ÏOANNIS 10:28 - Khasi CL Bible (BSI)

²⁸ Nga ai ha ki ïa ka jingim bymjukut, bad kin ym ïap da lei lei ruh. Ym don uno uno uba lah ban knieh noh ïa ki na nga.

KA BAIBL

²⁸ ma nga te nga ai ha ki, ïa ka jingim bymjukut: bad kin ym ïajot shuh lano lano ruh, lymne uei uei ruh un ym knieh kynthet ïa ki na ka kti jong nga.

ÏOANNIS 10:28 ပူးပေါင်းရင်းမြစ်များ

Ka Kitab U Job 17:9

Kito kiba dawa ba ki long kiba donburom ki la nang sngewdei shuh shuh ba kim shym la bakla.

SALM 31:5

Nga buh ïa lade ha ka jingsumar jong me; men pynim ïa nga, A Trai; me long U Blei uba ïaineh.

SALM 37:28

Naba U Trai u ieit ïa kaei kaba dei; bad un ym iehnoh ïa ki briew jong u kiba ïaineh skhem. U ïada ïa ki junom, hynrei ïa ki khun ki ksiew jong ki bymman yn beh noh.

PROBERB 24:16

Kam pher katno sien uba hok u kyllon, borabor un khie pat; hynrei ka jingjot ka pynjot ïa ki bymman.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

ISAÏAH 27:3

“Ngan khmih ïa ka bad ïai ai um ïa ka. Ngan ap phira ïa ka mynmiet bad mynsngi khnang ba yn ym don mano mano u ban pynsniew ïa ka.

ISAÏAH 45:17

Hynrei ïa ki Israel la pynim da U Trai, bad ka jingjop jong u ka neh junom; ki briew jong ka kin ym jahburom.’ ”

ISAÏAH 54:17

Hynrei yn ym don ka tiar thma ka ban lah ban pynmynsaw ïa pha; phan don ka jubab ïa kito baroh kiba mudui ïa pha. Ngan kyrshan ïa ki shakri jong nga bad ngan ai jingjop ïa ki.” U Trai u la kren.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

JEREMAÏAH 23:4

Ngan thung ïa ki nongsynshar ki ban sumar ïa ki. Ki briew jong nga kin ym sheptieng ne sngewshyrkhei, bad ngan ym pynshitom shuh ïa ki. Ma nga, U Trai, nga la kren.”

JEREMAÏAH 31:3

Ko ki paid Israel, nga la ieit ïa phi borabor, kumta nga ïai pyn-i ïa phi ïa ka jingieit baneh jong nga.

JEREMAÏAH 31:34

Yn ym don uwei ruh na ki u ban hap hikai ïa la u para ri ban tip ïa U Trai, namar baroh kin tip ïa nga, naduh uba rit tam haduh uba khraw tam. Ngan map ïa ki pop jong ki bad ngan ym kynmaw shuh ïa ki jingbakla jong ki. Ma nga, U Trai, nga la kren.”

JEREMAÏAH 32:40

Ngan pynlong ïa ka jutang bymjukut bad ki. Ngan ym sangeh lano lano ruh ban leh ïa kiei kiei kiba bha na ka bynta jong ki, bad ngan pynlong ïa ki ban tiengburom ïa nga da ka dohnud jong ki baroh, khnang ba kin ym phai dien shuh na nga.

MARKOS 13:22

Namar ki Messaïah balamler bad ki nongïathuhlypa balamler kin mih. Kin leh ïa ki kambah bad ki jingphylla khnang ban shukor wat ïa ki briew ba la jied jong U Blei, lada long kaba lah.

LOUKAS 23:46

U Jisu u la pyrta ha ka sur bajam, “Ko Pa! Ha ki kti jong me nga aiti ïa la ka mynsiem!” U la ong ïa kane bad u la ïap.

ÏOANNIS 10:29

Kaei kaba U Kpa jong nga u la ai ha nga ka long kham khraw ban ïa kiei kiei baroh, bad ym don uno uno uba lah ban knieh noh ïa ki na ka jingsumar U Kpa.

ÏOANNIS 11:25

U Jisu u la ong ha ka, “Nga long ka jingmihpat bad ka jingim. Uno uno uba ngeit ha nga un im, wat la u la ïap; un ïoh im, bad uno uno uba im, bad uba ngeit ha nga un ym ïap lano lano ruh.

ÏOANNIS 14:19

Sa tang shipor ka pyrthei kan ym ïohi shuh ïa nga, hynrei phin ïohi ïa nga; bad namar ba nga im, phi ruh phin ïoh im.

ÏOANNIS 17:2

Naba me la ai ha u ïa ka bor halor u bynriew baroh, khnang ba u lah ban ai ïa ka jingim bymjukut ha kito baroh ïa kiba me la ai ha u.

ÏOANNIS 18:9

(U la ong ïa kane khnang ba ïa kaei kaba u la lah ong kan urlong shisha: “Ko Pa, ngam shym la duh noh wat uwei ruh na kita ïa kiba me la ai ha nga.”)

ÏOANNIS 3:36

Uno uno uba ngeit ha U Khun u don ka jingim bymjukut; uno uno u bymkohnguh ïa U Khun un ym ïoh ïa ka jingim, hynrei un ïaisah ha ka jingpynshitom jong U Blei.

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 5:24

“Nga ong ha phi ïa ka jingshisha: Uno uno uba ïohsngew ïa ki ktien jong nga bad uba ngeit ha uta uba la phah ïa nga u don ka jingim bymjukut. Yn ym bishar ïa u, hynrei u la lait shiliang na ka jingïap sha ka jingim.

ÏOANNIS 6:27

Wat trei na ka bynta ka jingbam ka ban sa sniew; pynban, trei na ka bynta ka jingbam ka ban neh sha ka jingim bymjukut. Kane ka long ka jingbam kaba U Khun U Briew un ai ha phi, namar ba U Blei uba U Kpa, u la sngewbha ban shonshab ha u.”

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

ÏOANNIS 6:47

Nga ong ha phi ïa ka jingshisha: Uta uba ngeit u don ka jingim bymjukut.

ÏOANNIS 6:68

U Simon Petros u la jubab ïa u, “Ko Trai, sha uno pat ngin leit? Me don ki ktien kiba ai ïa ka jingim bymjukut.

KI KAM 7:59

Ki la ïai lynthem maw ïa u Stephan katba u dang khot kyrpad ïa U Trai, “A Trai Jisu, to pdiang ïa ka mynsiem jong nga!”

Ka Shithi U Paul Sha Ki Nong Rom 5:17

Ka long ka jingshisha ba lyngba ka pop jong uwei u briew, ka jingïap ka la sdang ban synshar, namar jong uta uwei u briew. Hynrei katno kaba kham khraw ka long ka jingmih jong kaei kaba la leh da uwei u briew, U Jisu Khrist! Baroh kiba ïohpdiang ïa jingaiei bakyrhai U Blei bad ba la pynïasuk bad u kin synshar ha ka jingim lyngba U Khrist.

Ka Shithi U Paul Sha Ki Nong Rom 5:2

U la wallam ïa ngi da ka jingngeit sha kane ka jingshem mynsiem jong ka jingaiei U Blei, ha kaba mynta ngi im. Bad kumta ngi sngewsarong ïa ka jingkyrmen jong ka jingïadon bynta ha ka burom jong U Blei!

Ka Shithi U Paul Sha Ki Nong Rom 5:21

Te kumta, kumba ka pop ka synshar da ka jingïap, kumta ruh ka jingaiei U Blei ka synshar da ka hok, ka ïalam ïa ngi sha ka jingim bymjukut lyngba U Jisu Khrist U Trai jong ngi.

Ka Shithi U Paul Sha Ki Nong Rom 5:9

Da ka jingïap ba aiti lut jong u, mynta la pynlong ka jingïadei hapdeng jong ngi bad U Blei; katno tam te, ngin long kiba lait im da u na ka jingbitar U Blei!

Ka Shithi U Paul Sha Ki Nong Rom 6:23

Naba ka pop ka siew ïa la ka bainong — ka jingïap; hynrei ka jingaiei jong U Blei ka long ka jingim bymjukut ha U Khrist Jisu uba U Trai jong ngi.

Ka Shithi U Paul Sha Ki Nong Rom 8:1

Ym don jingpynrem shuh mynta na ka bynta kito kiba im ha U Khrist Jisu.

Ka Shithi U Paul Sha Ki Nong Rom 8:29

Kito ïa kiba U Blei u la lah jied lypa u la pynkyrpang ruh ban long kum U Khun jong u, khnang ba U Khun un long uba nyngkong hapdeng ki para.

DEUTERONOMI 33:3

U Trai u ieit ïa la ki briew, bad u ïada ïa la ki jong. Kumta ngi dem ha ki kjat jong u, bad kohnguh ïa ki hukum jong u.

PHILIPPI 1:6

Bad kumta nga sngewskhem ba U Blei, uba la sdang ïa kane ka kam babha ha phi, un ïai trei ha phi haduh ba yn da pyndep ïa ka ha kata ka Sngi jong U Khrist Jisu.

2 THESSALONI 2:13

Ngi dei ban ainguh ïa U Blei ha ki por baroh na ka bynta jong phi, ko parabangeit, phi kiba U Trai u ieit. Naba U Blei u la jied ïa phi kum kiba nyngkong ban pynim da ka bor U Mynsiem ban pynlong ïa phi ki riewkhuid jong u bad da ka jingngeit jong phi ha ka jingshisha.

1 TIMOTHI 1:16

hynrei U Blei u la leh-isynei ïa nga khnang ba U Khrist Jisu un ïoh pynpaw ïa ka jingïaishah slem jong u ha kaba ïadei bad nga, uba sniew tam na kiba pop, kum ka nuksa ïa kito baroh ki ban sa ngeit ïa u hadien bad ïohpdiang ïa ka jingim bymjukut.

2 TIMOTHI 1:12

Hynrei nga dap da ka jingsngewskhem, namar nga tip hano nga la shaniah, bad nga sngewthikna ba u lah ban sumar skhem haduh kata ka Sngi ïa kaei kaba u la aiti ha nga.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

1 PETROS 1:5

Ki long na ka bynta jong phi, kiba da ka jingngeit la ri kyndong da ka bor U Blei ïa ka jingpynim kaba la pynkhreh ban sa pynpaw ha kaba kut jong ka por.

1 ÏOANNIS 1:2

Haba ïa une u jingim la pynpaw, ngi la ïohi ïa u; kumta ngi kren shaphang jong u bad ngi ïathuh ïa phi shaphang ka jingim bymjukut kaba la don bad U Kpa bad ba la pynithuh ha ngi.

1 ÏOANNIS 2:19

Kine ki briew da shisha kim don ha ka jingïasyllok jong ngi, bad kata ka long balei ba ki la iehnoh ïa ngi; lada ki la don ha ka jingïasyllok bad ngi, kin jin da la sah bad ngi. Hynrei ki mihnoh, ba kan paw shai ba ym don napdeng jong ki kiba dei shisha ki jong ngi.

1 ÏOANNIS 2:25

Bad kane ka long kaei kaba U Khrist hi da lade u la kular ban ai ha ngi — ka jingim bymjukut.

1 ÏOANNIS 5:11

Ka jingphla ka long kane: U Blei u la ai ha ngi ïa ka jingim bymjukut, bad kane ka jingim ka don ka tyllong jong ka ha U Khun jong u.

JUDAH 1:1

Na u Judah, u shakri jong U Jisu Khrist, bad u para jong u Jakob — Sha kito kiba la khot da U Blei, kiba im hapoh ka jingieit jong U Blei U Kpa bad ha ka jingsumar U Jisu Khrist:

JUDAH 1:21

bad to ri ïa lade ha ka jingieit U Blei, da kaba ap khmih ïa U Jisu Khrist uba U Trai jong ngi ha ka jingisynei jong u ban ai ha phi ïa ka jingim bymjukut.

JUDAH 1:24

Ha uta uba lah ban ri kyndong ïa phi na ka jinghap noh, bad ban wallam ïa phi kiba khlem jingduna bad kiba kmen ha khmat ka burom ka jingdon ryngkat jong u —

1 SAMUEL 2:9

“U ïada ïa ka jingim jong kito kiba shaniah ha u, hynrei kiba bymman kin shu jah lngaid ha ka jingdum; u briew u jop ym da ka bor la jong.