ÏOANNIS 10:4 - Khasi CL Bible (BSI)

⁴ Haba u la pynmih ïa ki shabar, u ïaid ha shuwa jong ki, bad ki langbrot ki bud ïa u, namar ba ki sngewthuh ïa ka sur jong u.

KA BAIBL

⁴ Bad haba u la pynmih noh ïa la ki jong, u ïaid ha shuwa jong ki, te kita ki langbrot ki ïabud ïa u; naba ki ïasngewthuh ïa ka ktien jong u.

ÏOANNIS 10:4 ပူးပေါင်းရင်းမြစ်များ

JINGRWAI SOLOMON 2:8

Nga ïohsngew ïa ka sur uba ieit jong nga. U wan da kaba mareh nalor ki lumbah, u da mareh stet sha shiliang ki lumrit sha nga.

JINGRWAI SOLOMON 5:2

Katba nga dang thiah, ka dohnud jong nga ka peitmat. Nga la phohsniew ba uba ieit jong nga u tied jingkhang. Shah ngan rung shapoh, ko ba-ieit jong nga, ko ba-ieit thep mynsiem jong nga, ko lyngdkhur jong nga. Ka khlieh jong nga ka jhieh da ka umjer, bad u shñiuh jong nga u sngem na u lyoh khyndew.

MATHAÏOS 16:24

Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

ÏOANNIS 10:16

Don kiwei pat ki langbrot ki bym dei na kane ka sem langbrot. Nga dei ban wallam ïa ki ruh; kin shahshkor ïa ka sur jong nga, bad kin ïalong kawei ka kynhun langbrot bad uwei u nongaplangbrot.

ÏOANNIS 10:27

Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

ÏOANNIS 10:3

U nongap jingkhang u plie ïa ka jingkhang na ka bynta jong u; ki langbrot ki ïohsngew ïa ka sur jong u katba u dang khot ïa la ki langbrot da ka kyrteng, bad u ïalam ïa ki shabar.

ÏOANNIS 10:5

Kin ym bud ïa uwei pat; pynban, kin phet ïap na uba kum uta u briew, namar kim sngewthuh ïa ka sur jong u.”

ÏOANNIS 10:8

Baroh kita kiwei kiba la wan ha shuwa jong nga ki long ki nongtuh bad nonglute, hynrei ki langbrot kim shym la shahshkor ïa ki.

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 13:15

Nga la pyn-i ka nuksa ïa phi, ba phin leh kumba nga la leh ma nga ïa phi.

ÏOANNIS 18:37

Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

1 KORINTH 11:1

To pyrthuh bud ïa nga, te, kumba nga ruh nga pyrthuh bud ïa U Khrist.

EPHESOS 5:1

Namar phi long ki khun kiba ieit eh jong U Blei, phi dei ban long kum ma u.

DEUTERONOMI 1:30

U Trai U Blei jong phi un ïalam ïa phi, bad un ïaleh na ka bynta jong phi, kumba phi la ïohi ïa u ba u leh ha Ijipt

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 6:20

Na ka bynta jong ngi U Jisu u la rung hapoh hangta shuwa jong ngi, bad u la jia long U Rangbah Lyngdoh junom, ha ka rukom long lyngdoh u Melkhisedek.

1 PETROS 2:21

Ka dei ïa kane ba U Blei u la khot ïa phi, naba U Khrist hi u la shahshitom na ka bynta jong phi bad u la iehnoh ha phi ïa ka nuksa, khnang ba phin bud ha ki dien'jat jong u.

1 PETROS 4:1

Haba U Khrist u la shahshitom ha ka doh, phi ruh phi dei ban pynkhlaiñ ïa lade da kajuh ka jingpyrkhat kaba u la don; namar uno uno uba shahshitom ha ka doh um ïakhleh shuh bad ka pop.

1 PETROS 5:3

Wat pyrshang ban leh trai khlieh halor kito ha kiba la ai ïa phi ban sumar, hynrei to long ka nuksa ïa ka kynhun.