:2

Nga la ringswai, A Trai; to isynei ïa nga! Pynshaitbor ïa nga; naba nga la lwait shikatdei

EKSODOS 10:1

Nangta U Trai u ong ha u Moses, “Khie leit sha u Pharaoh. Nga la pynmutlop ïa u bad ki rangbah synshar jong u, khnang ba nga lah ban leh ïa kine ki kambah hapdeng jong ki,

EKSODOS 11:10

U Moses bad u Aaron ki la leh ïa kine ki kambah baroh ha khmat u Pharaoh, hynrei U Trai u la pynmutlop ïa u, bad um shym la shah ïa ki Israel ban mihnoh na ka ri jong u.

EKSODOS 14:17

Ngan pynmutlop haduh katta katta ïa ki nong Ijipt ba kin beh nadien jong ki, bad ngan ïoh ka jingpyndonburom da ka jingjop jong nga ïa u Pharaoh, ïa ka kynhun shipai jong u, ïa ki kali ïapom jong u, bad ïa ki nongñiah jong u.

EKSODOS 14:4

Ngan pynmutlop ïa u, bad un sa wan thwet nadien jong phi; bad kumta ka jingjop jong nga ïa u Pharaoh bad ka kynhun shipai jong u kan long ka burom ïa nga. Te ki nong Ijipt kin sa tip ba nga long U Trai.” Ki Israel ki leh kumba la hukum ïa ki.

EKSODOS 14:8

U Trai u la pynmutlop ïa u Pharaoh, bad une u la beh kthong ïa ki Israel, kiba la mihnoh da ka jingjop.

EKSODOS 4:21

U Trai u la ong biang ha u Moses, “Mynta ba me leit phai sha Ijipt, da kynmaw ban leh ha khmat u Pharaoh ïa ki kambah baroh kiba nga la ai ha me ïa ka bor ban leh. Hynrei ngan pynmutlop ïa u Pharaoh, bad un ym shah ïa u paidbah ban leit.

EKSODOS 7:13

U Pharaoh, pynban, u la ïai mutlop bad kumba U Trai u la ong, u Pharaoh um shym shahshkor ïa u Moses bad u Aaron.

EKSODOS 7:3

Hynrei ngan pynmutlop ïa u Pharaoh, bad un ym shahshkor ïa me, kam pher katno kiei kiei kiba shyrkhei ba nga leh ha ka ri Ijipt. Nangta ngan wallam ka jingpynshitom kaba tyngeh ha ka Ijipt bad ngan ïalam ïa ki jait jong ki briew jong nga na ka ri Ijipt.

EKSODOS 9:12

Hynrei U Trai u la pynmutlop ïa u Pharaoh bad, kumba u la lah ong, u Pharaoh um shym shahshkor ïa u Moses bad u Aaron.

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

ISAÏAH 29:10

U Trai u la pynshoh samthiah ïa phi, bad phi sdang ban ngat ha ka jingïohthiah kaba jur. Ki nongïathuhlypa ki dei ban long ki khmat jong ki briew, hynrei U Blei u la pynmatlah ïa ki.

ISAÏAH 53:5

Hynrei namar ki pop jong ngi ïa u la pynmong, la sympat namar ka jingbymman kaba ngi la leh. La pynkhiah ïa ngi da ka jingpynshitom kaba u la shah, la pynkhiah ïa ngi da ki jingsympat kiba u la ïoh.

ISAÏAH 6:10

Nangta u ong ïa nga, “Pynbthi ïa ki jingmut jingpyrkhat jong kine ki briew, pynkyllut ïa ki shkor jong ki, bad pynmatlah ïa ki khmat jong ki, ba kumta kin ym lah ban ïohi lane ïohsngew lane sngewthuh. Lada ki leh kumta, ki lah ban phai sha nga bad ïoh jingkhiah.”

ISAÏAH 6:9

Kumta u ong ïa nga ban leit bad ai ha ki briew ïa kane ka khubor: “Kam pher haduh katno phi shahshkor, phin ym sngewthuh. Kam pher haduh katno phi khmih, phin ym tip kaei kaba jia.”

JEREMAÏAH 3:22

To wan phai, phi baroh kiba la phai lyndet na U Trai; un pynkhiah ïa phi bad un pynlong ïa phi kiba ïaineh. Phi ong, “Ho-oid, ngi wan sha U Trai, namar u dei U Blei jong ngi.

JEREMAÏAH 5:21

To pynshahshkor, phi ki briew kiba bieit bad ba-mutlop, kiba don ki khmat, hynrei ki bym lah ïohi, bad kiba don ki shkor, hynrei ki bym lah ïohsngew.

ESEKIEL 12:2

“Ko khun u briew,” u ong, “me im hapdeng ki briew kiba ïeng ïaleh pyrshah. Ki don ki khmat, hynrei kim ïohi ei ei; ki don ki shkor, hynrei kim ïohsngew ei ei, namar ki long kiba ïaleh pyrshah.

ESEKIEL 14:9

“Lada u nongïathuhlypa u shah shukor ban ai ki jubab kiba bakla, ka dei namar ma nga, U Trai Nongsynshar, nga la shukor ïa u. Ngan weng ïa u na ki paid Israel.

HOSIA 14:4

U Trai u ong, “Ngan wanlam pat ïa ki briew jong nga sha lade. Ngan ieit ïa ki da ka dohnud jong nga baroh; ngan ym bitar shuh ïa ki.

HOSIA 6:1

Ki briew ki ong, “Ale ngin ïaleit phai sha U Trai! U la pynmynsaw ïa ngi, hynrei da shisha un pynkhiah ïa ngi; kumta un pynkhiah ïa ngi; u la pynmong ïa ngi, hynrei un sop spaiñ ïa ki jingmong jong ngi, hato un ym leh kumta?

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

MARKOS 4:12

khnang ba, “ ‘Kin khmih bad ïai khmih, pynban kin ym ïohi; Kin sngap bad ïai sngap, pynban kin ym sngewthuh. Namar lada ki ïohi lane sngewthuh, kin phai sha U Blei, bad un map ïa ki.’ ”

MARKOS 6:52

namar kim pat shym la sngewthuh ïa ka jingmut bashisha jong ka jingbsa ïa ki san hajar ngut; ki jingmut jong ki kim lah ban ïohkem ïa kata.

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

LOUKAS 8:10

bad u la jubab, “Ïa ka jingtip ïa kiba rieh jong ka Hima U Blei la ai ha phi, hynrei ha kiwei pat ka wan ha ki pharshi, khnang ba ki lah ban peit hynrei kim ïohi, bad shahshkor hynrei kim shemphang.

ÏOANNIS 12:39

Bad kumta kim shym lah ban ngeit, namar u Isaïah u la lah ong ruh:

ÏOANNIS 9:39

U Jisu u la ong, “Nga la wan sha kane ka pyrthei ban bishar, khnang ba kiba matlah kin ïohi bad kito kiba ïohi kin long matlah.”

KI KAM 15:3

La leit on lynti ïa ki da ka balang; bad kaba ki dang leit lyngba ka Phoenisia bad ka Samaria, ki la ïathuh kumno ba ki Jentil ki la phai sha U Blei; kane ka khubor ka la wallam ka jingkmen bakhraw ïa ki parabangeit baroh.

KI KAM 28:26

Naba u la ong, “ ‘Khie leit bad ong ha kine ki briew: Phin shahshkor bad ïai shahshkor, hynrei phin ym shemphang; phin khmih bad ïai khmih, hynrei phin ym ïohi,

KI KAM 3:19

Te, to kylla-kaba-mut, bad to phai sha U Blei, khnang ba un map ïa ki pop jong phi.

Ka Shithi U Paul Sha Ki Nong Rom 9:18

Kumta te, U Blei u isynei ïa uno uno uba u kwah, bad u pyneh dohnud ïa uno uno uba u kwah.

DEUTERONOMI 29:4

Hynrei haduh kane ka sngi um pat shym la ai ha phi ban shemphang ïa kaei kaba phi la mad.

JOSHUA 11:20

U Trai u la pynlong ïa ki ban kut jingmut ban ïaleh ïa ki Israel, ba kumta kin shah pynrem sha ka jingpynjot thiaw bad ba baroh kin shah pynïap khlem ka jingisynei. Kane ka long kaba U Trai u la hukum ïa u Moses.