ÏOANNIS 10:38 - Khasi CL Bible (BSI)

³⁸ Hynrei lada nga leh ïa ki, wat lada phim ngeit ïa nga, phi la dei ban ngeit ïa ki kam jong nga, khnang ba phi lah ban tip shi syn tip ba U Kpa u long ha nga bad ba nga long ha U Kpa.”

KA BAIBL

³⁸ hynrei, lada nga leh, la phim ïangeit satia ïa nga, to phin ïangeit te ïa kita ki jingleh: ba phin ïoh tip, bad ba phin ïoh ngeit, ba uta U Kpa u ha nga, bad nga ruh ha u.”

ÏOANNIS 10:38 ပူးပေါင်းရင်းမြစ်များ

ÏOANNIS 10:25

U Jisu u la jubab, “Nga la lah ïathuh ïa phi, hynrei phim ngeit ïa nga. Ki kam kiba nga leh ha ka bor u Kpa jong nga ki kren na ka bynta jong nga;

ÏOANNIS 10:30

U Kpa bad ma nga ngi long kawei.”

ÏOANNIS 11:4

Haba U Jisu u la ïohsngew ïa kata, u la ong, “Kaba kut jong kane ka jingpang kan ym dei ka jingïap jong u Lasaros; kane ka la jia khnang ban wallam ka burom ïa U Blei, bad kan long ka lad ha kaba U Khun U Blei un ïohpdiang ïa ka burom.”

ÏOANNIS 14:20

Haba kata ka sngi ka poi, phin sa tip ba nga long ha U Kpa jong nga bad ba ma phi ha nga, kumba nga long ha phi.

ÏOANNIS 17:11

Bad mynta nga wan noh sha me; ngam don shuh ha kane ka pyrthei, hynrei ma ki, ki don ha ka pyrthei. Ko Pa Bakhuid! To ri kyndong ïa ki da ka bor ka kyrteng jong me, ka kyrteng kaba me la ai ha nga, ba kin ïoh long kawei kumba ma me bad nga ngi ïalong kawei.

ÏOANNIS 3:2

Ha kawei ka miet, une u la leit sha U Jisu bad u la ong ha u, “Ko Rabbi, ngi tip ba me long u nonghikai ïa uba la phah da U Blei. Ym don uno uno uba lah ban leh ïa ki kambah kiba me leh lymda U Blei u don ryngkat bad u.”

ÏOANNIS 5:36

Hynrei nga don ka jingphla na ka bynta jong nga kaba kham khraw ban ïa ka jingphla kaba u Ïoannis u la ai: Kaei kaba nga leh, kata ka long, ki kam kiba U Kpa jong nga u la ai ïa nga ban leh, kine ki kren na ka bynta jong nga bad ki pyn-i ba U Kpa u la phah ïa nga.

KI KAM 2:22

“A to shahshkor ïa kine ki kyntien, ko para nong Israel! U Jisu uba na Nasareth u la long u briew uba ïa ka bor ba kynja blei jong u la pynshisha da kaba shai ha phi da ki kambah bad kamphylla baroh kiba U Blei u la leh lyngba jong u. Phi hi phi tip ïa kane, naba ka la jia hangne hapdeng jong phi.

1 ÏOANNIS 3:24

Uno uno uba kohnguh ïa ki hukum jong U Blei, u ïaisah ha U Blei bad U Blei u ïaisah ha u. Bad dei namar U Mynsiem uba U Blei u la ai ha ngi, ngi tip ba U Blei u ïaisah ha ngi.