ÏOANNIS 12:16 - Khasi CL Bible (BSI)

¹⁶ Ki synran jong u kim shym la sngewthuh ïa kane ha kata ka por; hynrei ynda haba la pyndonburom ïa U Jisu, ki la kynmaw ba ka Jingthoh Bakhuid ka la ong ïa kane shaphang jong u bad ki la leh ïa kane na ka bynta jong u.

KA BAIBL

¹⁶ Ïa kine kiei kiei ruh, ki synran jong u te kim shym la shemphang ha kaba mynnyngkong: hynrei, ynda la pyndonburom ïa U Jisu, ynda kumta, ki la ïakynmaw ba la lah thoh ïa kine kiei kiei ruh shaphang jong u, bad ba ki la lah leh ïa kine kiei kiei ruh ïa u.

ÏOANNIS 12:16 ပူးပေါင်းရင်းမြစ်များ

MARKOS 16:19

Hadien ba U Trai Jisu u la lah kren bad ki, ïa u la shim noh sha bneng bad u la shong ha ka liang kamon jong U Blei.

MARKOS 9:32

Hynrei kim shym la sngewthuh aïu kane ka jinghikai ka kit jingmut, bad ki la sngewsheptieng ban kylli ïa u.

LOUKAS 18:34

Hynrei ki synran kim shemphang ïa kano kano na kine kiei kiei; ïa ka jingmut jong ki kyntien la buhrieh na ki, bad kim tip shaphang kaei U Jisu u kren.

LOUKAS 24:25

Nangta U Jisu u la ong ha ki, “Katno kiba bieit phi long, katno phi long kiba suki ban ngeit ïa kaei kaei baroh kaba ki nongïathuhlypa ki la ong!

LOUKAS 24:45

Nangta u la plie ïa ki jingpyrkhat jong ki ban shemphang ïa ki Jingthoh Bakhuid, bad u la ong ha ki,

LOUKAS 9:45

Hynrei ki synran kim shym tip aïu kane ka kit jingmut. La buhrieh ïa ka na ki, khnang ba kin ym lah ban shemphang ïa ka, bad ki la sheptieng ban kylli ïa u shaphang kane.

ÏOANNIS 12:23

U Jisu u la jubab ïa ki, “Ka kynta ka la poi mynta ïa U Khun U Briew ban ïohpdiang ïa ka burom kaba khraw.

ÏOANNIS 14:26

Uta U Nongïarap, U Mynsiem Bakhuid, ïa uba U Kpa un phah ha ka kyrteng jong nga, un hikai ïa phi ïa kiei kiei baroh bad un pynkynmaw ïa baroh kaba nga la ïathuh ha phi.

ÏOANNIS 16:4

Hynrei nga la ïathuh ha phi ïa kane, ba haba ka por ka poi ïa ki ban leh ïa kine kiei kiei, phin sa kynmaw ba nga la ïathuh ïa phi. “Ngam shym la ïathuh ha phi ïa kine kiei kiei ha kaba mynnyngkong, naba nga la don lem bad phi.

ÏOANNIS 17:5

Ko Pa! To ai ka burom ïa nga ha khmat jong me mynta, kajuh ka burom kaba nga la don lem bad me ha shuwa ban pynlong ïa ka pyrthei.

ÏOANNIS 2:22

Kumta haba la pynmihpat ïa u na ka jingïap, ki synran jong u ki la kynmaw ba u la lah ong ïa kane, bad ki la ngeit ïa ka Jingthoh Bakhuid bad ïa kaei kaba U Jisu u la ong.

ÏOANNIS 7:39

U Jisu u la kren ïa kane shaphang U Mynsiem, uba kito kiba la ngeit ha u kin ïohpdiang. Ha kata ka por ïa U Mynsiem ym pat shym la ai, namar ïa U Jisu ym pat shym la kyntiew sha ka burom.

KI KAM 2:33

La kyntiew ïa u sha ka liang kamon jong U Blei, U Kpa jong u, bad u la ïohpdiang na u ïa U Mynsiem Bakhuid, kumba u la lah kular. Kaei kaba phi ïohi bad ïohsngew mynta ka long ka jingai sngewbha kaba u la theh noh ha ngi.

KI KAM 2:36

“Baroh ki paid Israel, te, ki dei ban tip da kaba thikna ba une U Jisu, uba phi la sahnarphna, u dei uta uba U Blei u la pynlong U Trai bad U Messaïah!”

KI KAM 3:13

U Blei jong u Abraham, u Isaak, bad jong u Jakob, U Blei ki kpa tymmen jong ngi, u la ai ïa ka burom ba kynja blei ha U Jisu u shakri jong u. Hynrei phi la aiti ïa u ha ki bor synshar, bad phi la kyntait ïa u ha khmat u Pilat, wat hadien ba u Pilat u la rai ban pyllait noh ïa u.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 8:1

Ka bynta kaba kongsan na kine kiei kiei ïa kiba ngi kren ka long ba ngi don kum uta U Rangbah Lyngdoh, uba shong ha ka liang kamon jong ka khet ba kynja blei kaba ha bneng.