ÏOANNIS 10:2 - Khasi CL Bible (BSI)

² U briew uba rung shapoh lyngba ka jingkhang u long u nongap jong ki langbrot.

KA BAIBL

² Hynrei, uta uba bsut na kata ka jingkhang, u long u nongap jong kita ki langbrot.

ÏOANNIS 10:2 ပူးပေါင်းရင်းမြစ်များ

SALM 23:1

U Trai u long u nongaplangbrot jong nga; nga ïoh ïa kiei kiei baroh kiba nga donkam.

SALM 80:1

To shahshkor ïa ngi, ko Nongap langbrot ka Israel; to sngew ïa ngi, ko nongïalam jong ka kynhun langbrot jong me. Me uba la shong halor ka khet halor jong ki kherub,

EKLESIASTIS 12:11

Ki jingong jong ki briew kiba stad ki long kum ki dieng banep kiba ki nongap langbrot ki pyndonkam ha kaba ïalam lynti ïa ki langbrot, bad ki proberb kiba la lum ki neh slem kum ki preg kiba la sah pynskhem. Ki long kiba la ai da U Blei, U Nongap Langbrot jong ngi baroh.

ISAÏAH 40:11

Un sumar ïa ka kynhun jong u kum u nongaplangbrot; un lumlang ïa ki khunlangbrot bad un rah ïa ki ha ki ksang'ti jong u; un ïalam jai jai ïa ki kmie jong ki.

ISAÏAH 63:11

Hynrei nangta ki kynmaw ïa ki por kiba mynshuwa, ïa ki sngi u Moses, u shakri U Trai bad ki kylli, “Hangno mynta u don U Trai, uba pyllait im ïa ki nongïalam jong ki briew jong u na ka duriaw? Hangno u don U Trai, uba la ai ïa U Mynsiem jong u ha u Moses?

ESEKIEL 34:23

Ngan ai ha ki ïa u syiem uba kum u shakri jong nga u Dabid ba un long uwei u nongsharai jong ki, bad un sumar bha ïa ki.

MIKAH 5:5

Haba ki Assyria ki hiarthma ïa ka ri jong ngi bad tur lyngba ki jingïada jong ngi, ngin phah ïa ki nongïalam bakhlaiñ tam ban ïaleh ïa ki.

SEKHARAÏAH 11:3

Ki nongsynshar ki kyang jam ha ka jingsngewsih; ka burom jong ki ka la leit noh! To pynshahshkor ïa ka jingkyrhuh jong ki sing; ïa ka ïing khlaw jong ki ha shi lynter jong ka Jordan la pynjot.

SEKHARAÏAH 11:5

Ki trai jong ki, ki pynïap ïa ki bad ki lait na ka jingshah pynshitom. Ki die ïa ka doh bad ki ong, ‘To ïaroh ïa U Trai! Ngi la riewspah!’ Wat ki nongaplangbrot jong ki hi kim don jingisynei ïa ki.”

SEKHARAÏAH 11:8

Ngam lah shah shuh ïa ki lai ngut kiwei pat ki nongaplangbrot, kiba la isih ïa nga, bad nga la beh noh ïa ki baroh hapoh shi bnai.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

MATHAÏOS 15:11

Kam dei kata kaba rung shapoh ka shyntur jong u briew kaba pynlong ïa u, u bymkhuid kat kum ka lehniam; pynban, dei kaba mih shabar na ka, kaba pynlong ïa u, u bymkhuid.”

ÏOANNIS 10:14

Nga, nga long u nongaplangbrot uba bha. Kumba U Kpa u ithuh ïa nga bad nga, nga ithuh ïa U Kpa, ha kajuh ka rukom nga ithuh ïa la ki langbrot bad ki ithuh ïa nga. Bad nga kloi ban ïap na ka bynta jong ki.

ÏOANNIS 10:7

Kumta U Jisu u la ong biang, “Nga ïathuh ha phi ïa ka jingshisha: Nga long ka jingkhang jong ki langbrot.

ÏOANNIS 10:9

Nga, nga long kata ka jingkhang. Uno uno uba rung shapoh da nga un ïoh im; kin ïohrung shapoh bad mih shabar bad shem ïa ka jaka bam phlang.

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

1 TIMOTHI 4:14

Wat leh bymsuidñiew ïa ka jingai ba kynja mynsiem kaba don ha me, ïa kaba la ai ha me mynba ki nongïathuhlypa ki la kren bad ki nongsharai balang ki la buh ïa la ki kti halor jong me.

TITOS 1:5

Nga la iehnoh ïa me ha Krit, khnang ba men buh ryntih ïa kiei kiei kiba dang donkam ban leh bad ban thung ïa ki nongsharai balang ha man la ki shnong. To kynmaw ïa ki jingbthah jong nga:

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.

1 PETROS 5:4

Bad ynda U Nongaplangbrot Rangbah un paw, phin ïohpdiang ïa ka pansngiat badonburom kaba ka jingtyngshaiñ kan ym jah na ka lano lano ruh.

JINGPYNPAW 1:20

Kane ka dei ka jingmut barieh jong ki hynñiew tylli ki khlur kiba me ïohi ha ka kti kamon jong nga, bad ki hynñiew tylli ki diengpynïeng sharak ksiar: Ki hynñiew tylli ki khlur ki long ki angel jong ki hynñiew tylli ki balang, bad ki hynñiew tylli ki diengpynïeng sharak ki long ki hynñiew tylli ki balang.