ÏOANNIS 1:14 - Khasi CL Bible (BSI)

¹⁴ U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

KA BAIBL

¹⁴ Uta U Ktien te u la kynja doh, bad u la shong sah hapdeng jong ngi; bad ngi la ïoh-khmih shaiñ ïa ka burom jong u, ka burom kaba da kat ka jong uba la kha marwei na U Kpa, ba la dap da ka jingaiei bad ka jingshisha.

ÏOANNIS 1:14 ပူးပေါင်းရင်းမြစ်များ

SALM 2:7

“Ngan pynbna,” ong u syiem, “ïa kaei kaba U Trai u la pynbna. U ong ha nga: ‘Me long u khun jong nga; ha kane ka sngi nga la long u kpa jong me.

SALM 45:2

Me long uba bhabriew tam napdeng ki rangbah; me long u nongkren uba tbit. U Blei u la kyrkhu borabor ïa me.

SALM 85:9

Da shisha u kloi ban pynim ïa kito kiba pyndonburom ïa u, bad ka jingdon ryngkat kaba pynim jong u kan ïoh shongsah ha ka ri jong ngi.

ISAÏAH 40:5

Te ïa ka burom jong U Trai yn sa pynpaw, bad baroh ki briew kin ïohi ïa ka. U Trai da lade u la kular ïa kane.”

ISAÏAH 53:2

Ka dei ka mon jong U Trai ba u shakri jong u un san kum u jingthung uba ksam ïa ki thied ha ka khyndew kaba tyrkhong. Um don main ne jingitynnat ban pynlong ïa ngi ban peit ïa u. Ym don kano kano kaba ngin ibha ïa u, ym don kano kano ka ban khring ïa ngi sha u.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

ESEKIEL 37:27

Ngan shong hangta bad ki; ngan long U Blei jong ki, bad ki kin long ki briew jong nga.

LOUKAS 2:11

Ha kane ka sngi ha ka shnong u Dabid la kha ïa U Nongpynim jong phi — U Khrist U Trai!

LOUKAS 2:7

Ka la kha ïa u khun nyngkong jong ka bad ka la sop ïa u da ki jaiñsop, bad ka la pynthiah ïa u ha ka shyngoid — ym shym don jaka ïa ki ha ka kamra sah.

LOUKAS 9:32

U Petros bad ki paralok jong u ki la ïohthiah lyngngai, hynrei ki la kyndit thiah bad ki la ïohi ïa ka burom jong U Jisu bad ïa kita ki ar ngut ki rangbah kiba la ïeng lem bad u.

ÏOANNIS 1:1

Ha shuwa ban thaw ïa ka pyrthei, u Ktien u la lah don lypa; u la don bad U Blei, bad u long kumjuh kum U Blei.

ÏOANNIS 11:40

U Jisu u la ong ha ka, “Hato ngam shym la ïathuh ïa pha ba phan sa ïohi ïa ka burom U Blei lada pha ngeit?”

ÏOANNIS 14:6

U Jisu u la jubab ïa u, “Nga long ka lynti, ka jingshisha, bad ka jingim, ym don uno uno u ba leit sha U Kpa lait na nga.

ÏOANNIS 14:9

U Jisu u la jubab, “Naba la slem nga la don bad phi baroh; pynban mem ithuh ïa nga, ko Philip? Uno uno uba la ïohi ïa nga u la ïohi ïa U Kpa. Balei, te, me ong, ‘To pyn-i ha ngi ïa U Kpa?’

ÏOANNIS 17:22

Nga la ai ha ki ïa kajuh ka burom kaba me la ai ha nga, khnang ba kin long kawei, kumba ma me bad nga ngi long kawei.

ÏOANNIS 17:24

“Ko Pa! Me la ai ïa ki ha nga, bad nga kwah ïa ki ba kin don bad nga ha kaba nga don, khnang ba ki lah ban ïohi ïa ka burom jong nga, ka burom ïa kaba me la ai ha nga; naba me la ieit ïa nga ha shuwa ban pynlong ïa ka pyrthei.

ÏOANNIS 18:37

Kumta u Pilat u la kylli ïa u, “Haba kumta, me, me dei u syiem?” U Jisu u la jubab, “Me hi me ong ba nga long u syiem. Ïa nga la kha bad nga la wan sha ka pyrthei na ka bynta kane kawei ka jingthmu, ban kren shaphang ka jingshisha. Uno uno uba dei jong ka jingshisha u shahshkor ïa nga.”

ÏOANNIS 2:11

U Jisu u la leh ïa kane ka kambah kaba nyngkong ha Kana ha Galilaïa; hangta, u la pynpaw ïa ka burom jong u, bad ki synran jong u ki la ngeit ha u.

ÏOANNIS 3:16

Naba U Blei u la ieit katta katta ïa ka pyrthei kat haduh ba u la aiti noh ïa U Khun ba tang marwei jong u, ba uno uno uba ngeit ha u un ym ïap noh hynrei un ïoh ïa ka jingim bymjukut.

ÏOANNIS 3:18

Uno uno uba ngeit ha U Khun un ym shah bishar; hynrei ïa uno uno u bymngeit la lah bishar lypa ïa u, namar ba um shym la ngeit ha U Khun ba tang marwei jong U Blei.

ÏOANNIS 6:51

Nga long u kpu uba im uba la wan hiar na bneng. Lada uno uno u bam ïa une u kpu, un im junom. U kpu ba ngan ai ha u, u long ka doh jong nga, ïa kaba nga ai khnang ba ka pyrthei kan ïoh im.”

ÏOANNIS 8:32

phin tip ïa ka jingshisha, bad ka jingshisha kan pyllaitluid ïa phi.”

Ka Shithi U Paul Sha Ki Nong Rom 8:3

Kaei kaba ka Hukum kam lah ban leh, namar ka jinglong ba kynja doh ka long kaba tlot, U Blei u la leh. U la pynrem ïa ka pop ha ka jinglong ba kynja doh da kaba u la phah ïa U Khun jong u hi, uba la wan kum ka jinglong u briew uba pop, ban jop ïa ka pop.

Ka Shithi U Paul Sha Ki Nong Rom 9:5

ki hiarpateng na ki kpa tymmen Hebru bapawnam; bad U Khrist, kum u briew, u long na ka jaitbynriew jong ki. To ai ba yn ïaroh junom ïa U Blei uba synshar halor baroh! Amen.

1 KORINTH 15:47

Ïa u Adam uba nyngkong, la thaw na ka dewmet, ba la wan na ka khyndew; u Adam uba ar u la wan na bneng.

2 KORINTH 12:9

Hynrei ka jubab jong u ka la long: “Ka jingaiei jong nga ka long baroh kaba me donkam, naba ka bor jong nga ka khraw tam dei haba me tlot.” Nga kmen eh, namarkata, ban sngewsarong ha ki jingtlot jong nga, khnang ban mad ïa ka jingïada ka bor jong U Khrist halor jong nga.

GALATIA 4:4

Hynrei haba ka ïa kaba biang ka la poi, U Blei u la phah ïa la U Khun.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

KOLOSSAI 1:19

Naba ka la long da ka jingrai ka jong U Blei hi ba U Khun u la don ha lade hi ïa ka jinglong ba-pura jong U Blei.

KOLOSSAI 2:3

U long u shabi uba plie ïa baroh ki jingkynshew ba la buhrieh jong ka jingstad bad ka jingtip U Blei.

KOLOSSAI 2:9

Naba ka jingdap pura jong ka jinglong Blei ka shong tylli ha U Khrist, ha ka jinglongbriew jong u, bad la ai ha phi ïa ka jingim ba-dap pura ha u.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 1:5

Namar U Blei um shym la ong ha uno uno na ki angel jong u, “Me long u khun jong nga; mynta ka sngi nga la long U Kpa jong me.” Lymne U Blei um shym la ong shaphang uno uno u angel, “Ngan long U Kpa u jong u bad un long u khun jong nga.”

HEBRU 10:5

Namar kane ka daw, haba U Khrist u la dei ban wan sha kane ka pyrthei u la ong ha U Blei: “Mem kwah ïa ki jingkñia bad ïa ki jingainguh, hynrei me la pynkhreh ka met na ka bynta jong nga.

HEBRU 2:11

U pynkhuid ïa ki briew na ki pop jong ki, bad ma u lem bad kita baroh ïa kiba la pynkhuid ki don ujuh U Kpa. Namarkata, U Jisu um sngewlehrain ban khot ïa ki, ki para jong u.

HEBRU 5:5

Ha kajuh ka rukom, U Khrist um shym la shim ha lade ïa kane ka burom ka jinglong Rangbah Lyngdoh. Pynban, U Blei u la ong ha u, “Me, me long U Khun jong nga; ha kane ka sngi nga la long U Kpa jong me.”

1 ÏOANNIS 4:14

Bad ngi la ïohi bad ïathuh ha kiwei ba U Kpa u la phah ïa la U Khun ban long U Nongpynim jong ka pyrthei.

1 ÏOANNIS 4:9

Bad U Blei u la pyn-i ïa ka jingieit jong u ïa ngi da kaba phah ïa la U Khun ba marwei sha ka pyrthei, khnang ba ngin ïoh ïa ka jingim da u.

2 ÏOANNIS 1:7

Kiba bun ki nongshukor ki la leit sha ka pyrthei baroh, ki briew ki bym pdiang ba U Jisu Khrist u la wan kum u briew. Kum uta u briew, u long u nongshukor bad u Nongshun jong U Khrist.

JINGPYNPAW 19:13

Ïa ka jaiñkup kaba u phong la tap da ka snam. Ka kyrteng jong u ka long “U Ktien jong U Blei.”

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.