HOSIA 9:4 - Khasi CL Bible (BSI)

⁴ Ha kito ki ri nongwei kin ym lah ban ai ka jingainguh waiñ ha U Trai, lane wanlam ki jingkñia ha u. Ki jingbam jong ki kin pyntngit ïa uno uno uba bam ïa ki, kum ki jingbam ba bam ha ka por ïapbriew. Yn pyndonkam ïa ki tang ban pynkdang ïa la ka jingthngan; ym don kawei ruh ka ban shim kum ka jingainguh ha ka Templ U Trai.

KA BAIBL

⁴ “Kin ym theh ïa ki jingainguh Waiñ ïa U Trai, lymne kin ym long kiba pynsngewbha ïa u: ki jingkñia jong ki kin long ha ki kum u kpu ki nongsngewsih: baroh kiba bam na ki kin long sang: namar u kpu jong ki un long tang ïa ki hi; un ym wan ha ka ïing U Trai.

HOSIA 9:4 ပူးပေါင်းရင်းမြစ်များ

EKSODOS 29:40

Ryngkat bad uta u khunlangbrot uba nyngkong, ainguh kumba shi kilo u kew ba la tylliat ni bha ba la khleh lang bad shi litar ka umphniang Olib kaba bha. Theh ruh shi litar ka waiñ kum ka jingainguh.

EKSODOS 40:23

bad u buh halor jong ka ïa u kpu ba la pynkyntang sha U Trai, kumba U Trai u la hukum ïa u.

ISAÏAH 57:6

Phi shim ïa ki maw kiba jlih nangta bad mane ïa ki kum ki blei. Phi theh ïa ka waiñ kum ka jingainguh ïa ki bad wallam sha ki ïa ki jingainguh kew. Phi tharai ba ngan sngewbha da kine kiei kiei?

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

JEREMAÏAH 16:7

Ym don mano mano ban bam lane dih badno badno ban pyntngen ïa u mynba iba ieit bathoiñ i ïap. Ym don mano mano ban pyn-i jingsngewlem, wat ïa uta uba la duh noh ïa la u kpa lane ïa ka kmie.

JEREMAÏAH 6:20

Nga salia aïu ïa ka jingiwbih kaba ki wallam ïa nga na Sheba, lane ki musla na ka ri bajngai? Ngan ym pdiang ïa ki jingainguh jong ki lane ban sngewbha ha ki jingkñia jong ki.

ESEKIEL 24:17

Wat ai ba yn pynsngew ïa ki jingïam jong pha. Wat leit kumto khlem tapkhlieh lane khlem jingsopkjat kum ka dak jong ka jingïam pangnud. Wat tap ïa la ka khmat lane bam ïa ka jingbam kaba ki nongïam pangnud ki bam.”

ESEKIEL 24:22

Nangta phan leh ïa kaei kaba nga la leh. Phan ym tap ïa la ki khmat lane bam ïa ka jingbam kaba ki nongïam pangnud ki bam.

DANIEL 1:8

U Daniel u la kut jingmut ban ym shah ïa lade ban long u bymkhuid kat kum ka jinglehniam da kaba bam ïa ka jingbam bad dih ïa ka waiñ jong ka ïingbishar syiem, kumta u la kyrpad ïa u Ashkenas ban ïarap ïa u,

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

HOSIA 7:16

Ki ïai phai lyndet na nga sha u blei u bymdonbor ei ei ruh em. Ki long ki bym lah ban shaniah kum ka ryntieh kaba kynriang. Namar ki nongïalam jong ki, ki kren meng, kin ïap ha ka jingïap bashyrkhei, bad ki nong Ijipt kin sa ïa-rkhie.”

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

JOEL 1:13

To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.

JOEL 1:9

Ym don kew lane waiñ ban ai ha ka Templ; ki lyngdoh ki ïamkthang namar kim don ki jingainguh na ka bynta U Trai.

JOEL 2:14

Lehse U Trai U Blei jong phi un kylla ka jingmut bad un kyrkhu ïa phi da ki jingthung bakyrhai. Te phin lah ban ainguh ha u da u kew bad ka waiñ.

LEBITIKOS 17:11

Ka jingim ki kynja ba-im baroh ka don ha ka snam, bad dei namar kata ba U Trai u la hukum ba dei ban theh ïa baroh ka snam ha ka duwan ban weng noh ïa ki pop ki briew. Ka snam, kaba long ka jingim, ka weng noh ïa ki pop.

LEBITIKOS 21:17

“Ong ha u Aaron, ym bit ïa uno uno na ki khun ki ksiew jong me pateng la pateng uba don jingduna ha ka met ban kñia ïa ka jingainguh bam sha nga.

LEBITIKOS 21:21

Ym bit ïa uno uno u briew uba hiarpateng na u Aaron, u lyngdoh, uba don jingduna ha ka met ban kñia ïa ka jingainguh bam sha nga.

LEBITIKOS 21:6

U dei ban long uba khuid bad um dei ban pynkheiñ burom ïa ka kyrteng jong nga; u kñia ïa ki jingainguh bam sha nga, bad kumta u dei ban long uba khuid.

LEBITIKOS 21:8

U paidbah u dei ban ñiew ba u lyngdoh u long uba khuid, namar u wallam ïa ki jingainguh bam sha nga. Nga long U Trai; nga long uba khuid, bad nga pynkyntang khuid ïa ki briew jong nga.

AMOS 5:22

Haba phi wallam sha nga ïa ki jingainguh thang bad ki jingainguh bam jong phi, ngan ym pdiang ïa ki; ngan ym pdiang ïa ki jingri ba phi la pynsngaid ban wallam sha nga kum ki jingainguh.

MALAKHI 2:13

Kane ka long kawei pat kaba phi leh. Phi pynjhieh ïa ka duwan U Trai da ki ummat, da kaba ïam bad kyang namar um shym pdiang shuh ïa ki jingainguh kiba phi wanrah sha u.

JINGKHEIÑ 19:11

“Kito kiba ktah ïa ka metïap ki long ki bymkhuid kat kum ka jinglehniam haduh hynñiew sngi.

JINGKHEIÑ 28:2

ban hikai ïa ki Israel ban wanrah sha U Blei ha ki por ba la buh ïa ki jingainguh bam badonkam kiba pynsngewbha ïa u.

JINGKHEIÑ 4:7

Halor ka miej ba la buh ïa u kpu ba la lah ainguh sha U Trai, kin siang kawei ka jaiñ kaba jngum, bad kin buh hangta ïa ki pliang, ki pliang buh jingiwbih, ki pliang jingainguh, bad ki khuri jingainguh dih. U kpu ainguh u dei ban don halor jong ka.

ÏOANNIS 6:51

Nga long u kpu uba im uba la wan hiar na bneng. Lada uno uno u bam ïa une u kpu, un im junom. U kpu ba ngan ai ha u, u long ka doh jong nga, ïa kaba nga ai khnang ba ka pyrthei kan ïoh im.”

DEUTERONOMI 26:14

Mynba nga ïambriew, ngam shym la bam ei ei na ka; mynba nga long u bymkhuid, ngam shym la rah ei ei na ka shabar ïing; bad ngam shym la ai ei ei na ka kum ka jingainguh ïa kiba ïap. Nga la kohnguh ïa me, ko Trai; nga la leh ïa kaei kaei baroh kat kaba me la hukum ïa nga kiba ïadei bad kawei na ki shiphew.