HOSIA 9:7 - Khasi CL Bible (BSI)

⁷ Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

KA BAIBL

⁷ “Ki sngi ka jingwan-i ki la wan, ki sngi ka kput kylliang ki la wan; u Israel un tip ïa ka: U nongïathuhlypa u long u babieit, u briew uba ïoh mynsiem u lamwir, namar kaba bun ka jingleh bymhok jong me, bad namar kaba khraw ka jingshun.

HOSIA 9:7 ပူးပေါင်းရင်းမြစ်များ

2 SYIEM 9:11

U Jehu u leit phai sha la ki para rangbah shipai, ki kylli ïa u, “Ka bit ka biang baroh? Kaei kaba uto u khleh bieit u kwah na phi?” U Jehu u jubab, “Phi tip ïa kaei kaba u kwah.”

ISAÏAH 10:3

Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

ISAÏAH 26:11

Ki nongshun jong me kim tip satia ba men pynshitom ïa ki. A Trai, buh ïa ki ha ka jingjahburom bad ai ba kin jynjar; ai ba kin jynjar da ka jingpynshitom kaba me la pynkhreh. To pyn-i ïa ki haduh katno me ieit ïa la ki briew.

ISAÏAH 34:8

Kane ka dei ka por ha kaba U Trai un pyllait im ïa ka Seïon bad pynhiarkput halor ki nongshun jong ka.

ISAÏAH 44:25

Nga pynpaw bieit ïa ki nongpeit kti bad pynkulmar ïa ki jingïathuh lypa ki nongbatai kupar. Ki ktien jong kiba stad nga kyntait bad pyn-i ba ka jingstad jong ki ka long ka jingbieit.

JEREMAÏAH 10:15

Ki long ki bymdondor bad dei ban ñiewbeiñ; yn sa pynjot ïa ki haba U Trai u wan ban leh ïa ki.

JEREMAÏAH 11:23

Nga la buh ka por ïa ka ban wallam ka jingpynjot ha ki briew jong ka Anathoth, bad haba kata ka por ka wan, yn ym don mano mano ruh na ki u ban lait im.”

JEREMAÏAH 16:18

Ngan pynlong ïa ki ban siew ar shah na ka bynta ki pop bad ka jingbymman jong ki, namar ki la pyntngit ïa ka ri jong nga da ki bleithaw ki bym don jingim kum ki metïap, bad ki la pyndap ïa ka da ki blei thala jong ki.”

JEREMAÏAH 23:13

Nga la ïohi ïa ka pop jong ki nongïathuhlypa ka Samaria ki la kren ha ka kyrteng u Baal bad ki la ïalam bakla ïa ki briew jong nga.

JEREMAÏAH 25:14

Ngan sa siew pat ïa ki Babilonia ïa kaei kaba ki la leh, bad shibun ki ri bad ki syiem kiba khraw kin pynlong mraw ïa ki.’ ”

JEREMAÏAH 29:26

“U Trai u la pynlong ïa phi u lyngdoh ha ka jaka jong u Jehoïada, bad mynta phi long u rangbah pynïaidkam ha ka Templ. Ka dei ka kamram jong phi ban khmih ba ïa uwei pa uwei u riewlamwir uba leh mynleh ba u long u nongïathuhlypa dei ban buh ha ki kynjri lem bad u jingdeng ryndang uba da ka nar.

JEREMAÏAH 46:21

Wat ki shipai ba shu wai jong ka ki long khlem bor kum ki khun masi. Kim shym ïeng ban ïaleh; baroh na ki, ki phai bad phet noh. Ka sngi jong ka jingshahjop ka la poi, ka por jong ka jingpynjot ïa ki.

JEREMAÏAH 6:14

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

JEREMAÏAH 8:11

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

ESEKIEL 13:10

“Ki nongïathuhlypa ki ïalam bakla ïa ki briew jong nga da kaba ong ba baroh ka bit ka biang. Baroh kam long shisha kaba bit babiang! Ki briew jong nga ki la pynïeng ka kynroh ki maw bym skhem, bad nangta ki nongïathuhlypa ki la wan bad ki tap ïa ka da ka jingpushara lieh.

ESEKIEL 13:3

Kane ka dei kaei kaba U Trai Nongsynshar u ong: “Kine ki nongïathuhlypa ba-bieit ki long kiba la tim! Ki ai jaka ïa la ki jong ki jingpyrsad mynsiem bad ki thaw ïa la ki jong ki jingïohipaw.

ESEKIEL 25:17

Ngan pynshitom jur ïa ki bad pynhiarkput pura halor jong ki. Kin mad ïa ka jingbitar jong nga. Te kin sa tip ba nga long U Trai.”

ESEKIEL 38:23

Ha kane ka rukom ngan pyn-i ïa baroh ki jaitbynriew ba nga long uba khraw bad uba khuid. Kin sa tip, te, ba nga long U Trai.”

ESEKIEL 9:10

Hynrei ngan ym isynei ïa ki, Ngan leh ha ki ïa kaei kaba ma ki, ki la leh ïa kiwei.”

HOSIA 14:1

To wan phai noh sha U Trai U Blei jong phi, ko paid Israel. Ka pop jong phi ka la pynlong ïa phi ban jynthut bad kyllon.

HOSIA 5:9

Ka sngi ka jingpynshitom ka la wan, bad ki Israel kin sa shah pynjot. Ko ki paid Israel, kane kan jia da shisha!

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

HOSIA 9:8

U Blei u la phah ïa nga kum u nongïathuhlypa ban maham ïa ki briew jong u ki Israel. La katta ruh shano shano ba nga leit, phi pyrshang ban riam ïa nga kum ïa ka sim. Wat ha ka Templ U Blei, ki briew ki dei ki nongshun jong u nongïathuhlypa.

AMOS 8:2

U Trai u kylli, “Ko Amos, me ïohi aïu?” “Shi shang ki soh,” nga la jubab. Nangta U Trai u la ong ha nga, “Kaba kut ka la wan ha ki briew jong nga ki Israel. Ngan ym kylla shuh la ka jingmut shaphang kaba pynshitom ïa ki.

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

MIKAH 7:4

Wat kiba bha tam bad bahok tam na ki, ki long ki bymdondor kum ki ñiut. Ka sngi ka la poi haba U Blei un pynshitom ïa ki briew, kumba u la maham ïa ki lyngba ki nongap phira, ki nongïathuhlypa. Mynta ki don ha ka jingkulmar jingmut.

SEPHANAÏAH 3:4

Ki nongïathuhlypa ki long ki bym don jingkitkhlieh bad kiba shetkylla; ki lyngdoh ki pyntngit ïa kaei kaba kyntang, bad ki pynwan ïa ka aiñ jong U Blei sha ka jingmyntoi jong ki hi.

MARKOS 3:21

Mynba kiba na ka longïing jong u ki la ïohsngew shaphang kata, ki la leit ban shimti ïa u, namar ki briew ki la ïa-ong, “U la lamwir!”

LOUKAS 21:22

Naba kito kin long ‘Ki Sngi ka Jingpynshitom,’ ban pynlong ïa baroh kaba ki Jingthoh Bakhuid ki ong ban urlong shisha.

2 KORINTH 5:13

Hato ngi da lamwir shisha? Ka long na ka bynta U Blei. Lane hato ngi long kiba tipbriew? Te ka long na ka bynta jong phi.

JINGPYNPAW 16:19

Ïa ka nongbah kaba khraw la kad ha ki lai bynta, bad ïa ki nongbah jong ki ri baroh la pynjot. U Blei u la kynmaw ïa ka Babilon bakhraw bad u la pynlong ïa ka ban dih ïa ka waiñ na ka khuri jong u — ka waiñ jong ka jingbitar shla jong u.