ÏOANNIS 11:48 - Khasi CL Bible (BSI)

⁴⁸ Lada ngi shah bad ïai leh ha kane ka rukom, baroh kin ngeit ha u, bad ki nongsynshar ka Hima Rom kin leh ei ei bad kin pynjot ïa ka Templ bad ïa ka jaitbynriew jong ngi.”

KA BAIBL

⁴⁸ lada ngin shah ïa u kumne, baroh kin ïangeit ha u, te ki Roman kin ïawan bad kin ïa-pynjot noh ïa ka jaka bad ïa ka kynja jong ngi ruh.”

ÏOANNIS 11:48 ပူးပေါင်းရင်းမြစ်များ

MATHAÏOS 22:7

U syiem u la bitar tyngeh; kumta u la phah ïa ki shipai jong u, kiba la pynïap ïa kito ki nongpynïap briew bad ki la thang duh ïa ka nongbah jong ki.

MATHAÏOS 22:9

Mynta to khie leit sha ki surok bah bad khot sngewbha sha ka jingkhawai ïa ki briew katba phi lah ban ïashem.’

MATHAÏOS 24:15

“Phin ïohi ïa ‘Ka Jingijli Bashyrkhei’ ïa kaba u Daniel u nongïathuh lypa u la kren. Kan ïeng ha ka jaka bakhuid.” (Ka jingkynthoh ïa u nongpule: Da pynthikna ban shemphang aïu kane ka kit jingmut!)

MATHAÏOS 27:25

U paidbah baroh u la jubab, “Ai ba ka jingkitkhlieh na ka bynta ka jingïap jong u kan hap halor jong ngi bad halor ki khun jong ngi!”

LOUKAS 11:52

“A katno kaba shyrkhei ïa phi ki nonghikai ka Hukum! Phi la bat noh ïa u shabi uba plie ïa ka khyrdop sha ka ïing jong ka jingtip; phi hi phim leit rung shapoh, bad phi khang ïa kito kiba pyrshang ban rung shapoh!”

LOUKAS 8:12

Ki symbai kiba hap ha shi lynter ka lynti ïaid kjat ki ïeng na ka bynta kito kiba ïohsngew; hynrei u Ksuid u wan bad u shim noh ïa ka khubor na ki dohnud jong ki khnang ban khang ïa ki na kaba ngeit bad ïohlait im.

KI KAM 5:28

“Ngi la ai ha phi ïa ki hukum bapyrkhing ban ym hikai ha ka kyrteng jong une u briew,” u la ong; “hynrei peit kaei kaba phi la leh! Phi la pynphriang ïa ka jinghikai jong phi kylleng ka Jerusalem, bad phi kwah ban pynlong ïa ngi kiba kitkhlieh na ka bynta ka jingïap jong u!”