HOSIA 9:8 - Khasi CL Bible (BSI)

⁸ U Blei u la phah ïa nga kum u nongïathuhlypa ban maham ïa ki briew jong u ki Israel. La katta ruh shano shano ba nga leit, phi pyrshang ban riam ïa nga kum ïa ka sim. Wat ha ka Templ U Blei, ki briew ki dei ki nongshun jong u nongïathuhlypa.

KA BAIBL

⁸ U Ephraim u la long u nongap bad U Blei jong nga: u nongïathuhlypa ruh, ka jingriam u nongriam ka don ha ki lynti jong u baroh, bad ka jingshun ha ka ïing U Blei jong u.

HOSIA 9:8 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

1 SYIEM 18:1

Hadien katto katne por, ha ka snem kaba lai jong ka jingrang ryngkhiang, U Trai u ong ha u Elijah, “Khie leit pyn-i ïa lade ha u syiem Ahab, bad ngan sa phah slap.”

1 SYIEM 18:19

Mynta hukum ïa ki paid Israel baroh ban ïakynduh ïa nga ha u Lum Karmel. Wallam ruh sawspah sanphew ngut ki nongïathuhlypa jong u Baal bad sawspah ngut ki nongïathuhlypa jong ka blei Asherah kiba ïoh jingkyrshan na ka syiem Jesebel.”

1 SYIEM 22:11

Uwei na ki, u Sedekaïah u khun jong u Khenaanah, u shna ïa ki reng nar bad u ong ha u Ahab, “Kane ka long kaei kaba U Trai u ong: ‘Da kine phin ïaleh ïa ki nong Syria bad phin jop thiaw ïa ki.’ ”

1 SYIEM 22:22

‘Kumno?’ U Trai u kylli. U mynsiem u jubab, ‘Ngan leit bad pynlong ïa baroh ki nongïathuhlypa u Ahab ban kren lamler. U Trai u ong, leit bad shukor ïa u. Phin sa jop.’ ”

1 SYIEM 22:28

“Lada me wan phai da kaba suk,” u Mikaïah u pyrta, “te U Trai um shym la kren keiñ da nga!” bad u la bynrap, “Shahshkor, uwei pa uwei ïa kaei kaba nga la kren!”

1 SYIEM 22:6

Kumta u Ahab u khot ïa ki nongïathuhlypa, kumba sawspah ngut na ki, bad u kylli ïa ki, “Hato ngan leit ne em ban tur ïaleh ïa ka Ramoth?” “Tur ïaleh ïa ka,” ki jubab, “U Trai un ai ha phi ïa ka jingjop.”

2 SYIEM 13:21

Shisien, katba dang leit ontep, la ïohi ïa kawei na kine ki kynhun, bad ki paidbah ki pynhap ïa ka metïap ha ka jingtep u Elisha bad ki phet krad. Mar ïadei ka metïap ha ki shyieng u Elisha, uta u briew u im pat bad u ïeng joit.

2 SYIEM 2:14

U la tied ïa ka um da ka jaiñkup jong u Elijah, bad u ong, “Hangno U Trai, U Blei jong u Elijah?” Nangta u la tied biang ïa ka um, bad ka la kad arliang, bad u la ïaid sha shiliang.

2 SYIEM 2:21

bad u la leit sha ka umpohliew, u la bret ïa ka mluh ha ka um, bad u ong, “Kane ka dei kaba U Trai u ong: ‘Nga pynkhuid ïa kane ka um, bad kan ym pynjia shuh kano kano ka jingïap lane ki jinghap khun.’ ”

2 SYIEM 4:41

U Elisha u pan khyndiat u 'purew, u ber ïa u ha uta u khiew, bad u ong, “To theh kham bun ka syrwa na ka bynta jong ki.” Bad kam shym don kano kano kaba sniew ha ka.

2 SYIEM 4:43

hynrei u jubab, “Hato phi pyrkhat kane kan biang na ka bynta ki shispah ngut ki rangbah?” U Elisha u jubab, “Ai ha ki ban bam, namar U Trai u ong ba kin bam bad yn don kaba sah tam.”

2 SYIEM 5:14

Kumta u Naaman u leit hiar sha ka Jordan, u pynngam ïa lade hynñiew sien ha ka, kumba u Elisha u la bthah, bad u la ïohkhiah phar. Ka doh jong u ka la wandur bad khiah krat, kum ka jong u khunlung.

2 SYIEM 5:27

Bad mynta ka jingpang jong u Naaman kan wan halor jong me, bad ma me bad ki khun ki ksiew jong me kin ïoh ïa ka shi junom!” Haba u Gehasi u la mihnoh, u la ïoh ïa ka jingpang — ka sniehdoh jong u ka la lieh kum ka ïor.

2 SYIEM 7:19

ha kaba u rangbah pynïaidkam u la jubab, “Kata kam lah ban jia — em wat lada U Trai da lade hi un phah shisien phah ïa u kew!” Bad u Elisha u la jubab, “Men sa ïohi ïa kata ba ka jia, hynrei men ym ïoh bam na kata ka jingbam.”

2 SYIEM 7:2

U nongbud ba-hajan jong u syiem u la ong ha u Elisha, “Kata kam lah ban jia — em wat lada U Trai da lade hi un phah shisien phah ïa u kew!” U Elisha u jubab, “Men sa ïohi ïa kata ba ka jia, hynrei men ym ïoh bam na kata ka jingbam.”

SALM 124:7

Ngi la lait im kum ka sim na ka jingriam u nongriam sim; ka jingriam ka la pra, bad ngi la laitluid!

EKLESIASTIS 9:12

Phim tip da lei lei lano ka por jong phi ka wan. Kum ki sim kiba la ngat kynsan ha ki jingriam, kum ki dohkha kiba la ngat ha ka jar, ngi la shah riam ha ki katto katne ki khep basniew ha kaba ngim shym khmih lynti satia ïa kata.

JINGRWAI SOLOMON 3:3

Ki nongap pahara kiba ïaid ha ka nongbah ki la ïohi ïa nga. Nga la kylli ïa ki, “Hato phi la shem ïa uba ieit jong nga?”

ISAÏAH 62:6

Ha ki kynroh jong pha, ko Jerusalem, nga la buh ïa ki nongap phira; mynsngi ne mynmiet kin ym sngap jar. Kin pynkynmaw ïa U Trai ïa ki kular jong u, bad kin ym shah ba un klet ïa ki.

JEREMAÏAH 11:19

Nga la long kum i khunlangbrot balui lui iba la shah ïalam sha ka jingpynïap, bad ngam shym tip ba ka la long pyrshah ïa nga ba ki la ïapynkhreh ïa kiei kiei kiba sniew. Ki la ïa-ong, “To ngin khet ïa u dieng katba u dang khlaiñ; to ngin pynïap ïa u khnang ba yn ym don mano mano ba kynmaw shuh ïa u.”

JEREMAÏAH 14:13

Nangta nga la ong, “Ko Trai Nongsynshar, nga tip ba ki nongïathuhlypa ki ong ïa ki briew ba yn ym don ka thma kane ka jingïapthngan, namar me la kular, ki ong, ba kan don tang ka jingsuk ha ka ri jong ngi.”

JEREMAÏAH 23:13

Nga la ïohi ïa ka pop jong ki nongïathuhlypa ka Samaria ki la kren ha ka kyrteng u Baal bad ki la ïalam bakla ïa ki briew jong nga.

JEREMAÏAH 31:6

Ho-oid, ka por kan wan haba ki nongap kin khot ha ki lum ka Ephraim, ‘Ïa ngin ïaleit haduh Seïon, sha U Trai U Blei jong ngi.’ ”

JEREMAÏAH 6:14

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

JEREMAÏAH 6:17

Nangta U Trai un thung ki rangbah nongap phira ban shahshkor ïa ka jingmaham jong ka turoi. Hynrei ki ong, “Ngin ym shahshkor.”

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

SNGEWSYNEI 4:13

Hynrei ka la jia namar ba ki nongïathuhlypa jong ka ki la leh pop bad ki lyngdoh jong ka ki long kiba la rem namar ka jingpynjia ïa ka jingïap jong ki briew balui lui.

ESEKIEL 3:17

“Ko khun u briew,” u ong, “ngan buh ïa me kum u nongap phira na ka bynta ka jaitbynriew Israel. Men pynsngew ha ki ïa ki jingmaham kiba nga ai ïa me.

ESEKIEL 33:7

“Mynta, ko khun u briew, nga la pynlong ïa me u nongap ïa ka jaitbynriew Israel. Me dei ban pynpoi sha ki ïa ki jingmaham ba nga ai ha me.

HOSIA 5:1

“To shahshkor ïa kane, phi ki lyngdoh! To pynleit jingmut, phi ki paid Israel! To shahshkor, phi kiba na ka longïing u syiem! La khmih lynti ïa phi ban bishar da ka hok — Kumta ka jingbishar kan wan hap ha phi! Phi la long ka jingriam ha Mispah, ka jar ba la pynap ha u lum Tabor,

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

HOSIA 9:9

Ki la long sniew khlem jingkyrmen ha kaei kaei kaba ki leh, kumba ki la long ha Gibeah. U Blei un kynmaw ïa ka pop jong ki, bad un pynshitom ïa ki na ka bynta kata.

MIKAH 7:4

Wat kiba bha tam bad bahok tam na ki, ki long ki bymdondor kum ki ñiut. Ka sngi ka la poi haba U Blei un pynshitom ïa ki briew, kumba u la maham ïa ki lyngba ki nongap phira, ki nongïathuhlypa. Mynta ki don ha ka jingkulmar jingmut.

ÏOANNIS 15:24

Kin ym da la sngewrem ïa ka pop lada ngam shym la leh hapdeng jong ki ïa kiei kiei kiba ym don uno uno uwei pat uba la ju leh; kumba ka long, ki la ïohi ïa kaei kaba nga la leh, bad ki shun ïa nga bad ïa U Kpa jong nga.

Ka Shithi U Paul Sha Ki Nong Rom 3:7

Hynrei kaei ka ban long lada ka jingbymshisha jong nga ka pynlong ïa ka burom U Blei da kaba pynlong ïa ka jingshisha jong u ban kham paw shai? Balei yn dang ïai pynrem ïa nga kum u nongpop?

HEBRU 13:17

To kohnguh ïa ki nongïalam jong phi da kaba bud ïa ki hukum jong ki. Ki sharai ïa ki mynsiem jong phi khlem da thait, namar ki dei ban ai jingkheiñ ïa ka kam jong ki sha U Blei. Lada phi kohnguh ïa ki, kin trei ïa ka kam da kaba kmen; lada phim kohnguh, kin trei ïa ka kam da kaba sngewsih, bad kata kan ym ïarap ïa phi.