ÏOANNIS 11:25 - Khasi CL Bible (BSI)

²⁵ U Jisu u la ong ha ka, “Nga long ka jingmihpat bad ka jingim. Uno uno uba ngeit ha nga un im, wat la u la ïap; un ïoh im, bad uno uno uba im, bad uba ngeit ha nga un ym ïap lano lano ruh.

KA BAIBL

²⁵ U Jisu u la ong ha ka, “Nga long kata ka jingmihpat bad kata ka jingim: uta uba ngeit ha nga, la u la ïap, un ïoh im:

ÏOANNIS 11:25 ပူးပေါင်းရင်းမြစ်များ

SALM 36:9

Me long ka tyllong jong ka jingim baroh; bad namar ka jingshai jong me ngi ïohi ïa ka jingshai.

ISAÏAH 26:19

Kito kiba dei napdeng ki briew jong ngi kiba la ïap kin im biang! Ki met jong ki kin wan phai biang sha ka jingim. Baroh kito kiba ïohthiah ha ki jingtep jong ki kin kyndit thiah bad kin rwai namar ka jingkmen. Kumba ka umjer baphyrnai ka pynthymmai bor ïa ka khyndew, kumta ruh U Trai un pynkhie im pat ïa kito kiba la ïap la slem.

ISAÏAH 38:16

A Trai, ngan im na ka bynta jong me, bad tang ïa me hi; to pynkhiah ïa nga bad ai ngan im.

LOUKAS 23:43

U Jisu u la ong ha u, “Nga kular ïa me ba ha kane ka sngi men don ha ka Paradais bad nga.”

ÏOANNIS 1:4

U Ktien u la long u tyllong jong ka jingim; bad kane ka jingim ka la wanrah ka jingshai ïa u bynriew.

ÏOANNIS 14:19

Sa tang shipor ka pyrthei kan ym ïohi shuh ïa nga, hynrei phin ïohi ïa nga; bad namar ba nga im, phi ruh phin ïoh im.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 3:16

Naba U Blei u la ieit katta katta ïa ka pyrthei kat haduh ba u la aiti noh ïa U Khun ba tang marwei jong u, ba uno uno uba ngeit ha u un ym ïap noh hynrei un ïoh ïa ka jingim bymjukut.

ÏOANNIS 3:36

Uno uno uba ngeit ha U Khun u don ka jingim bymjukut; uno uno u bymkohnguh ïa U Khun un ym ïoh ïa ka jingim, hynrei un ïaisah ha ka jingpynshitom jong U Blei.

ÏOANNIS 5:21

Kumba U Kpa u pynmihpat ïa kiba ïap bad u ai ha ki ïa ka jingim, ha kajuh ka rukom U Khun u ai jingim ïa kito kiba u mon.

ÏOANNIS 5:26

Kumba U Kpa da lade hi u long u tyllong jong ka jingim, ha kajuh ka rukom u la pynlong ïa U Khun jong u ban long u tyllong jong ka jingim.

ÏOANNIS 6:35

“Nga, nga long u kpu ka jingim,” U Jisu u la ïathuh ïa ki. “Kito kiba wan sha nga da lei lei kin ym thngan; kito kiba ngeit ha nga da lei lei kin ym sliang.

ÏOANNIS 6:44

Ym don uba lah ban wan sha nga lymda U Kpa uba la phah ïa nga u pynwan ïa u sha nga; bad ngan pynmihpat ïa u ha ka sngi kaba khatduh.

KI KAM 3:15

Phi la pynïap ïa uta uba ïalam sha ka jingim, hynrei U Blei u la pynmihpat ïa u na ka jingïap — bad ngi long ki sakhi ïa kane.

Ka Shithi U Paul Sha Ki Nong Rom 4:17

kumba ka Jingthoh Bakhuid ka ong, “Nga la pynlong ïa me u kpa jong ki jaitbynriew babun.” Kumta ka jingkular ka long kaba bha ha khmat U Blei, ha uba u Abraham u la ngeit — U Blei uba wallam ïa kiba la ïap sha ka jingim bad uba ka hukum jong u ka pynlong ïa kaei ka bym shym la don.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

1 KORINTH 15:18

Kan mut ruh ba kiba ngeit ha U Khrist, kiba la ïap ki long kiba la jot noh keiñ.

1 KORINTH 15:29

Mynta, aïu kan long ïa kito ki briew kiba la pynbaptis na ka bynta kiba ïap? Aïu ki kyrmen ban pyndep? Lada ka long kaba shisha, kumba don kiba kam, ba ïa kiba ïap yn ym pynmihpat, balei ïa kito ki briew la pynbaptis na ka bynta kiba ïap?

2 KORINTH 4:14

Ngi tip ba U Blei, uba la pynmihpat ïa U Trai Jisu na kiba ïap, un pynmihpat ïa ngi ruh lem bad U Jisu bad un ïalam ïa ngi, ryngkat bad phi, sha ka jingdon ryngkat jong u.

PHILIPPI 1:23

Ïa nga la tan ha ki ar bynta. Nga da kwah eh ban iehnoh ïa kane ka jingim bad ban don bad U Khrist, kaba long kaei kaei kaba kham bha;

PHILIPPI 3:10

Baroh kaba nga kwah ka long ba ngan ithuh ïa U Khrist bad ban mad ïa ka bor ka jingmihpat jong u, ban ïoh bynta ha ki jingshahshitom jong u, bad ban long kum ma u ha ka jingïap jong u,

1 THESSALONI 4:14

Ngi ngeit ba U Jisu u la ïap bad u la mihpat, bad kumta ngi ngeit ba U Blei un shim pat bad U Jisu ïa kito kiba la ïap da kaba ngeit ha u.

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 20:5

(Kiba sah na kiba ïap kim shym la im pat tad ynda ki shihajar snem ki la kut.) Kane ka dei ka jingpynmihpat kaba nyngkong ïa kiba ïap.

JINGPYNPAW 21:4

Un ñiad noh ïa ki ummat baroh na ki khmat jong ki. Yn ym don shuh ka jingïap, ym don shuh ka jingsngewsih lane ka jingïam lane ka jingpang. Kiei kiei kiba rim ki la jah noh.”

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

JINGPYNPAW 22:17

U Mynsiem bad ka Nongleitkurim ki ong, “To wan!” Uwei uwei baroh uba ïohsngew ïa kane u dei ruh ban ong, “To wan!” To wan, uno uno uba sliang, to pdiang ïa ka um ka jingim kum ka jingai sngewbha, uno uno uba kwah ïa ka.