ÏOANNIS 1:4 - Khasi CL Bible (BSI)

⁴ U Ktien u la long u tyllong jong ka jingim; bad kane ka jingim ka la wanrah ka jingshai ïa u bynriew.

KA BAIBL

⁴ Ha u, la don ka jingim; bad kata ka jingim ka la long ka jingshai jong ki briew.

ÏOANNIS 1:4 ပူးပေါင်းရင်းမြစ်များ

SALM 49:6

da ki briew kiba sniew kiba shaniah ha ka spah jong ki bad kiba sarong ïa la ka spah bakhraw jong ki.

SALM 84:11

U Trai u long u nongïada jong ngi bad u syiem uba donburom; u kyrkhu ïa ngi da ka jingbhasbun bad ka burom. Um kyntait ïa kaei kaei kaba bha na kito kiba leh ïa kaei kaei kaba dei.

ISAÏAH 42:16

“Ngan ïalam ïa ki briew bamatlah jong nga na ki lynti kiba kim pat ju ïaid. Ngan pynkylla ïa ka jingdum jong ki sha ka jingshai bad pynlong ïa ki jaka khohruh khohram kiba jem ha khmat jong ki. Kine ki long ki jingkular jong nga, bad ngan batskhem ïa ki.

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

MATHAÏOS 4:16

Ki briew kiba shong ha ka jingdum kin ïohi ïa ka jingshai kaba khraw. Ha kito kiba im ha ka ri ba-dum jong ka jingïap ka jingshai kan tyngshaiñ.”

LOUKAS 2:32

Ka jingshai ban pynpaw ïa ka mon jong me ha ki Jentil bad ban wallam ka burom ha ki briew jong me, ki Israel.”

ÏOANNIS 11:25

U Jisu u la ong ha ka, “Nga long ka jingmihpat bad ka jingim. Uno uno uba ngeit ha nga un im, wat la u la ïap; un ïoh im, bad uno uno uba im, bad uba ngeit ha nga un ym ïap lano lano ruh.

ÏOANNIS 12:35

U Jisu u la jubab, “Ka jingshai kan don hapdeng jong phi sa katto katne por. To nang ïaid katba ka jingshai ka dang don, ba ka jingdum kan ym wan lap ïa phi; naba uta uba ïaid ha ka jingdum um tip shano ba u leit.

ÏOANNIS 12:46

Nga la wan sha ka pyrthei kum ka jingshai, ba baroh kiba ngeit ha nga kin ym sah ha ka jingdum.

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 3:19

Kane ka long kumno ka jingbishar ka trei: Ka jingshai ka la wan sha ka pyrthei, hynrei ki briew ki ieit ïa ka jingdum ban ïa ka jingshai, namar ba ki kam jong ki, ki long kiba sniew.

ÏOANNIS 5:21

Kumba U Kpa u pynmihpat ïa kiba ïap bad u ai ha ki ïa ka jingim, ha kajuh ka rukom U Khun u ai jingim ïa kito kiba u mon.

ÏOANNIS 5:26

Kumba U Kpa da lade hi u long u tyllong jong ka jingim, ha kajuh ka rukom u la pynlong ïa U Khun jong u ban long u tyllong jong ka jingim.

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

ÏOANNIS 9:5

Katba nga dang don ha ka pyrthei, nga long ka jingshai ïa ka pyrthei.”

KI KAM 26:23

ba U Messaïah u dei ban shahshitom bad ban long uba nyngkong ban mihpat na ka jingïap, ban pynbna ïa ka jingshai jong ka jingpynim ha ki Jiw bad ha ki Jentil.”

1 KORINTH 15:45

Naba ka Jingthoh Bakhuid ka ong, “Ïa u briew uba nyngkong, u Adam, la thaw uba don jingim;” hynrei u Adam uba khatduh u la long U Mynsiem uba ai jingim.

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”

KOLOSSAI 3:4

Ka jingim bashisha jong phi ka long U Khrist, bad haba u mihpaw, te ma phi ruh phin mihpaw lem bad u bad ïoh bynta ïa ka burom jong u!

1 ÏOANNIS 1:1

Ngi thoh sha phi shaphang U Ktien ka jingim, uba la don naduh kaba mynnyngkong eh. Ngi la ïohsngew ïa u, bad ngi la ïohi ïa u da la ki khmat; ho-oid, ngi la ïohi ïa u, bad ki kti jong ngi ki la ïohktah ïa u.

1 ÏOANNIS 1:2

Haba ïa une u jingim la pynpaw, ngi la ïohi ïa u; kumta ngi kren shaphang jong u bad ngi ïathuh ïa phi shaphang ka jingim bymjukut kaba la don bad U Kpa bad ba la pynithuh ha ngi.

1 ÏOANNIS 5:11

Ka jingphla ka long kane: U Blei u la ai ha ngi ïa ka jingim bymjukut, bad kane ka jingim ka don ka tyllong jong ka ha U Khun jong u.

JINGPYNPAW 22:1

U angel u la pyn-i ruh ha nga ïa ka wah jong ka um ka jingim, kaba shat phyrnai sngur bha, bad kaba wan mih na ka khet jong U Blei bad ka jong U Khunlangbrot

JINGPYNPAW 22:16

“Nga, U Jisu, nga la phah ïa u angel jong nga ban pynbna ïa kine kiei kiei ha phi ha ki balang. Nga la hiarpateng na ka longïing jong u Dabid; nga long u khlur step uba phyrnai.”