ÏOANNIS 11:3 - Khasi CL Bible (BSI)

³ Kita ki kynthei shi para ki la phah khubor sha U Jisu: “Ko Trai, u paralok uba me ieit u pang.”

KA BAIBL

³ Namar kata, kita ki para kynthei ki la ïaphah ha U, ki ong, “Ko Trai, ha khmih, uta uba me ieit u pang.”

ÏOANNIS 11:3 ပူးပေါင်းရင်းမြစ်များ

JENESIS 22:2

“Shim ïa u khun jong me,” U Blei u ong, “u Isaak, u khun ba tang marwei jong me, ïa uba me ieit thep mynsiem, bad leit sha ka ri Moraïah. Hangta halor u lum ïa uba ngan sa pyn-i ha me, kñia ïa u kum ka jingainguh ha nga.”

SALM 16:3

Katno kiba bha palat ki long ki briew kiba ïaineh ha U Trai! ka jingsngewbha kaba khraw tam jong nga ka long ban ïadon bad ki.

LOUKAS 7:13

Haba U Trai u la ïohi ïa ka, la pyndap ïa ka dohnud jong u da ka jingisynei ïa ka, bad u la ong ha ka, “Wat ïam.”

ÏOANNIS 11:1

U briew uba kyrteng u Lasaros, uba sah ha Bethania, u la pang. Ka Bethania ka dei ka shnong ha kaba ka Mari bad ka Martha ka para jong ka, ki shong ki sah.

ÏOANNIS 11:11

U Jisu u la ong ïa kane bad nangta u pynbud, “U paralok jong ngi u Lasaros u la ïohthiah, hynrei ngan leit bad ngan kyrsiew noh ïa u.”

ÏOANNIS 11:2

(Kane ka Mari ka dei kato kaba la pynsleh ïa ki kjat U Trai da ka jingsleh ba-iwbih bad kaba la ñiad ïa ki da u shñiuh khlieh jong ka; u dei u Lasaros u para jong ka uba la pang.)

ÏOANNIS 11:21

Ka Martha ka la ong ïa U Jisu, “Lada men jin da la don hangne, ko Trai, u para jong nga un ym jin da la ïap!

ÏOANNIS 11:36

“Khmih katno ba u la ieit ïa u!” ki briew ki la ong.

ÏOANNIS 11:5

U Jisu u ieit ïa ka Martha, ïa ka para jong ka, bad ïa u Lasaros.

ÏOANNIS 13:13

“Phi khot ïa nga ‘U Nonghikai’ bad ‘U Trai’, bad ka long kaba dei ba phi leh kumta, namar kata ka dei kaei kaba nga long.

ÏOANNIS 13:23

Uwei na ki synran, uta ïa uba U Jisu u ieit, u da shong shaniah ha U Jisu.

2 TIMOTHI 4:20

U Erastos u la sah ha Korinth, bad nga la iehnoh ïa u Trophimos ha Miletos, namar ba u pang.

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.