ÏOANNIS 11:47 - Khasi CL Bible (BSI)

⁴⁷ Kumta ki Pharisi bad ki rangbah lyngdoh ki la lum ïa ka dorbar bad ki la ong, “Ngin ïaleh kumno? Peit ïa ki kambah baroh kiba une u briew u la leh!

KA BAIBL

⁴⁷ Ynda kumta, ki rangbah lyngdoh bad kita ki Pharisi, ki la ïalang dorbar, bad ki la ïa-ong, “Ngi leh aïu? naba une u briew u leh shibun ki dak khyllah;

ÏOANNIS 11:47 ပူးပေါင်းရင်းမြစ်များ

MATHAÏOS 26:3

Nangta ki rangbah lyngdoh bad ki tymmen ki san ki la ïakynduh lang ha ka ïing paki dulan jong u Kaïaphas, u Rangbah Lyngdoh,

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

MARKOS 14:1

Ka la long mynta ar sngi shuwa ka Jingkhawai Niam Ka Jinglait bad U Kpu Bakhlem Thiat. Ki rangbah lyngdoh bad ki nonghikai ka Hukum ki la wad ka lad ban kem jar jar ïa U Jisu bad ban pynïap ïa u.

LOUKAS 22:2

Ki rangbah lyngdoh bad ki nonghikai ka Hukum ki la sheptieng ïa u paidbah, bad kumta ki la pyrshang ban wad lad ban pynïap ïa U Jisu ha kaba jar jar.

ÏOANNIS 11:57

Ki rangbah lyngdoh bad ki Pharisi ki la ai ïa ka hukum ba lada uno uno u tip hangno ba U Jisu u don, u dei ban wanrah khubor, khnang ba kin ïohkem ïa u.

ÏOANNIS 12:19

Ki Pharisi ki la ïakren para ma ki, “Phi ïohi, ngim shym lah leh ei ei ruh em! Khmih, ka pyrthei baroh kawei ka ïabud ïa u!”

ÏOANNIS 2:11

U Jisu u la leh ïa kane ka kambah kaba nyngkong ha Kana ha Galilaïa; hangta, u la pynpaw ïa ka burom jong u, bad ki synran jong u ki la ngeit ha u.

ÏOANNIS 6:2

U paidbah byllien u la bud ïa u, namar ba ki la ïohi ïa ki kambah jong u ha kaba pynkhiah ïa kito kiba pang.

ÏOANNIS 7:32

Ki Pharisi ki la ïohsngew ba u paidbah u ïa-pasiaw ïa kine kiei kiei shaphang U Jisu, kumta ma ki bad ki rangbah lyngdoh ki la phah katto katne ngut ki nongap phira ban kem ïa u.

ÏOANNIS 7:45

Haba ki nongap phira ki la leit phai noh, ki rangbah lyngdoh bad ki Pharisi ki la kylli ïa ki, “Balei phi khlem wan ïalam ïa u?”

KI KAM 5:21

Ki apostol ki la kohnguh, bad haba dang byrngut ki la rung sha ka Templ bad ki la sdang ban hikai. U Rangbah Lyngdoh bad kiba synran ïa u ki la khot lang ïa ki tymmen ki san jong ki Jiw na ka bynta ka jingïalang ba-pura jong ka Dorbar; nangta ki la phah hukum sha ka byndi ban wallam ïa ki apostol ha khmat jong ki.

KI KAM 5:24

Haba ki rangbah lyngdoh bad u rangbah pynïaidkam uba khmih ïa ki nongap phira ka Templ ki la ïohsngew ïa kane, ki la sngewphylla ïa kaei kaba lah jia ha ki apostol.