ÏOANNIS 1:33 - Khasi CL Bible (BSI)

³³ Ngam pat shym la tip hi ba u dei ma u, hynrei U Blei, uba la phah ïa nga ban pynbaptis da ka um, u la ong ha nga, ‘Men sa ïohi ïa U Mynsiem ba u hiar bad u shongsah ha u briew; u dei uta, uba pynbaptis da U Mynsiem Bakhuid.’

KA BAIBL

³³ Nga te, ngam pat shym la ithuh ïa U, hynrei, uta uba la phah ïa nga ban pynbaptis da ka um, uta u la lah ong ha nga, ‘Uta halor uba men ïohi ïa U Mynsiem ba u hiar bad ba u sah halor jong U, dei uta keiñ, uba pynbaptis da U Mynsiem Bakhuid.’

ÏOANNIS 1:33 ပူးပေါင်းရင်းမြစ်များ

MATHAÏOS 3:11

Nga pynbaptis ïa phi da ka um ban pyn-i ba phi la kylla-kaba-mut, hynrei uta uba wan hadien jong nga un pynbaptis ïa phi da U Mynsiem Bakhuid bad da ka ding. U long uba kham khraw ban ïa nga; bad ngam long uba bit wat tang ban rah ïa ki juti jong u.

LOUKAS 3:16

Kumta u Ïoannis u la ong ha ki baroh, “Nga pynbaptis ïa phi da ka um, hynrei don uwei pat uba wan uba kham khraw ban ïa nga. Ngam long uba bit wat ban loit ïa ki juti jong u. Un pynbaptis ïa phi da U Mynsiem Bakhuid bad da ka ding.

ÏOANNIS 1:31

Ngam pat shym la tip u dei uno, hynrei nga la wan ïa ka ban pynbaptis da ka um, khnang ba yn ïoh pynithuh ïa u ha ki paid Israel.”

ÏOANNIS 14:26

Uta U Nongïarap, U Mynsiem Bakhuid, ïa uba U Kpa un phah ha ka kyrteng jong nga, un hikai ïa phi ïa kiei kiei baroh bad un pynkynmaw ïa baroh kaba nga la ïathuh ha phi.

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

ÏOANNIS 3:5

“Nga ïathuh ha me ïa ka jingshisha,” U Jisu u la jubab, “Ym don uba lah ban rung sha ka Hima U Blei khlem da kha na ka um bad na U Mynsiem.

ÏOANNIS 7:39

U Jisu u la kren ïa kane shaphang U Mynsiem, uba kito kiba la ngeit ha u kin ïohpdiang. Ha kata ka por ïa U Mynsiem ym pat shym la ai, namar ïa U Jisu ym pat shym la kyntiew sha ka burom.

KI KAM 1:5

U Ïoannis u la pynbaptis da ka um, hynrei ha ki khyndiat sngi yn sa pynbaptis ïa phi da U Mynsiem Bakhuid.”

KI KAM 2:4

La pyndap ïa ki baroh da U Mynsiem Bakhuid bad ki la sdang ban kren ha kiwei pat ki ktien, kat kumba U Mynsiem u pynlah ïa ki ban kren.

1 KORINTH 12:13

Ha kajuh ka rukom, baroh na ngi, la ngi long ki Jiw ne ki Jentil, ki mraw ne kiba laitluid, la pynbaptis ha kawei ka met da ujuh U Mynsiem, bad la ai ha ngi ïa ujuh U Mynsiem ban ïoh dih.