ÏOANNIS 10:9 - Khasi CL Bible (BSI)

⁹ Nga, nga long kata ka jingkhang. Uno uno uba rung shapoh da nga un ïoh im; kin ïohrung shapoh bad mih shabar bad shem ïa ka jaka bam phlang.

KA BAIBL

⁹ Nga, nga long uta u jingkhang; lada uno uno ruh un bsut hapoh da nga, un ïohlait im, bad un ïoh leit hapoh, un ïoh mih noh ruh, bad un shem ïa ka jaka phlang babha.

ÏOANNIS 10:9 ပူးပေါင်းရင်းမြစ်များ

SALM 95:7

U long U Blei jong ngi, ngi long ki briew kiba u sumar, ka kynhun langbrot kaba u pyndap. To sngap ha kane ka sngi ïa kaei kaba u ong:

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

ESEKIEL 36:38

Ki nongbah kiba mynta ki don ha ka jingjot kin sa dap da ki paidbah kumba ka Jerusalem shisien ka ju dap da ki langbrot ba la wanrah kum ki jingkñia ha ka Jingkhawai Niam. Te kin sa tip ba nga long U Trai.”

SEKHARAÏAH 10:12

Ngan pynkhlaiñ ïa ki briew jong nga; kin ïamane bad kohnguh ïa nga.” U Trai u la kren.

ÏOANNIS 10:1

U Jisu u la ong, “Nga ong ha phi ïa ka jingshisha: U briew u bym rung sha ka sem ki langbrot na ka jingkhang, hynrei uba shu kiew nawei pat, u long u nongtuh bad u nonglute.

ÏOANNIS 10:3

U nongap jingkhang u plie ïa ka jingkhang na ka bynta jong u; ki langbrot ki ïohsngew ïa ka sur jong u katba u dang khot ïa la ki langbrot da ka kyrteng, bad u ïalam ïa ki shabar.

ÏOANNIS 10:7

Kumta U Jisu u la ong biang, “Nga ïathuh ha phi ïa ka jingshisha: Nga long ka jingkhang jong ki langbrot.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

EPHESOS 2:18

Ka dei lyngba U Khrist ba baroh ma ngi, ki Jiw bad ki Jentil, ngi la lah ban wan ha uwei U Mynsiem sha ka jingdon ryngkat jong U Kpa.