ÏOANNIS 10:10 - Khasi CL Bible (BSI)

¹⁰ U nongtuh u wan tang ban ïoh tuh, ban pynïap bad ban pynjot. Nga la wan khnang ba phin ïoh ïa ka jingim — ka jingim ha ka jingdap kyrhai jong ka.

KA BAIBL

¹⁰ U nongtuh um wan, hynrei, tang ba un ïoh tuh, bad ba un ïoh pynïap, bad ba un ïoh pynjot de: nga, nga la wan ba kin ïoh ka jingim, ba kin ïoh kyrhai ïa ka ruh.

ÏOANNIS 10:10 ပူးပေါင်းရင်းမြစ်များ

ISAÏAH 56:11

Ki long kum ki ksew kiba jlawnguid, ki bym ju ïoh bam kdang. Kine nongïalam ruh kim don ka jingshemphang. Uwei pa uwei na ki u leh katba u sngewbit, bad wad ïa la ka jong ka jingmyntoi.

HOSIA 7:1

“Ha kano kano ka por ba nga kwah ban pynkhiah ïa ki briew jong nga ki Israel bad pynlong ïa ki ban manbha sa shisien pat, baroh kaba nga lah ban ïohi ka long ka jingbymman jong ki bad ka kam sniew kaba ki leh. Ki shukor uwei ïa uwei pat; ki rung jubor ha ki ïing bad ki tuh; ki lute ïa ki briew ha ki lynti bah.

MATHAÏOS 18:10

“To sumar ba phin ym ibeiñ ïano ïano na kine kiba rit. Ki angel jong ki ha bneng, nga ong ha phi, ki ïai don ha ka jingdon ryngkat jong U Kpa jong nga uba ha bneng.

MATHAÏOS 18:11

“Namar U Khun U Briew u la wan ban pynim ïa ki briew kiba la jah noh.

MATHAÏOS 20:28

kum U Khun U Briew, u bym shym la wan ba un shah shakri, hynrei ban shakri bad aiti ïa la ka jingim ban siewspah ïa ki briew kiba bun.”

MATHAÏOS 21:13

bad u la ong ha ki, “La thoh ha ki Jingthoh Bakhuid ba U Blei u la ong, ‘Ïa ka Templ jong nga yn khot ka ïing ka jingduwai.’ Hynrei phi pynlong ïa ka, ka jakarieh ïa ki nongtuh!”

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MARKOS 11:17

Nangta u la hikai ïa u paidbah: “La thoh ha ki Jingthoh Bakhuid ba U Blei u la ong, ‘Ïa ka Templ jong nga yn khot ka ïing jingduwai ïa ki briew jong ki jaitbynriew baroh.’ Hynrei phi la pynlong ïa ka, ka jakarieh jong ki nongtuh!”

LOUKAS 19:10

U Khun U Briew u la wan ban wad bad ban pynim ïa kiba la jah noh.”

ÏOANNIS 10:1

U Jisu u la ong, “Nga ong ha phi ïa ka jingshisha: U briew u bym rung sha ka sem ki langbrot na ka jingkhang, hynrei uba shu kiew nawei pat, u long u nongtuh bad u nonglute.

ÏOANNIS 10:11

“Nga, nga long u nongaplangbrot uba bha, uba kloi ban ïap na ka bynta ki langbrot.

ÏOANNIS 12:47

Lada uno uno u ïohsngew ïa ka khubor jong nga bad um kohnguh ïa ka, ngan ym bishar ïa u. Nga la wan, ym ban bishar ïa ka pyrthei, hynrei ban pynim ïa ka.

ÏOANNIS 12:6

U la ong ïa kane, ym namar ba u da sngewkhia ïa kiba duk, hynrei namar ba u la long u nongtuh. U bat ïa ka pla pisa bad uba la ju shim na ka ban pyndonkam ïa lade.

ÏOANNIS 3:17

Naba U Blei um shym la phah ïa la U Khun sha ka pyrthei ba un long u nongbishar jong ka, hynrei, ba un long u nongpynim jong ka.

ÏOANNIS 5:40

Pynban phim mon ban wan sha nga khnang ba phin ïoh ïa ka jingim.

ÏOANNIS 6:33

Naba u kpu ba U Blei u ai u long uta uba wan hiar na bneng bad uba ai jingim ïa ka pyrthei.”

ÏOANNIS 6:51

Nga long u kpu uba im uba la wan hiar na bneng. Lada uno uno u bam ïa une u kpu, un im junom. U kpu ba ngan ai ha u, u long ka doh jong nga, ïa kaba nga ai khnang ba ka pyrthei kan ïoh im.”

Ka Shithi U Paul Sha Ki Nong Rom 2:21

Phi hikai ïa kiwei pat — balei phim hikai ïa lade? Phi ïalap, “Wat tuh” — hynrei phi hi phi tuh?

1 TIMOTHI 1:15

Kane ka long ka jingong kaba shisha, ïa kaba dei ban pdiang pura bad ban ngeit: U Khrist Jisu u la wan sha ka pyrthei ïa ka ban pynim ïa ki nongpop, nga long uba sniew tam na ki,

HEBRU 6:17

Ha kito kiba dei ban ïohpdiang ïa kaei kaba u kular, U Blei u kwah ban pyn-i shai ba un ym pynkylla ïa ki jingthmu jong u; kumta u wanrah de ïa ka jingsmai ha ka jingkular.

HEBRU 7:25

Bad kumta u long uba lah, mynta bad borabor, ban pynim ïa kita kiba wan sha U Blei da u, namar u im junom ban ïasaid bad U Blei na ka bynta jong ki.

2 PETROS 1:11

Ha kane ka rukom, phin ïoh ïa ka hok ba-pura ban rung sha ka Hima bymjukut jong U Jisu Khrist uba U Trai bad U Nongpynim jong ngi.