ÏOANNIS 10:16 - Khasi CL Bible (BSI)

¹⁶ Don kiwei pat ki langbrot ki bym dei na kane ka sem langbrot. Nga dei ban wallam ïa ki ruh; kin shahshkor ïa ka sur jong nga, bad kin ïalong kawei ka kynhun langbrot bad uwei u nongaplangbrot.

KA BAIBL

¹⁶ Nga don kiwei pat ki langbrot ruh, ki bymlong na kane ka jingker; ïa kita ruh ka dei ïa nga ban wallam, bad kin sngap ïa ka ktien ka jong nga; te kin ïalong shi kynhun, bad uwei u nongaplangbrot.

ÏOANNIS 10:16 ပူးပေါင်းရင်းမြစ်များ

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

SALM 86:9

Baroh ki jaitbynriew ba me la thaw kin wan bad dem ngon ha khmat jong me, kin ïaroh ïa ka jingkhraw jong me.

EKLESIASTIS 12:11

Ki jingong jong ki briew kiba stad ki long kum ki dieng banep kiba ki nongap langbrot ki pyndonkam ha kaba ïalam lynti ïa ki langbrot, bad ki proberb kiba la lum ki neh slem kum ki preg kiba la sah pynskhem. Ki long kiba la ai da U Blei, U Nongap Langbrot jong ngi baroh.

ISAÏAH 11:10

Ka sngi ka wan ha kaba u syiem bathymmai na ka longïing syiem jong u Dabid un long ka dak ka shin ïa ki jaitbynriew. Kin ïalumlang ha ka nongbah ba kynja syiem jong u bad ai ka jingpyndonburom ïa u.

ISAÏAH 43:6

Ngan ïathuh ïa ka shatei ban shah ïa ki ban leit bad ïa ka shathie ban ym bat noh ïa ki. Ai ba ki briew jong nga ki wan phai na ki ri bajngai, na man la ki bynta baroh jong ka pyrthei.

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 52:10

U Trai un pyndonkam ïa ka bor bakhuid jong u; un pynim ïa la ki briew, bad ka pyrthei baroh kan ïohi ïa kata.

ISAÏAH 56:8

U Trai Nongsynshar, uba la wallam pat ïa ki paid Israel sha ïing na ka ri ka jinglongmraw, u la kular ba un sa wallam ïa kiwei pat ki briew ban ïasoh lang bad ki.

ESEKIEL 34:12

Ha kajuh ka rukom kumba u nongaplangbrot u sumar bha ïa la ki langbrot kiba la sakma bad u wallam lang ïa ki pat. Ngan wallam pat ïa ki na ki jaka sha kiba la pynsakma ïa ki ha kata ka sngi ka jingdum bad jingjot.

ESEKIEL 34:23

Ngan ai ha ki ïa u syiem uba kum u shakri jong nga u Dabid ba un long uwei u nongsharai jong ki, bad un sumar bha ïa ki.

ESEKIEL 34:6

Kumta ki langbrot jong nga ki ïaid sakma sha ki lumrit bajrong bad ki lumbah. La pynsakma ïa ki kylleng ka pyrthei, bad ym don ba ïit ïa ki ne pyrshang ban wad ïa ki.

ESEKIEL 37:22

Ngan pyntylli ïa ki kum kawei ka jaitbynriew ha ka ri, halor ki lumbah ka Israel; kin don tang uwei u syiem u ban synshar halor jong ki, bad kin ym long shuh ka jingïaphiah ha ki ar ki jaitbynriew lane ïabynta ha ki ar tylli ki hima.

ESEKIEL 37:24

U syiem uba kum u Dabid, u shakri jong nga un long u syiem jong ki. Kin ïalong kawei hapoh uwei u nongsynshar bad kin kohnguh hok ïa ki aiñ jong nga.

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

LOUKAS 15:8

“Lane tharai kawei ka briew kaba don shiphew tylli ki sbai rupa ka duh noh kawei na ki — kaei ba kan leh? Ka thang ïa ka sharak, ka sar ïa la ka ïing, bad ka khmih biang biang kylleng kylleng haduh ba kan da shem ïa ka.

ÏOANNIS 10:11

“Nga, nga long u nongaplangbrot uba bha, uba kloi ban ïap na ka bynta ki langbrot.

ÏOANNIS 10:2

U briew uba rung shapoh lyngba ka jingkhang u long u nongap jong ki langbrot.

ÏOANNIS 10:27

Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

ÏOANNIS 10:3

U nongap jingkhang u plie ïa ka jingkhang na ka bynta jong u; ki langbrot ki ïohsngew ïa ka sur jong u katba u dang khot ïa la ki langbrot da ka kyrteng, bad u ïalam ïa ki shabar.

ÏOANNIS 10:4

Haba u la pynmih ïa ki shabar, u ïaid ha shuwa jong ki, bad ki langbrot ki bud ïa u, namar ba ki sngewthuh ïa ka sur jong u.

ÏOANNIS 10:5

Kin ym bud ïa uwei pat; pynban, kin phet ïap na uba kum uta u briew, namar kim sngewthuh ïa ka sur jong u.”

ÏOANNIS 17:20

“Nga duwai ym tang na ka bynta jong ki, hynrei na ka bynta kito ruh kiba ngeit ha nga namar ka khubor jong ki.

ÏOANNIS 6:37

Uno uno ïa uba U Kpa jong nga u ai ha nga un wan sha nga. Ngan ym kyntait ïa uno uno uba wan sha nga, namar nga la wan hiar na bneng ban leh ym ïa ka mon ka jong nga hynrei ïa ka mon jong uta uba la phah ïa nga.

KI KAM 15:14

U Simon u dang shu dep batai kumno ba U Blei u la pyn-i nyngkong ïa ka jingpyrkhat na ka bynta ki Jentil da kaba shim napdeng jong ki ïa u paidlang ban long u jong u.

KI KAM 18:10

Ym don mano mano ba lah ban pynmynsaw ïa me, naba kiba bun ha kane ka nongbah ki long ki briew jong nga.”

KI KAM 22:14

U la ong, ‘U Blei jong ki kpa tymmen jong ngi, u la jied ïa me ban tip ïa ka mon jong u, bad ban ïohi ïa U Shakri bahok jong u, bad ban ïohsngew ïa u ba u kren ha ka sur jong u hi.

Ka Shithi U Paul Sha Ki Nong Rom 11:25

Ka don ka jingshisha barieh, ko ki parabangeit jong nga, kaba nga kwah ïa phi ban tip, naba kan pynlong ïa phi ban ym pyrkhat katno uba stad phi long. Kata ka long ba ka jingmutlop jong ki paid Israel kam neh sah, hynrei kan neh tang haduh kata ka por ba baroh ki Jentil kin wan sha U Blei.

2 THESSALONI 2:13

Ngi dei ban ainguh ïa U Blei ha ki por baroh na ka bynta jong phi, ko parabangeit, phi kiba U Trai u ieit. Naba U Blei u la jied ïa phi kum kiba nyngkong ban pynim da ka bor U Mynsiem ban pynlong ïa phi ki riewkhuid jong u bad da ka jingngeit jong phi ha ka jingshisha.

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.

1 PETROS 2:10

Ha kawei ka por phim shym la long ki briew jong U Blei, hynrei mynta phi long ki briew jong u; ha kawei ka por phim shym la tip ïa ka jinglehisynei U Blei, hynrei mynta phi la ïohpdiang ïa ka jinglehisynei jong u.

1 PETROS 2:25

Phi la ju long kum ki langbrot kiba la jah lynti, hynrei mynta la wallam pat ban bud ïa U Nongaplangbrot bad Nongsharai ïa ki mynsiem jong phi.

1 PETROS 5:4

Bad ynda U Nongaplangbrot Rangbah un paw, phin ïohpdiang ïa ka pansngiat badonburom kaba ka jingtyngshaiñ kan ym jah na ka lano lano ruh.

JINGPYNPAW 3:20

Shahshkor! Nga ïeng ha ka jingkhang bad nga tied; lada uno uno u sngew ïa ka sur jong nga bad plie ïa ka jingkhang, ngan wan rung shapoh ka ïing jong u bad ngan ïabam bad u, bad ma u ruh un ïabam lem bad nga.