ÏOANNIS 10:20 - Khasi CL Bible (BSI)

²⁰ Bun na ki, ki la ïa-ong, “U shongksuid! U la lamwir! Balei phi ïa-shahskhor ïa u?”

KA BAIBL

²⁰ Shibun na ki te ki la ïa-ong, “U don u ksuid, bad u la lamwir; hato balei phi ïasngap ïa u?”

ÏOANNIS 10:20 ပူးပေါင်းရင်းမြစ်များ

ISAÏAH 53:8

La kem ïa u bad la bishar bad ïalam noh ban shah pynïap, bad ym don ba salia ïa kaei ka ban jia ïa u. La pynïap ïa u na ka bynta ki pop jong ki briew jong ngi.

JEREMAÏAH 29:26

“U Trai u la pynlong ïa phi u lyngdoh ha ka jaka jong u Jehoïada, bad mynta phi long u rangbah pynïaidkam ha ka Templ. Ka dei ka kamram jong phi ban khmih ba ïa uwei pa uwei u riewlamwir uba leh mynleh ba u long u nongïathuhlypa dei ban buh ha ki kynjri lem bad u jingdeng ryndang uba da ka nar.

MATHAÏOS 10:25

Kumta uba shah hikai u dei ban sngewhun ban long kum u nonghikai jong u, bad u mraw kum u kynrad jong u. Lada ïa u khlieh jong ka longïing la khot u Beelsebul, ïa ki dkhot jong ka longïing yn khot da ki kyrteng kiba kham sniew!

MATHAÏOS 11:18

Haba u Ïoannis u la wan, u la shahjingit bad um shym dih waiñ, bad uwei uwei baroh u la ong, ‘Une uba shongksuid!’

MATHAÏOS 9:34

Hynrei ki Pharisi ki la ong, “U dei u rangbah jong ki ksuid uba ai ha u ka bor ban beh noh ïa ki ksuid.”

MARKOS 3:21

Mynba kiba na ka longïing jong u ki la ïohsngew shaphang kata, ki la leit ban shimti ïa u, namar ki briew ki la ïa-ong, “U la lamwir!”

ÏOANNIS 7:20

“Me don u ksuid hapoh jong me!” u paidbah u la jubab. “Mano ba pyrshang ban pynïap ïa me?”

ÏOANNIS 8:52

Ki la ong ha u, “Mynta ngi sngewthikna ba me don u ksuid! U Abraham u la ïap, bad ki nongïathuhlypa ki la ïap, pynban me ong ba lada uno uno uba kohnguh ïa ka jinghikai jong me un ym ïap lano lano ruh.

KI KAM 26:24

Katba u Paul u dang ïasaid da ïa lade ha kane ka rukom, u Phestos u la pyrta ha u, “Me la lamwir, ko Paul! Ka jingstad bakhraw jong me ka la pynlamwir ïa me!”