ÏOANNIS 11:40 - Khasi CL Bible (BSI)

⁴⁰ U Jisu u la ong ha ka, “Hato ngam shym la ïathuh ïa pha ba phan sa ïohi ïa ka burom U Blei lada pha ngeit?”

KA BAIBL

⁴⁰ U Jisu u ong ha ka, “Ngam shym la ong ha pha, ba lada phan ngeit, phan ïohi ïa ka burom jong U Blei?”

ÏOANNIS 11:40 ပူးပေါင်းရင်းမြစ်များ

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

SALM 63:2

Shah ïa nga ban ïohi ïa me ha ka jaka kyntang; shah ïa nga ban ïohi haduh katno me long uba donbor bad uba donburom.

SALM 90:16

Ai ha ngi, ki shakri jong me ban ïohi ïa ki kam kiba donbor jong me; ai ba ki khun ki ksiew jong ngi kin ïohi ïa ka borbah badonburom jong me.

EKSODOS 16:7

Ha ka por mynstep phin ïohi ïa ka jingshai baphyrnai jong ka jingdon ryngkat U Trai. U la ïohsngew ïa ki jingkhñium jong phi pyrshah ïa u — ho-oid, pyrshah ïa u, namar ngi te ngi shu kohnguh ïa ki jingbthah jong u.”

MATHAÏOS 17:20

“Ka la long namar phim don ka jingngeit kaba biang,” la jubab U Jisu. “Nga pynthikna ïa phi ba lada phi don ka jingngeit kaba heh kat u symbai tyrso, phi lah ban ong ïa une u lumrit, ‘Khie leit noh nangne shatai!’ bad un leit. Phi lah ban leh ïa kano kano!”

MARKOS 9:23

“Ho-oid,” U Jisu u la ong, “lada ma me hi me lah. Kiei kiei baroh ki long kiba lah ïa u briew uba don ka jingngeit.”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 11:4

Haba U Jisu u la ïohsngew ïa kata, u la ong, “Kaba kut jong kane ka jingpang kan ym dei ka jingïap jong u Lasaros; kane ka la jia khnang ban wallam ka burom ïa U Blei, bad kan long ka lad ha kaba U Khun U Blei un ïohpdiang ïa ka burom.”

ÏOANNIS 12:41

U Isaïah u la ong ïa kane namar u la ïohi ïa ka burom U Jisu bad u la kren shaphang jong u.

ÏOANNIS 9:3

U Jisu u la jubab, “Ka jingmatlah jong u kam don ei ei bad ki pop jong u ne ki pop jong ki kmie ki kpa jong u. U la long matlah khnang ban ïohi ba ka bor jong U Blei ka trei ha u.

Ka Shithi U Paul Sha Ki Nong Rom 6:4

Da ka jingpynbaptis, ïa ngi la btep bad u, bad ngi ïadon bynta bad ka jingïap jong u, khnang ba, kumba ïa U Khrist la pynmihpat na ka jingïap da ka bor jong ka burom U Kpa, kumta ruh ma ngi, ngi lah ban im ka jingim bathymmai.

2 KORINTH 3:18

Te, baroh na ngi, ngi phalang ïa ka burom jong U Trai da ki durkhmat ba khlem tap; bad kata kajuh ka burom, kaba wan na U Trai, uba long U Mynsiem, ka pynkylla dur ïa ngi sha ka jingïasyriem ïa u ha kata ka kyrdan kaba kham khraw jong ka burom.

2 KORINTH 4:6

U Blei uba la ong, “Na ka jingdum ka jingshai kan tyngshaiñ!” u long ujuh U Blei uba la pynlong ïa ka jingshai jong u ban tyngshaiñ ha ki dohnud jong ngi, ban wanrah ha ngi ïa ka jingtip shaphang ka burom U Blei kaba tyngshaiñ ha U Khrist.