ÏOANNIS 1:34 - Khasi CL Bible (BSI)

³⁴ Nga la ïohi ïa kata,” la ong U Ïoannis, “bad nga ong ha phi ba une u dei U Khun U Blei.”

KA BAIBL

³⁴ Te nga la ïohi, bad nga la phla ba une U long U Khun U Blei.”

ÏOANNIS 1:34 ပူးပေါင်းရင်းမြစ်များ

SALM 2:7

“Ngan pynbna,” ong u syiem, “ïa kaei kaba U Trai u la pynbna. U ong ha nga: ‘Me long u khun jong nga; ha kane ka sngi nga la long u kpa jong me.

MATHAÏOS 11:27

“U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MATHAÏOS 26:63

Hynrei U Jisu u shu sngap. Sa shisien pat u Rangbah Lyngdoh u la kren ha u, “Ha ka kyrteng jong U Blei uba im, mynta nga buh ïa me ha ka jingsmai: Ïathuh ïa ngi lada me dei u Messaïah, U Khun U Blei.”

MATHAÏOS 27:40

“Me u ban sa pynkhyllem ïa ka Templ bad ban tei pat ïa ka ha ki lai sngi! To pynim ïa lade lada me long U Khun U Blei! To hiar noh na ka diengphna!”

MATHAÏOS 27:43

U shaniah ha U Blei bad u kam ba u long U Khun U Blei. Kumta, te, to ngin peit lada U Blei u kwah ban pynim ïa u mynta!”

MATHAÏOS 27:54

Haba u rangbah shipai bad ki shipai kiba bad u, kiba la ïa-ap ïa U Jisu ki la ïohi ïa u jumai bad ïa kiei kiei baroh kiba la jia, ki la sngewshyrkhei bad ki la ong, “Da shisha u la long U Khun U Blei!”

MATHAÏOS 3:17

Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

MATHAÏOS 4:3

Te u Soitan u la wan ha U bad u la ong, “Lada me long U Khun U Blei, hukum ïa kine ki maw ban kylla kpu.”

MATHAÏOS 4:6

bad u la ong ha U, “Lada me long U Khun U Blei, pynnoh ïa lade sha tbian; naba ka Jingthoh Bakhuid ka ong: “ ‘U Blei un ai hukum ïa la ki angel shaphang jong me; kin bat ïa me hajrong da ki kti jong ki, khnang ba wat ki kjat jong me ruh kin ym mynsaw ha ki maw.’ ”

MATHAÏOS 8:29

Shisyndon ki la lynñiar, “Me kwah aïu bad ngi, me U Khun jong U Blei? Hato me la wan ban pynshitom ïa ngi ha shuwa ka por kaba dei?”

MARKOS 1:1

Kane ka dei ka Khubor Babha shaphang U Jisu Khrist, U Khun U Blei.

MARKOS 1:11

Bad ka sur ka la wan na bneng, “Me long U Khun ba-ieit jong nga hi. Nga sngewbha ïa me.”

LOUKAS 1:35

U angel u la jubab, “U Mynsiem Bakhuid un sa wan ha pha, bad ka bor jong U Blei kan shong halor jong pha. Na kane ka daw, ïa i khunlung bakhuid yn khot U Khun U Blei.

LOUKAS 3:22

bad U Mynsiem Bakhuid u la hiar halor jong u ha ka dur kum ka paro. Bad ka sur ka la wan na bneng, “Me long u khun ba-ieit jong nga. Nga la sngewbha bad me.”

ÏOANNIS 1:18

Ym don mano mano ruh uba la ïohi ïa U Blei. U Khun ba marwei jong u, uba long kumjuh kum U Blei bad uba don ha syndah jong U Kpa, u la pynpaw shynna ïa u.

ÏOANNIS 1:49

“Ko Nonghikai,” la jubab u Nathanael, “me long U Khun U Blei! Me long u Syiem ki Israel!”

ÏOANNIS 10:30

U Kpa bad ma nga ngi long kawei.”

ÏOANNIS 10:36

Na ka bynta jong nga, U Kpa u la jied ïa nga bad u la phah ïa nga sha ka pyrthei. Kumno, te, phi lah ban ong ba nga krenbeiñ blei namar ba nga la ong ba nga long U Khun U Blei?

ÏOANNIS 11:27

“Ho-oid, ko Trai!” ka la jubab. “Nga ngeit ba me long U Messaïah, U Khun U Blei, u ban sa wan sha ka pyrthei.”

ÏOANNIS 19:7

U paidbah u la phai ktien, “Ngi don ka hukum kaba ong ba u dei ban ïap, namar u la kam ba u long U Khun U Blei.”

ÏOANNIS 20:28

U Thomas u la jubab ïa u, “U Trai jong nga bad U Blei jong nga!”

ÏOANNIS 20:31

Hynrei ïa kine la thoh khnang ba phin ïoh ngeit ba U Jisu u long U Messaïah, U Khun U Blei, bad da kaba ngeit ha u phin ïoh ïa ka jingim.

ÏOANNIS 6:69

Bad mynta ngi ngeit bad ngi tip ba me long uta U Bakhuid uba la wan na U Blei.”

Ka Shithi U Paul Sha Ki Nong Rom 1:4

shaphang ka jinglong Blei bakhuid jong u, la pyn-i shynna da ka bor bakhraw ban long U Khun jong U Blei da kaba pynmihpat na ka jingïap.

2 KORINTH 1:19

Naba U Jisu Khrist, u Khun U Blei, ïa uba la ïalap hapdeng jong phi da u Silas, u Timothi bad da nga hi, um long uta uba “Ho-oid” bad “Em.” Hynrei, u long ma u kaba “Ho-oid” jong U Blei; naba dei ma u, uba long kaba “Ho-oid” ïa ki jingkular U Blei baroh.

HEBRU 7:3

Ym shym la don jingthoh shaphang u kpa lane ka kmie lane jong kino kino ki kpa tymmen jong u Melkhisedek; ym shym la don jingthoh shaphang ka jingkha lane ka jingïap jong u. U syriem ïa U Khun U Blei, u ïaisah u lyngdoh junom.

1 ÏOANNIS 2:23

Naba uno uno uba kyntait ïa U Khun u kyntait ruh ïa U Kpa; uno uno uba pdiang ïa U Khun u don ïa U Kpa ruh.

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.

1 ÏOANNIS 4:9

Bad U Blei u la pyn-i ïa ka jingieit jong u ïa ngi da kaba phah ïa la U Khun ba marwei sha ka pyrthei, khnang ba ngin ïoh ïa ka jingim da u.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

2 ÏOANNIS 1:9

Uno uno u bymïaineh ha ka jinghikai U Khrist, hynrei uba ïaid palat ïa ka, um don ïa U Blei. Uno uno uba ïaineh ha ka jinghikai, u don ïa U Kpa bad ïa U Khun ruh.

JINGPYNPAW 2:18

“Thoh ha u angel jong ka balang ha Thiatira: “Kane ka long ka khubor na U Khun U Blei, kiba ki khmat jong u ki klang kum ka ding, kiba ki kjat jong u ki phyrnai kum ka rnong ba la shut pynphyrnai.