ÏOANNIS 1:51 - Khasi CL Bible (BSI)

⁵¹ Bad u la ong ha ki, “Nga ïathuh ha phi ïa ka jingshisha: Phin sa ïohi ïa ka bneng ba la plie bad ki angel jong U Blei ba ki ïakiew bad ïahiar ha U Khun U Briew.”

KA BAIBL

⁵¹ U ong ruh ha u, “Shisha, shisha nga ong ha phi: phin sa ïohi ïa ka bneng ba la plie, bad ïa ki angel U Blei ba ki ïakiew bad ki ïahiar ha U Khun u briew.”

ÏOANNIS 1:51 ပူးပေါင်းရင်းမြစ်များ

JENESIS 28:12

U la phohsniew ba u ïohi ïa ka lynti mawkyrdon na khyndew sha bneng, bad ki angel kiba ïakiew ïahiar ha ka.

ESEKIEL 1:1

Ha ka sngi kaba san jong u bnai uba saw jong ka snem kaba laiphew, ma nga, u Esekiel u lyngdoh, u khun jong u Busi, nga dang ïashong ïasah ryngkat bad ki Jiw ba la shah ringmraw harud ka wah Khebar ha Babilonia. Ka bneng ka la plie wang, bad nga la ïohi ïa U Blei ha ka jingïohipaw.

SEKHARAÏAH 13:7

U Trai Badonbor Baroh u ong, “To khie joit, ko waitlam, bad tur ïaleh ïa u nongaplangbrot uba trei na ka bynta jong nga! Pynïap ïa u, bad ïa ki langbrot yn pynsakma. Ngan tur ïaleh ïa ki briew jong nga

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

MATHAÏOS 26:24

U Khun U Briew un ïap kumba ki Jingthoh Bakhuid ki ong ba un shah leh kumta, hynrei katno kaba shyrkhei kan long ïa uta u briew uba shetkylla ïa U Khun U Briew! Kan jin da kham bha ïa uta u briew lada ym shym la kha ïa u!”

MATHAÏOS 3:16

Hadien ba U Jisu u la shah pynbaptis, u la wan kiew noh na ka um. Nangta ïa ka bneng la plie ha u, bad u la ïohi ïa U Mynsiem jong U Blei uba wan hiar kum ka paro bad ka da wan shong halor jong u.

MATHAÏOS 4:11

Nangta u Soitan u la iehnoh ïa U Jisu; bad ki angel ki la ïawan bad ki la ïarap ïa u.

MATHAÏOS 8:20

U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

MATHAÏOS 9:6

Ngan pynshisha ha phi, te, ba U Khun U Briew u don ka iktiar ha ka khyndew ban map ïa ki pop.” Kumta u la ong ha u briew uba ïapshiliang, “To ïeng joit, to rah ïa la ka jingthiah, bad leit sha ïing!”

MARKOS 1:10

U Jisu u tang shu mih na ka um, u la ïohi ïa ka bneng ba la plie bad U Mynsiem ba u wan hiar halor jong u kum ka paro.

MARKOS 14:62

“Nga long,” U Jisu u la jubab, “bad phin ïohi ïa U Khun U Briew uba shong ha ka liang kamon jong U Badonbor Baroh bad ba u wan ha ki lyoh jong ka bneng!”

LOUKAS 2:13

Kynsan ka kynhun bah jong ki angel ka bneng, ka la mihpaw lem bad u angel, ki da rwai ki jingïaroh ïa U Blei:

LOUKAS 2:9

U angel jong U Trai u la mihpaw ha ki, bad ka burom jong U Trai ka la tyngshaiñ halor jong ki. Ki la sngewsheptieng shikatdei eh,

LOUKAS 22:43

U angel na bneng u la paw ha u bad u la pynshaitbor ïa u.

LOUKAS 22:69

Hynrei naduh mynta U Khun U Briew un shong ha ka liang kamon jong U Blei Badonbor Baroh.”

LOUKAS 24:4

Ki la ïeng hangta, ki la shaïong shaphang kane, haba kynsan ar ngut ki rangbah ha ki jaiñ kiba phyrnai eh ki la ïeng hajan jong ki.

LOUKAS 3:21

Ynda haba la dep pynbaptis ïa ki briew baroh, la pynbaptis ruh ïa U Jisu. Katba U dang duwai, la plie ïa ka bneng,

ÏOANNIS 1:50

U Jisu u la ong, “Hato me ngeit tang namar ba nga la ïathuh ïa me ba nga la ïohi ïa me mynba me dang don ha trai u dieng Dumbur? Men sa ïohi ïa kiei kiei kiba kham khraw ban ïa kane!”

ÏOANNIS 10:1

U Jisu u la ong, “Nga ong ha phi ïa ka jingshisha: U briew u bym rung sha ka sem ki langbrot na ka jingkhang, hynrei uba shu kiew nawei pat, u long u nongtuh bad u nonglute.

ÏOANNIS 10:7

Kumta U Jisu u la ong biang, “Nga ïathuh ha phi ïa ka jingshisha: Nga long ka jingkhang jong ki langbrot.

ÏOANNIS 13:16

Nga ong ha phi ïa ka jingshisha: U mraw um long kham khraw ban ïa u kynrad jong u, bad u nonglamktien um long kham khraw ban ïa uta uba la phah ïa u.

ÏOANNIS 13:38

U Jisu u la jubab, “Hato me long ba la kloi shisha ban ïap na ka bynta jong nga? Nga ïathuh ha me ïa ka jingshisha: Ha shuwa ba u syiar un kyn-ih men len ïa nga lai sien ba mem ithuh ïa nga.

ÏOANNIS 14:12

Nga ïathuh ha phi ïa ka jingshisha: Uno uno uba ngeit ha nga un leh ïa kaei kaba nga leh — ho-oid, un leh wat ïa ki kiei kiei kiba kham khraw, namar ngan leit sha U Kpa.

ÏOANNIS 16:20

Nga ong ha phi ïa ka jingshisha: Phin ïam bad phin ïamkthang, hynrei, ka pyrthei kan shadkmen; phin ïasngewsih, hynrei ka jingsngewsih jong phi kan kylla sha ka jingkmen.

ÏOANNIS 16:23

“Haba kata ka sngi ka poi, phin ym pan ei ei na nga. Nga ïathuh ha phi ïa ka jingshisha: U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 21:18

Nga ïathuh ha me ïa ka jingshisha: Haba me dang samla, me ju long uba la pynkhreh bad me leit kat shaba me mon; hynrei haba me la tymmen, men kner la ki jong ki kti bad uwei pat un teh un khum ïa me bad un ïalam ïa me sha kaba mem kwah ban leit.”

ÏOANNIS 3:3

U Jisu u la jubab, “Nga ïathuh ha me ïa ka jingshisha: Ym don uba lah ban ïohi ïa ka Hima U Blei lymda kha pat ïa u.”

ÏOANNIS 3:5

“Nga ïathuh ha me ïa ka jingshisha,” U Jisu u la jubab, “Ym don uba lah ban rung sha ka Hima U Blei khlem da kha na ka um bad na U Mynsiem.

ÏOANNIS 5:19

Kumta U Jisu u la jubab ïa ki, “Nga ong ha phi ïa ka jingshisha: U Khun um lah ban leh ei ei na lade; u leh tang ïa kaei kaba u ïohi ba U Kpa jong u, u leh. Ïa kaei kaba U Kpa u leh, U Khun ruh u leh.

ÏOANNIS 5:27

Bad u la ai ha U Khun ïa ka hok ban bishar, namar u long U Khun U Briew.

ÏOANNIS 6:26

U Jisu u la jubab, “Nga ong ha phi ïa ka jingshisha: Phi ïawad ïa nga namar ba phi la bam ïa u kpu bad phi la ïoh baroh kaba phi kwah, ym namar ba phi la sngewthuh shai ïa ki kambah jong nga.

ÏOANNIS 6:32

“Nga ong ha phi ïa ka jingshisha,” U Jisu u la ong, “kaei kaba u Moses u la ai ha phi kam dei u kpu na bneng; dei U Kpa jong nga uba ai ha phi ïa u kpu bashisha na bneng.

ÏOANNIS 6:47

Nga ong ha phi ïa ka jingshisha: Uta uba ngeit u don ka jingim bymjukut.

ÏOANNIS 6:53

U Jisu u la ong ha ki, “Nga ong ha phi ïa ka jingshisha: Lada phim bam ïa ka doh jong U Khun U Briew bad dih ïa ka snam jong u, phin ym don ïa ka jingim ha lade.

ÏOANNIS 8:34

U Jisu u la ong ha ki, “Nga ong ha phi ïa ka jingshisha: Uno uno uba leh pop u long u mraw ka pop.

ÏOANNIS 8:51

Nga ong ha phi ïa ka jingshisha: Uno uno uba kohnguh ïa ka jinghikai jong nga un ym ïap lano lano ruh.”

ÏOANNIS 8:58

“Nga ong ha phi ïa ka jingshisha,” U Jisu u la phai ktien. “Ha shuwa ban kha ïa u Abraham, ‘Nga la long.’ ”

KI KAM 10:11

U la ïohi ba la plie ïa ka bneng bad kaei re kawei kaba wan hiar kaba i kum ka jaiñ siang kaba heh ïa kaba la pynhiar na ki saw tylli ki dong jong ka sha ka pyrthei.

KI KAM 7:56

“Ha khmih!” u la ong. “Nga ïohi ïa ka bneng ba la plie bad ïa U Khun U Briew ba u ïeng ha ka liang kamon jong U Blei!”

2 THESSALONI 1:7

bad un ai ka jingpyllait ha phi kiba shahshitom bad ha ngi ruh kumjuh. Un leh ïa kane haba U Trai Jisu u mihpaw na bneng lem bad ki angel bakhlaiñbor jong u,

2 THESSALONI 1:9

Kin shah ïa ka jingpynshitom jong ka jingpynjot bymjukut, kiba la pynïakhlad na ka jingdon ryngkat ka jong U Trai bad na ka jingkhlaiñbor badonburom jong u,

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

JUDAH 1:14

Dei u Enokh, uba hynñiew na kiba hiarpateng beit na u Adam, uba la ïathuhlypa la slem bah ïa kane shaphang jong ki: “U Trai un wan lem bad ki hajar ki angel bakhuid jong u

JINGPYNPAW 19:11

Nangta nga la ïohi ïa ka bneng ba plie, bad la don u kulai uba lieh. Ïa u nongshong ha u la khot Uba Ïaineh bad Uba Shisha; ka long da ka jinglehhok ba u bishar bad u ïaleh ïa ki jingïaleh thma jong u.

JINGPYNPAW 4:1

Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”