ÏOANNIS 11:50 - Khasi CL Bible (BSI)

⁵⁰ Hato phim sngewthuh ba ka kham bha ïa phi ban shah ba uwei u briew un ïap na ka bynta ka jaitbynriew, ban ïa kaba ka jaitbynriew baroh kawei ka jot noh?”

KA BAIBL

⁵⁰ lymne phim puson ba ka long kaba myntoi ïa ngi, ba uwei u briew un ïap na ka bynta u paidbah, bad ba yn ym pynjot noh ïa kane ka kynja bynriew baroh kawei.”

ÏOANNIS 11:50 ပူးပေါင်းရင်းမြစ်များ

MATHAÏOS 5:29

Kumta lada ka khmat kamon jong phi ka pynlong ïa phi ban leh pop, khlaw noh ïa ka bad bret noh ïa ka! Ka kham bha ïa phi ban duh noh shi bynta na ka met jong phi ban ïa kaba ka met jong phi baroh kawei yn shah bret sha ka dujok.

LOUKAS 24:46

“Kane ka long kaei kaba la thoh: U Messaïah u dei ban shahshitom bad u dei ban mihpat na ka jingïap hadien lai sngi,

ÏOANNIS 11:48

Lada ngi shah bad ïai leh ha kane ka rukom, baroh kin ngeit ha u, bad ki nongsynshar ka Hima Rom kin leh ei ei bad kin pynjot ïa ka Templ bad ïa ka jaitbynriew jong ngi.”

ÏOANNIS 18:14

Dei u Kaïaphas uba la ai jingmut ïa ki nongsynshar jong ki Jiw ba ka kham bha ba uwei u briew un ïap na ka bynta ka briew baroh.

ÏOANNIS 19:12

Haba u Pilat u la ïohsngew ïa kane, u la pyrshang ban thaw lad ban pyllait ïa U Jisu. Hynrei u paidbah u la pyrta biang, “Lada me pyllait ïa u, kata ka mut ba mem dei u paralok jong u Patsha! Uno uno uba kam ba u dei u syiem u long u nongïaleh pyrshah ïa u Patsha!”

Ka Shithi U Paul Sha Ki Nong Rom 3:8

Balei yn ym ong te, “To ngin leh ïa kaba sniew khnang ba kaba bha kan mih?” Katto katne ngut ki briew, shisha, ki pynjahburom ïa nga da kaba pharep ïa nga da kaba ong ïa kane kaei kaei hi! Kin shah pynrem, kumba ki dei ban shah.