ÏOANNIS 11:42 - Khasi CL Bible (BSI)

⁴² Nga tip ba me shahshkor ïa nga borabor, hynrei nga ong ïa kane na ka bynta u paidbah hangne, ba kumta kin ngeit ba me la phah ïa nga.”

KA BAIBL

⁴² Nga te nga tip ba me sngew ïa nga ha la ka sngi, hynrei, nga la kren na ka bynta une u paidbah uba ïeng baroh sawdong, ba kin ïoh ngeit ba la phah ma me ïa nga.”

ÏOANNIS 11:42 ပူးပေါင်းရင်းမြစ်များ

MATHAÏOS 26:53

Hato phim tip ba nga lah ban kyrpad jingïarap na U Kpa jong nga, bad shisyndon un da la phah palat khat-ar kynhun ki angel?

ÏOANNIS 11:22

Hynrei nga tip ba wat mynta ruh U Blei un ai ha me ïa kaei kaei kaba me pan na u.”

ÏOANNIS 11:31

Ki briew kiba don hapoh ïing bad ka Mari, ban pyntngen ïa ka, ki la ïabud ïa ka haba ki la ïohi ba ka la ïeng joit bad mih kyrkieh. Ki la pyrkhat ba ka leit sha ka jingtep ban ïam hangta.

ÏOANNIS 11:43

Hadien ba u la lah ong ïa kane, u la pyrta da ka sur kaba jam, “Ko Lasaros, to mihnoh!”

ÏOANNIS 12:17

Ki briew kiba la don ryngkat bad U Jisu mynba u la khot ïa u Lasaros na ka jingtep bad ba u la pynmihpat ïa u na ka jingïap, ki la pynbna ïa kaei kaba la jia.

ÏOANNIS 17:21

Nga duwai ba ki baroh kin ïalong kawei. Ko Pa! To ai ba kin ïalong ha ngi, kumba me long ha nga bad ma nga ha me. To ai ba kin ïalong kawei, khnang ba ka pyrthei kan ngeit ba me la phah ïa nga.

ÏOANNIS 17:25

Ko Pa Bahok! Ka pyrthei kam ithuh ïa me, hynrei nga ithuh ïa me, bad kine ki tip ba me la phah ïa nga.

ÏOANNIS 17:8

Nga la ai ha ki ïa ka khubor kaba me la ai ha nga, bad ki la pdiang ïa ka; ki tip ba ka long kaba shisha ba nga la wan na me, bad ki ngeit ba me la phah ïa nga.

ÏOANNIS 20:31

Hynrei ïa kine la thoh khnang ba phin ïoh ngeit ba U Jisu u long U Messaïah, U Khun U Blei, bad da kaba ngeit ha u phin ïoh ïa ka jingim.

ÏOANNIS 3:17

Naba U Blei um shym la phah ïa la U Khun sha ka pyrthei ba un long u nongbishar jong ka, hynrei, ba un long u nongpynim jong ka.

ÏOANNIS 8:16

Hynrei lada nga dei ban leh kumta, ka jingbishar jong nga kan long kaba shisha, namar ngam long marwei ha kane; U Kpa uba la phah ïa nga u long bad nga.

ÏOANNIS 8:29

Bad uta uba la phah ïa nga u long lem bad nga; ym shym la iehnoh ïa nga marwei, namar borabor nga leh ïa kaei kaba pynsngewbha ïa u.”

ÏOANNIS 8:42

U Jisu u la ong ha ki, “Lada U Blei shisha u dei U Kpa jong phi, phin da la ieit ïa nga, namar nga la wan na U Blei bad mynta nga don hangne. Ngam shym la wan ha la ka jong ka bor hi, hynrei u la phah ïa nga.

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

1 ÏOANNIS 4:14

Bad ngi la ïohi bad ïathuh ha kiwei ba U Kpa u la phah ïa la U Khun ban long U Nongpynim jong ka pyrthei.