ÏOANNIS 12:38 - Khasi CL Bible (BSI)

³⁸ “A Trai, uno uba la ngeit ïa ka khubor kaba ngi la ïathuh? Hano ba U Trai u pynpaw ïa ka bor jong u?”

KA BAIBL

³⁸ ba yn pyndep ïa kata ka jingong jong u Isaïah u nongïathuhlypa, ïa kaba u la ong: “A Trai, uei ba la ngeit ïa ka jingpynbna jong ngi? bad hano la pynpaw ïa ka ksang'ti jong U Trai?”

ÏOANNIS 12:38 ပူးပေါင်းရင်းမြစ်များ

2 KHRONIKL 32:20

Nangta u syiem Hesekaïah bad u nongïathuhlypa Isaïah u khun jong u Amos ki duwai ha U Blei bad ki khot kyrpad ïa u ban ïoh jingïarap.

SALM 44:3

Ki briew jong me kim shym la jop ïa ka ri da ki waitlam jong ki; kim shym la jop ïa ka da ka bor jong ki hi; ka la long da ka bor jong me bad ka jingkhlaiñ jong me, da ka jingthikna jong ka jingdon ryngkat jong me, kaba pyn-i ba me ieit ïa ki.

ISAÏAH 51:5

Ngan wan kloi bad ngan pynim ïa ki; ka por jong ka jingjop ka la hajan. Nga da lade hi ngan synshar halor ki jaitbynriew. Ki ri ba hajngai bah ki ap ïa nga ba ngan wan; ki ap da ka jingkyrmen ïa nga ban pynim ïa ki.

ISAÏAH 51:9

A Trai to khie bad ïarap ïa ngi! Pyndonkam ïa la ka bor bad pynim ïa ngi; pyndonkam ïa ka kum ha ka por mynbarim. Dei ma me uba la ot lyngkhot lyngkhai ïa u Rahab u mrad duriaw bakynsha.

ISAÏAH 53:1

Ki briew ki jubab, “Uei uba lah ban ngeit ïa kaei kaba ngi ïathuh mynta? Uei uba lah ban ïohi ïa ka kti U Trai ha kane?

MATHAÏOS 15:7

Phi kiba arsap! A katno ka long kaba dei haba u Isaïah u la ïathuhlypa shaphang jong phi!

MATHAÏOS 16:17

“Kaba bha ïa me, ko Simon u khun jong u Jonah!” la jubab U Jisu. “Naba kane ka jingshisha kam shym la wan ha me na uno uno u briew, hynrei la ai ïa ka ha me beit beit da U Kpa jong nga uba ha bneng.

MATHAÏOS 27:35

Ki la sahnarphna ïa u bad nangta ki la pynbynta ïa ki jaiñ jong u hapdeng jong ki da kaba ïakhalai.

ÏOANNIS 12:37

Wat la U Jisu u la leh ïa kine ki kambah baroh ha khmat jong ki, kim shym la ngeit ha u, ba yn pyndep ïa kaei kaba u Isaïah u nongïathuhlypa u la ong ba kan long shisha:

ÏOANNIS 12:39

Bad kumta kim shym lah ban ngeit, namar u Isaïah u la lah ong ruh:

ÏOANNIS 15:25

Kane, pynban, kaba la dei ban jia, khnang ba ïa kaei kaba la thoh ha ka Hukum jong ki kan urlong shisha: ‘Ki la shun ïa nga khlem daw ei ei.’

ÏOANNIS 17:12

Mynba nga la don lem bad ki, nga la ri kyndong ïa ki da ka bor ka kyrteng jong me, ka kyrteng kaba me la ai ha nga. Nga la ïada ïa ki, bad ym don uwei ruh na ki uba la jah noh, lait tang u briew uba la dei ban jah — khnang ba ka Jingthoh Bakhuid kan urlong shisha.

ÏOANNIS 19:24

Ki shipai ki la ong para ma ki, “To ngin ym tar pynkad ïa ka, to ngin ïakynting sbai ban shem mano ba ïoh ïa ka.” Kane ka la jia khnang ba ka Jingthoh Bakhuid kan urlong shisha: “Ki la pynïabynta ïa ki jaiñ jong nga hapdeng jong ki bad ki la ïakhalai ïa ka jaiñkup jong nga.” Kane ka long kaei kaba ki shipai ki la leh.

Ka Shithi U Paul Sha Ki Nong Rom 10:16

Hynrei ym baroh ki la pdiang ïa ka Khubor Babha. U Isaïah da lade hi u la ong, “A Trai, uei uba la ngeit ïa ka khubor jong ngi?”

Ka Shithi U Paul Sha Ki Nong Rom 10:20

Bad u Isaïah u la long uba kham shlur haba u ong, “Ïa nga la shem da kito ki bym shym la wad ïa nga; nga la paw ha kito ki bym shym la kylli ïa nga.”

GALATIA 1:16

Bad ynda u la kut jingmut ban pynpaw ïa la U Khun ha nga, khnang ba nga lah ban ïalap ïa ka khubor babha shaphang jong u ha ki Jentil, ngam shym la leit wad buit nano nano,