ÏOANNIS 12:36 - Khasi CL Bible (BSI)

³⁶ To ngeit ha ka jingshai, namarkata, katba phi dang don ïa ka, ba kumta phin long ki briew jong ka jingshai.” Hadien ba U Jisu u la ong ïa kane, u la leit noh bad u la buhrieh ïa lade na ki.

KA BAIBL

³⁶ Katba phi ïadon kata ka jingshai, to ïangeit ha kata ka jingshai, ba phin ïoh long ki khun ka jingshai.” U Jisu u la kren ïa kine kiei kiei ruh; bad haba u la kynran noh, u la buhrieh ïa lade na ki.

ÏOANNIS 12:36 ပူးပေါင်းရင်းမြစ်များ

ISAÏAH 60:1

To khie joit, ko Jerusalem bad tyngshaiñ kum ka sngi; ka burom ka jong U Trai ka tyngshaiñ ha phi!

MATHAÏOS 21:17

U Jisu u la iehnoh ïa ki bad u la mihnoh na ka nongbah sha Bethania, ha kaba u la pynlut ïa ka miet.

MATHAÏOS 5:14

“Phi, phi long kum ka jingshai ïa ka pyrthei baroh kawei. Ïa ka nongbah ba la tei halor u lum ym lah ban buhrieh.

LOUKAS 16:8

“Kaba mih ka long ba u trai jong une u sordar bymhok u la ïaroh ïa u ba u leh ïa kaba kum kane kaba sianti; namar ki briew jong kane ka pyrthei ki long kiba kham sianti ha kaba trei ïa la ki kam ban ïa ki briew kiba long ki jong ka jingshai.”

ÏOANNIS 11:54

Kumta U Jisu um ïaid shuh ha Judia ha kaba paw, hynrei u la mihnoh bad leit sha ka jaka hajan ka ri shyiap, sha ka shnong ïa kaba la khot ka Ephraim, ha kaba u la sah bad ki synran.

ÏOANNIS 12:37

Wat la U Jisu u la leh ïa kine ki kambah baroh ha khmat jong ki, kim shym la ngeit ha u, ba yn pyndep ïa kaei kaba u Isaïah u nongïathuhlypa u la ong ba kan long shisha:

ÏOANNIS 12:46

Nga la wan sha ka pyrthei kum ka jingshai, ba baroh kiba ngeit ha nga kin ym sah ha ka jingdum.

ÏOANNIS 3:21

Hynrei uno uno uba leh ïa kaei kaba shisha u wan sha ka jingshai khnang ba ka jingshai kan pynpaw ïa kaei kaba u la leh ka long da kaba kohnguh ïa U Blei.

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

ÏOANNIS 8:59

Nangta ki la ïa-khar ïa ki maw ban lynthem ïa u, hynrei U Jisu u la buhrieh ïa lade bad u la mihnoh na ka Templ.

EPHESOS 5:8

Phi hi phi la ju long mynno mynno ha ka jingdum, hynrei namar phi la long ki briew jong U Trai, phi long ha ka jingshai. Kumta phi dei ban im kum ki briew kiba don ha ka jingshai,

1 THESSALONI 5:5

Baroh na phi, phi long ki briew jong ka jingshai, kiba long ki jong ka sngi. Ngim dei ki jong ka miet lane jong ka jingdum.

1 THESSALONI 5:8

Hynrei ngi dei ki jong ka sngi, bad ngi dei ban pyngngad. Ngi dei ban kup ïa ka jingngeit bad ïa ka jingieit kum ka jingda shadem, bad ka jingkyrmen jong ngi ïa ka jingpynim kum ka jingda khlieh.