ÏOANNIS 10:1 - Khasi CL Bible (BSI)

¹ U Jisu u la ong, “Nga ong ha phi ïa ka jingshisha: U briew u bym rung sha ka sem ki langbrot na ka jingkhang, hynrei uba shu kiew nawei pat, u long u nongtuh bad u nonglute.

KA BAIBL

¹ “Shisha, shisha nga ong ha phi: u bymbsut na ka jingkhang sha ka jingker jong ki langbrot, hynrei, u da leit kiew nawei pat, uta u long uba buit'ti bad u nongtuh.

ÏOANNIS 10:1 ပူးပေါင်းရင်းမြစ်များ

JEREMAÏAH 14:15

Ma nga, U Trai, nga ïathuh ïa phi ïa kaei ba ngan leh ïa kito ki nongïathuhlypa kiba ngam shym phah hynrei kiba kren ha ka kyrteng jong nga bad ong ba ka thma bad ka jingïapthngan kin ym lynshop ïa kane ka ri — ngan pynïap ïa ki ha ka thma bad da ka jingïapthngan.

JEREMAÏAH 23:21

U Trai u ong, “Ngam shym la phah ïa kine ki nongïathuhlypa, hynrei wat la katta ki leit la ka leit. Ngam shym la ai kano kano ka khubor ha ki, hynrei pynban ki kren ha ka kyrteng jong nga.

JEREMAÏAH 23:32

To sngew ïa kaei kaba ma nga, U Trai, nga ong! Nga long pyrshah ïa kito ki nongïathuhlypa kiba ïathuh ïa la ki jingphohsniew kiba dap da ki jinglamler. Ki ïathuh ïa kine ki jingphohsniew bad ïalam bakla ïa ki briew jong nga da ka jinglamler bad ka jingsngewmeng jong ki. Ngam shym la phah ne hukum ïa ki ban leit, bad kim shym la long satia ka jingïarap ïa ki briew. Ma nga, U Trai, nga la kren.”

JOEL 2:9

Ki rung stet sha ka nongbah; ki mareh nalor ki kynroh; ki kiew sha ki ïing bad ki rung lyngba ki jingkhangïit kum ki nongtuh.

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

ÏOANNIS 10:7

Kumta U Jisu u la ong biang, “Nga ïathuh ha phi ïa ka jingshisha: Nga long ka jingkhang jong ki langbrot.

ÏOANNIS 3:3

U Jisu u la jubab, “Nga ïathuh ha me ïa ka jingshisha: Ym don uba lah ban ïohi ïa ka Hima U Blei lymda kha pat ïa u.”

Ka Shithi U Paul Sha Ki Nong Rom 10:15

Bad kumno ïa ka khubor lah ban pynbna lada ïa ki nongrah-khubor ym shym la phah? Kumba ka Jingthoh Bakhuid ka ong, “Katno ka long kaba phylla ka jingwan jong ki nongrah-khubor kiba wallam ïa ka khubor babha!”

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

TITOS 1:11

Ka long kaba donkam ban pynsngap jar ïa ka jingïathuh jong ki, namar ki pynkylla khongpong ïa ki longïing baroh da kaba hikai ïa kaei kaba kim dei ban hikai, bad baroh ka long ïa ka jingthmu basngewlehrain ban thaw pisa.

HEBRU 5:4

Ym don uno uno ruh uba shim ha lade ïa ka burom ka jinglong rangbah lyngdoh. Ka dei tang lyngba ka jingkhot U Blei, ba u briew u lah ban long u rangbah lyngdoh — kumba u Aaron u la long.

1 PETROS 1:10

Ka dei shaphang kane ka jingpynim ba ki nongïathuhlypa ki la ïawad bad ïit bha biang biang, bad ki la ïathuhlypa shaphang kane ka jingai ïa kaba U Blei un ai ha phi.

2 PETROS 2:1

Ki nongïathuhlypa balamler ki la ju mih ha ki por ba la leit noh hapdeng ki briew, bad ha kajuh ka rukom, ki nonghikai balamler kin mih hapdeng jong phi. Kin wallam ïa ki jinghikai bapynjot bad bymshisha ïa ki jinghikai shongtynrai bad kin len ïa U Kynrad uba la siewspah ïa ki, bad kumta kin wallam ha lade ïa ka jingpynjot kaba kynsan.

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.