ÏOANNIS 1:49 - Khasi CL Bible (BSI)

⁴⁹ “Ko Nonghikai,” la jubab u Nathanael, “me long U Khun U Blei! Me long u Syiem ki Israel!”

KA BAIBL

⁴⁹ U Nathanael u la ïathuh bad u ong ha U, “Ko Rabbi; me, me long U Khun U Blei; me, me long U Syiem jong u Israel!”

ÏOANNIS 1:49 ပူးပေါင်းရင်းမြစ်များ

SALM 110:1

U Trai u la ong ha u trai jong nga, u syiem, “Shong hangne ha ka liang kamon jong nga haduh ba ngan da pyndem ïa ki nongshun jong me hapoh ki kjat jong me.”

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

DANIEL 9:25

Kynmaw ïa kane bad to shemphang ïa ka: Naduh ka por ba la ai ïa ka hukum ban tei pat ïa ka Jerusalem, tad haduh ba wan u nongïalam ba la jied da U Blei, ki hynñiew sien ki hynñiew snem kin leit noh. Ïa ka Jerusalem yn tei pat lem bad ki lynti bah bad ki jingïada bakhlaiñ, bad kan ïeng haduh hynñiew sien ki hynriewphew ar snem, hynrei kane kan long ka por ki jingjynjar.

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

MIKAH 5:2

U Trai u ong, “Ko Bethlehem Ephrathah, pha long kaba rit tam na ki shnong ha Judah, hynrei na pha ngan pynmih ïa u nongsynshar ïa ki Israel, uba ka tynrai longïing jong u ka long na ki por mynbarim.”

SEPHANAÏAH 3:15

U Trai u la pynkut ïa ka jingpynshitom ïa phi; u la weng noh ïa ki nongshun jong phi baroh. U Trai, u syiem ka Israel, u long bad phi; ym don daw mynta ban sheptieng.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 14:33

Nangta ki synran hapoh ka lieng ki la mane ïa U Jisu. “Da shisha me long U Khun U Blei!” ki la pynbna.

MATHAÏOS 2:2

“Hangno u don u khunlung uba la kha ban long u syiem jong ki Jiw? Ngi la ïohi ïa u khlur jong u mynba u la mih ha ka phang mihngi, bad ngi la wan ban mane ïa u.”

MATHAÏOS 21:5

“To ïathuh ïa ka nongbah Seïon, ha khmih, u Syiem jong pha u wan sha pha! U long uba sngewrit bad u shong halor ka kada bad halor u khun kada.”

MATHAÏOS 23:7

ki ieit ban shah khublei da ka jingburom ha ki jaka ïew bad ban shah khot ha ki briew ‘ko Nonghikai.’

MATHAÏOS 23:8

Ïa phi ym dei ban khot ‘ko Nonghikai,’ namar ba phi baroh phi ïalong mar ryngkat bad don tang uwei U Nonghikai.

MATHAÏOS 27:11

U Jisu u la ïeng ha khmat u lyngskor ka hima Rom, uba la kylli jingkylli ïa u. “Hato me long u Syiem ki Jiw?” u la kylli. “Me ong kumta,” la jubab U Jisu.

MATHAÏOS 27:42

“U la pyllait im ïa kiwei, hynrei um lah ban pynim ïa lade! Hato um dei une u syiem ka Israel? Lada u la hiar noh mynta na ka diengphna, ngin ngeit ha u!

MATHAÏOS 4:3

Te u Soitan u la wan ha U bad u la ong, “Lada me long U Khun U Blei, hukum ïa kine ki maw ban kylla kpu.”

MARKOS 15:32

To ngin ïakhmih ïa U Messaïah, u syiem ki Israel, un hiar na ka diengphna mynta, bad ngin ngeit ha u!” Bad kita ki ar ngut kiba la shah sahnarphna bad U Jisu, ki la krenbeiñ ruh ïa u.

LOUKAS 1:35

U angel u la jubab, “U Mynsiem Bakhuid un sa wan ha pha, bad ka bor jong U Blei kan shong halor jong pha. Na kane ka daw, ïa i khunlung bakhuid yn khot U Khun U Blei.

LOUKAS 19:38

“U Blei u kyrkhu ïa u syiem uba wan ha ka kyrteng jong U Trai! Ka jingsuk ha ki bneng bad ka burom ïa U Blei!”

ÏOANNIS 1:18

Ym don mano mano ruh uba la ïohi ïa U Blei. U Khun ba marwei jong u, uba long kumjuh kum U Blei bad uba don ha syndah jong U Kpa, u la pynpaw shynna ïa u.

ÏOANNIS 1:34

Nga la ïohi ïa kata,” la ong U Ïoannis, “bad nga ong ha phi ba une u dei U Khun U Blei.”

ÏOANNIS 1:38

U Jisu u la phai, u la ïohi ïa ki ba ki bud ïa u, bad u la kylli, “Phi ïawad aïu?” Ki la jubab ïa u, “Hangno me sah, ko Rabbi?” (Kane ka kyntien ka mut “U Nonghikai”.)

ÏOANNIS 1:50

U Jisu u la ong, “Hato me ngeit tang namar ba nga la ïathuh ïa me ba nga la ïohi ïa me mynba me dang don ha trai u dieng Dumbur? Men sa ïohi ïa kiei kiei kiba kham khraw ban ïa kane!”

ÏOANNIS 18:37

Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

ÏOANNIS 4:31

Ha kata hi ka por ki synran ki la ïakyrpad ïa U Jisu, “Ko Nonghikai, to bam ei ei!”