HOSIA 9:6 - Khasi CL Bible (BSI)

⁶ Haba ka jingjot ka wan bad ïa ki briew la pynsakma, ki nong Ijipt kin lumlang ïa ki — kin lumlang ïa ki ban tep hangta ha Memphis! Ki jingdon jingem jong ki kum ka rupa bad ki jaka ha kaba ki ïing jong ki shisien ki la ïeng yn tap da ki ñiut bad ki bniap shiah.

KA BAIBL

⁶ Namar ha khmih, ki la leit noh na ka jingpynjot, hynrei, ka Ijipt kan ïalum lang ïa ki, ka Memphis kan tep ïa ki: ki jingdeng rupa ba pynsngewbha jong ki, ki teiñthap kin ïoh ïa ki: ki shiah kin long ha ki ïingjaiñ jong ki.

HOSIA 9:6 ပူးပေါင်းရင်းမြစ်များ

2 SYIEM 13:7

U Jehoahas um don ki shipai kieng atiar kiba dang sah, lait sa tang ki sanphew ngut ki shipai shong kulai, shiphew tylli ki kali ïapom, bad shiphew hajar ngut ki shipai ïaid kjat, namar u syiem ka Syria u la pynjot ïa kiwei, da kaba ïuh halor jong ki kum ïa u pui pui.

SALM 107:34

U pynlong ïa ka khyndew basboh ban kylla ri khlaw mluh namar ka jingbymman jong kito kiba shong hangta.

PROBERB 24:31

Ki long kiba dap da ki bniap shiah bad mih da ki ñiut suda. Ka kynroh maw baroh sawdong ka la twa.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 19:13

Ki nongïalam jong ka Soan bad jong ka Memphis ki dei ki bieit. La khmih lynti ïa ki ban ïalam ïa ka ri, hynrei ki la ïalam bakla ïa ka.

ISAÏAH 27:12

Ha kata ka sngi, na Ïuphratis shaduh u pud ka ri Ijipt, U Trai un ïalum ïa uwei pa uwei na ki briew jong u, kum uba pynkhlad ïa u kew na u stait.

ISAÏAH 32:13

bad ki bniap shiah bad ki shynraiñ ki mih ha ka ri ki briew jong nga. To ïam na ka bynta ki ïing baroh ha kaba ki briew ki la ju long kiba kmen bad ka nongbah kaba la ju dap da ka jingim.

ISAÏAH 34:13

Ki shiah bad shiah buid kin mih ha baroh ki ïingsyiem bad ki shnong ba la ker kynroh, bad ki myrsiang bad ki dkhoh kin shong ha ki.

ISAÏAH 5:6

Ngan shah ïa ka ba kan dap da ki ñiut suda. Ngan ym khap ïa ki thning lane kara ïa ka khyndew, hynrei ngan shah ïa ki dieng shynraiñ bad ki shiah ba kin tap ïa ka. Ngan khang wat ïa ki lyoh ban pynhap slap ha ka.”

ISAÏAH 7:23

“Haba kata ka por ka wan, ki bri sohwaiñ babha, kawei kawei ka don shihajar tylli ki dieng sohwaiñ bad kawei kawei ka shongdor shihajar tylli ki sbai rupa, kin shlei da ki bniap shiah bad ki shynraiñ.

JEREMAÏAH 2:16

Ho-oid ki rangbah jong ka Memphis bad ka Tahpanhes ki la pynpait ïa ka shynrong khlieh jong u.

JEREMAÏAH 42:22

Te nangta, to kynmaw ïa kane: phin ïap ha ka thma ne na ka jingïapthngan ne ka jingpang ha ka ri sha kaba phi kwah ban leit bad ban shong.”

JEREMAÏAH 44:1

U Trai u la kren ha nga shaphang ki Israel baroh kiba shong ha Ijipt, ha ki nongbah Migdol, Tahpanhes, bad Memphis, bad ki bynta bashathie jong ka ri.

JEREMAÏAH 44:12

Bad ïa ki briew ka Judah kiba sah bad kiba la kut jingmut ban leit bad shong ha Ijipt, ngan khmih ïa kane ba baroh na ki kin jot noh. Baroh na ki, kiba rit bad ki bakhraw, kin ïap ha Ijipt, na ka thma ne na ka jingïapthngan. Kin long ka jingïohi ba-itriem; ki briew kin ñiewbeiñ ïa ki bad pyndonkam ïa ka kyrteng jong ki kum ka jingtim.

JEREMAÏAH 44:13

Ngan pynshitom ïa kito kiba shong ha Ijipt, kumba nga pynshitom ïa ka Jerusalem — da ka thma, ka jingïapthngan bad ka jingpang.

JEREMAÏAH 46:14

“Pynbna ïa ka ha ki shnong jong ka Ijipt, ha Migdol, Memphis, bad Tahpanhes: ‘To pynkhreh ban ïada ïa lade; ïa kiei kiei kiba phi don yn pynjot ha ka thma!

JEREMAÏAH 46:19

To pynkhreh ban shah kem koidi, phi ki briew ka Ijipt! Ïa ka Memphis yn sa pynlong ka ri shyiap, ka jingjot ha kaba yn ym don ban shong ban sah.

ESEKIEL 30:13

U Trai Nongsynshar u ong, “Ngan pynjot ïa ki bleithaw bad ïa ki blei bashukor ha Memphis. Yn ym don u ban synshar halor ka Ijipt, bad ngan pyntriem ïa ki briew baroh.

ESEKIEL 30:16

Ngan tbeh ding ïa ka Ijipt, bad ka Pelusium kan don ha ka jingkordit. Ki kynroh jong ka Thebes kin pra, bad ka nongbah kan shlei da ka um.

HOSIA 10:8

Ïa ki jaka mane blei ha kliar lum Aben, ha kiba ki paid Israel ki mane ïa ki bleithaw, yn pynjot noh. Ki shiah bad ki ñiut kin san ha ki duwan jong ki; ki briew kin sa pyrta ha ki lumbah, “To buhrieh ïa ngi!” bad ha ki lumrit, “To tap ïa ngi.”

HOSIA 11:11

Kin wan na Ijipt, da kaba her stet kum ki sim, bad na Assyria, kum ki paro. Ngan wanlam pat ïa ki sha ki ïing jong ki. Ma nga, U Trai nga la kren.”

HOSIA 2:6

Kumta ngan kerkut ïa ka da ki bniap shiah, bad ngan tei da ka kynroh ban khang ïa ka lynti jong ka.

HOSIA 7:11

Ka Israel ka her kum ka paro kaba bieit; nyngkong ki briew jong ka ki wad jingïarap na Ijipt, bad nangta ki mareh sha Assyria!

HOSIA 7:13

“A ki long kiba la tim! Ki la iehnoh ïa nga bad ïeng pyrshah ïa nga. Ïa ki yn pynduh noh. Nga la kwah ban pyllait im ïa ki, hynrei ka jingmane jong ki ïa nga ka long kaba thala.

HOSIA 7:16

Ki ïai phai lyndet na nga sha u blei u bymdonbor ei ei ruh em. Ki long ki bym lah ban shaniah kum ka ryntieh kaba kynriang. Namar ki nongïalam jong ki, ki kren meng, kin ïap ha ka jingïap bashyrkhei, bad ki nong Ijipt kin sa ïa-rkhie.”

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

HOSIA 9:3

Ki paid Israel kin ym ïoh shongsah ha ka ri U Trai; hynrei kin hap leit phai sha Ijipt, bad ki hap ban bam ka jingbam ba la kheiñ sang ha Assyria.

LEBITIKOS 26:33

Ngan pynkhie da ka thma ban pynsakma ïa phi kylleng kylleng ki ri nongwei. Ka ri jong phi kan sah kynjah, bad ki shnong jong phi kin sah ha ka jingjot.

SEPHANAÏAH 1:11

To ïam bad to kyang haba phi ïohsngew ïa kane. Phi kiba shong basah ha ki bynta ba ha trai jong ka nongbah, namar baroh ki nongkhaïi kin ïap!

1 SAMUEL 13:6

Nangta ki pynlong ka jingtur ïaleh kaba tyngeh pyrshah ïa ki Israel, da kaba buh ïa ki ha ka khim khait. Katto katne na ki Israel ki rieh ha ki krem bad ha ki thliew, lane hapdeng ki mawsiang lane ha ki thliew bad ki pukri um;