ÏOANNIS 11:55 - Khasi CL Bible (BSI)

⁵⁵ Ka por jong ka Jingkhawai Niam Ka Jinglait ka la jan, bad bun ki briew ki la leit kiew na ki nongkyndong sha Jerusalem ban pyndep ïa ki jinglehniam ka jingpynkhuid ha shuwa ka Jingkhawai Niam.

KA BAIBL

⁵⁵ Te Ka Niam Ka Jinglait jong ki Jiw ka la jan, shibun te ki la ïaleit kiew sha Jerusalem na ka ri bri, mynshuwa kata Ka Niam Ka Jinglait, ba kin ïoh pynkhuid ïa lade.

ÏOANNIS 11:55 ပူးပေါင်းရင်းမြစ်များ

JENESIS 35:2

Kumta u Jakob u ong ha la ki ba-ha-ïing ha-sem bad ha kita baroh kiba don lem bad u, “Bret noh ïa ki blei nongwei baroh kiba phi don; pynkhuid ïa lade, bad phong da ki jaiñ kiba khuid.

Ka Kitab U Job 1:5

Ha man ka step kaba bud jong ka jingkhawai, u Job u ju khie dang step bad u ai ïa ki jingkñia na ka bynta iwei pa iwei na ki khun jong u ban pynkhuid ïa ki. U ju leh ïa kane borabor namar u pyrkhat ba ïoh iwei na ki i leh pop da kaba ñiewbeiñ ïa U Blei khlem poi pyrkhat.

SALM 26:6

A Trai, nga sait ïa la ki kti ban pyn-i ba nga long uba lui lui bad nga ïaid sawdong ka duwan ha kaba mane ïa me.

EKSODOS 19:10

bad U Trai u ong ha u Moses, “Khie leit sha ki paidbah bad ong ïa ki ba kin pynkhuid ïa lade mynta ka sngi bad la shai ruh khnang ba ki lah ban mane.

JINGKHEIÑ 9:10

ban ong ha ki paid Israel, “Haba uno uno na phi ne na ki khun ki ksiew jong phi ki long ki bymkhuid na kaba ktah ïa ka metïap lane ki don jngai ha ka jingleit jong ki, hynrei kiba kwah pat ban rakhe ïa ka Jingkhawai Niam Ka Jinglait,

JINGKHEIÑ 9:6

Hynrei don ki briew ki bymkhuid kat kum ka jinglehniam namar ba ki la ktah ïa ka metïap bad kim lah ban rakhe ïa ka Jingkhawai Niam Ka Jinglait ha kata ka sngi. Ki la leit sha u Moses bad u Aaron,

MATHAÏOS 26:1

Haba U Jisu u la dep hikai ïa kine kiei kiei baroh, u la ong ha la ki synran.

MATHAÏOS 26:2

“Sa ar sngi, kumba phi tip, kan long ka Jingkhawai Niam Ka Jinglait, bad ïa U Khun U Briew yn sa aiti noh ïa ka ban shah sahnarphna.”

MARKOS 14:1

Ka la long mynta ar sngi shuwa ka Jingkhawai Niam Ka Jinglait bad U Kpu Bakhlem Thiat. Ki rangbah lyngdoh bad ki nonghikai ka Hukum ki la wad ka lad ban kem jar jar ïa U Jisu bad ban pynïap ïa u.

LOUKAS 22:1

Ka por ka la jan na ka bynta ka Jingkhawai Niam U Kpu Bakhlem Thiat, ïa kaba la khot ka Niam Ka Jinglait.

ÏOANNIS 12:1

Hynriew sngi shuwa ka Niam Ka Jinglait, U Jisu u la leit sha Bethania, ka shnong u Lasaros, u briew ïa uba U Jisu u la pynmihpat na ka jingïap.

ÏOANNIS 13:1

Ka la dei shi sngi ha shuwa ka Jingkhawai Niam Ka Jinglait. U Jisu u la tip ba ka kynta ka la poi ban iehnoh ïa kane ka pyrthei bad ban leit sha U Kpa. U la ju ieit borabor ïa kito kiba ha ka pyrthei kiba long ki jong u hi, bad u la ieit ïa ki haduh kaba kut.

ÏOANNIS 18:28

Dang step phyrngab la ïalam ïa U Jisu na ka ïing u Kaïaphas sha ka ïing jong u lyngskor. Ki nongsynshar jong ki Jiw kim shym la rung shapoh ka ïing, naba ki kwah ban sumar khuid ïa lade kat kum ka jinglehniam, khnang ba ki lah ban bam ïa ka Jingkhawai Niam Ka Jinglait.

ÏOANNIS 2:13

Ka la jan dei artat ka por na ka bynta ka Jingkhawai Niam Ka Jinglait, kumta U Jisu u la leit sha Jerusalem.

ÏOANNIS 2:6

Ki Jiw ki don ki aiñ shaphang ka jinglehniam haba sait pynkhuid, bad na ka bynta kane ka jingthmu la don hynriew tylli ki khra-maw buh um, uwei uwei u ngiam kumba shispah litar ka um.

ÏOANNIS 5:1

Hadien kane, U Jisu u la leit sha Jerusalem na ka bynta ka Jingkhawai Niam.

ÏOANNIS 6:4

Ka por jong ka Jingkhawai Niam Ka Jinglait ka la jan.

KI KAM 21:24

Khie leit bad ki bad ïasoh bad ki ha ka jinglehniam ka jingpynkhuid bad siew ïa ki jinglut jingsep jong ki; nangta kin lah ban khi ïa la ki khlieh. Ha kane ka rukom uwei pa uwei un tip ba kam don ka jingshisha ha kano kano na kita kiei kiei kiba la ïathuh ha ki shaphang jong me, hynrei ba ma me hi me im kat kum ka Hukum u Moses.

KI KAM 21:26

Kumta u Paul u la ïalam ïa kita ki rangbah bad ha ka sngi kaba bud u la pyndep ïa ka jinglehniam ka jingpynkhuid lem bad ki. Nangta u la leit sha ka Templ bad u la pyntip katno sngi kan long haduh kaba kut ka por jong ka jingpynkhuid, haba yn ai ïa ka jingkñia na ka bynta jong ki baroh ar ngut.

KI KAM 24:18

Ka la long mynba nga dang leh ïa kane, ba ki la lap ïa nga hapoh ka Templ hadien ba nga la pyndep ïa ka jinglehniam ka jingpynkhuid. Ym shym don u paidbah bad nga bad kam shym don ka jingkulmar.

1 KORINTH 11:28

Kumta te, uwei uwei baroh u dei ban ïit nyngkong ïa lade, bad nangta un bam ïa u kpu bad dih na ka khuri.

JAKOB 4:8

To wan hajan U Blei, bad un wan hajan jong phi. To sait ïa la ki kti, ko phi ki nongpop! To pynkhuid ïa la ki dohnud, phi kiba arsap!

1 SAMUEL 16:5

“Ho-oid” u jubab. “Nga la wan ban ai ka jingkñia ainguh ha U Trai. Pynkhuid ïa lade, bad wan bad nga.” U ong ruh ïa u Jesse bad ki khun shynrang jong u ban pynkhuid ïa lade, bad u khot sngewbha ïa ki sha kata ka jingkñia.