ÏOANNIS 1:27 - Khasi CL Bible (BSI)

²⁷ U wan hadien jong nga, hynrei nga ngam long uba bit wat ban law ïa ki ksai juti jong u.”

KA BAIBL

²⁷ uta uba wan nadien jong nga, uba la jia long shuwa jong nga, uba nga ngam long uba bit ba ngan ïoh loit noh wat ïa ka jingteh ka juti jong u.”

ÏOANNIS 1:27 ပူးပေါင်းရင်းမြစ်များ

JENESIS 14:23

Te men ym ïoh ong, ‘Dei ma nga uba la pynriewspah ïa u Abram.’

MATHAÏOS 3:11

Nga pynbaptis ïa phi da ka um ban pyn-i ba phi la kylla-kaba-mut, hynrei uta uba wan hadien jong nga un pynbaptis ïa phi da U Mynsiem Bakhuid bad da ka ding. U long uba kham khraw ban ïa nga; bad ngam long uba bit wat tang ban rah ïa ki juti jong u.

MARKOS 1:7

U la pynbna ha ki briew, “U briew u ban wan hadien jong nga u long uba kham khraw ban ïa nga. Ngam long uba bit nam wat ban dem bad law ïa ki juti jong u.

LOUKAS 3:16

Kumta u Ïoannis u la ong ha ki baroh, “Nga pynbaptis ïa phi da ka um, hynrei don uwei pat uba wan uba kham khraw ban ïa nga. Ngam long uba bit wat ban loit ïa ki juti jong u. Un pynbaptis ïa phi da U Mynsiem Bakhuid bad da ka ding.

ÏOANNIS 1:15

U Ïoannis u la kren shaphang jong u. U la pyrta jam, “Une u long uta ïa uba nga la kren shaphang jong u, mynba nga la ong, ‘U wan hadien jong nga, hynrei u kham khraw ban ïa nga, namar u la don shuwa ban kha ïa nga.’ ”

ÏOANNIS 1:30

Une u long uta ïa uba nga la kren mynba nga la ong, ‘U briew uba wan hadien jong nga, hynrei u long uba kham khraw ban ïa nga, namar u la don shuwa ban kha ïa nga.’

ÏOANNIS 10:41

Shibun ki briew ki la wan sha u. “U Ïoannis um leh kambah ei ei,” ki la ong, “hynrei kiei kiei baroh kiba u la ong shaphang une u briew ka la long kaba shisha.”

KI KAM 13:25

Bad haba u Ïoannis u la jan pyndep ïa la ka jingtrei, u la ong ha u paidbah, ‘Phi tharai ba nga dei uei? Ngam long uta uba phi ïa-ap khmih. Hynrei to shahshkor! U da wan hadien jong nga, bad ngam long uba bit ban loit ïa ki juti jong u na ki kjat jong u.’

KI KAM 19:4

U Paul u la ong, “Ka jingpynbaptis u Ïoannis ka long na ka bynta kito kiba la phai noh na ki pop jong ki; bad u la ïathuh ha ki paid Israel ban ngeit ha uta u ban sa wan hadien jong u — kata, ha U Jisu.”