HOSIA 9:3 - Khasi CL Bible (BSI)

³ Ki paid Israel kin ym ïoh shongsah ha ka ri U Trai; hynrei kin hap leit phai sha Ijipt, bad ki hap ban bam ka jingbam ba la kheiñ sang ha Assyria.

KA BAIBL

³ Kin ym shong ha ka ri U Trai; hynrei, u Ephraim un leit phai sha Ijipt, bad kin bam ïa ka jingbam basang ha Assyria.

HOSIA 9:3 ပူးပေါင်းရင်းမြစ်များ

1 SYIEM 9:7

ngan jynrat noh ïa ki Israel na kane ka ri ïa kaba nga la ai ha ki; bad ngan kyntait noh ïa kane ka ïing ïa kaba nga la pynkyntang na ka bynta ka kyrteng jong nga; bad ki Israel kin sa shah rkhiebeiñ bad shah kynshi hapdeng ki jaitbynriew baroh.

2 SYIEM 17:6

kaba long ka snem kaba khyndai jong ka jingsynshar u Hoshea, u patsha ka Assyria u kurup ïa ka Samaria, u rah ïa ki Israel sha Assyria kum ki koidi, bad pynsah katto katne ngut na ki ha ka nongbah Halah, katto katne pat hajan ka wah Habor ha ka distrik Gosan, bad katto katne ha ki nongbah jong ka Media.

JEREMAÏAH 16:18

Ngan pynlong ïa ki ban siew ar shah na ka bynta ki pop bad ka jingbymman jong ki, namar ki la pyntngit ïa ka ri jong nga da ki bleithaw ki bym don jingim kum ki metïap, bad ki la pyndap ïa ka da ki blei thala jong ki.”

JEREMAÏAH 2:7

Nga la wallam ïa ki sha ka ri baseisoh, ban lehkmen ïa ki jingot jong ka, bad kiei kiei kiwei pat kiba bha jong ka. Hynrei pynban ki la pynjot ïa ka ri jong nga, ki la pyntngit ïa ka ri kaba nga la ai ha ki.

SNGEWSYNEI 5:6

Ban ïoh jingbam kaba biang ban im, ngi la leit khrong sha Ijipt bad Assyria.

ESEKIEL 4:13

U Trai u la ong, “Kane ka long kum ka dak ba ki Israel ki hap ban bam ïa ka jingbam ba ka Aiñ ka khang, haba ngan pynsakma ïa ki sha ki ri nongwei.”

DANIEL 1:8

U Daniel u la kut jingmut ban ym shah ïa lade ban long u bymkhuid kat kum ka jinglehniam da kaba bam ïa ka jingbam bad dih ïa ka waiñ jong ka ïingbishar syiem, kumta u la kyrpad ïa u Ashkenas ban ïarap ïa u,

HOSIA 11:11

Kin wan na Ijipt, da kaba her stet kum ki sim, bad na Assyria, kum ki paro. Ngan wanlam pat ïa ki sha ki ïing jong ki. Ma nga, U Trai nga la kren.”

HOSIA 11:5

“Ki kyntait ban wan phai sha nga, bad kumta ki dei ban leit phai sha Ijipt, bad ki nong Assyria kin synshar halor jong ki.

HOSIA 7:11

Ka Israel ka her kum ka paro kaba bieit; nyngkong ki briew jong ka ki wad jingïarap na Ijipt, bad nangta ki mareh sha Assyria!

HOSIA 7:16

Ki ïai phai lyndet na nga sha u blei u bymdonbor ei ei ruh em. Ki long ki bym lah ban shaniah kum ka ryntieh kaba kynriang. Namar ki nongïalam jong ki, ki kren meng, kin ïap ha ka jingïap bashyrkhei, bad ki nong Ijipt kin sa ïa-rkhie.”

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

HOSIA 9:6

Haba ka jingjot ka wan bad ïa ki briew la pynsakma, ki nong Ijipt kin lumlang ïa ki — kin lumlang ïa ki ban tep hangta ha Memphis! Ki jingdon jingem jong ki kum ka rupa bad ki jaka ha kaba ki ïing jong ki shisien ki la ïeng yn tap da ki ñiut bad ki bniap shiah.

LEBITIKOS 18:28

te kata ka ri kan ym kyntait ïa phi, kumba ka la leh ïa kita ki briew ki bymngeit Blei kiba im hangta ha shuwa jong phi.

LEBITIKOS 20:22

“Sumar ïa ki aiñ bad ki hukum jong nga baroh, ba kumta phin ym shah kyntait ha ka ri Kanaan sha kaba ngan ïalam ïa phi.

LEBITIKOS 25:23

Phim dei ban die duh ïa ka khyndew, namar phim long trai ïa ka; ka long ka jong U Blei, bad phi long kum ki nongwei ïa kiba la shah ban pyndonkam ïa ka.

AMOS 7:17

Bad kumta, ko Amasaïah, U Trai u ong ïa me, ‘Ka tnga jong me kan long ka nuti ha ki lynti bah, bad ïa ki khun jong me yn sa pynïap ha ka thma. Ïa ka khyndew jong me yn phiah bad sam ha kiwei pat; bad me ïa lade men ïap ha ka ri bymngeit blei. Bad ki paid Israel da shisha kin shah ringmraw na la ka ri.’ ”

MIKAH 2:10

To ïeng joit bad mihnoh; naba ym don shuh ka jingshngain hangne. Ki pop jong phi ki la long jingtim sha ka jingpynjot ïa kane ka jaka.

KI KAM 10:14

Hynrei u Petros u la ong, “Da lei lei ruh em, ko Trai! ngam pat ju bam mynno mynno ïa kaei kaei ka bymkhuid lane kaba sang kat kum ka jinglehniam.”

DEUTERONOMI 28:63

Kumba U Trai u pynmanbha bad pynroi ïa phi da kaba kmen, kumta ruh da kaba kmen un pynjot bad pynduh pyndam ïa phi. Yn sa rat dyngkhong ïa phi na kata ka ri ba phin ïohkynti.

DEUTERONOMI 28:68

U Trai un phah biang ïa phi da ka lieng sha Ijipt, wat la nga la ong ba phim dei ban leit shuh shata lano lano; bad hangta phin sa tyrwa die mraw ïa lade ha ki nongshun jong phi, hynrei yn ym don ba thied ïa phi.”

DEUTERONOMI 4:26

Nga khot ïa ka bneng bad ïa ka khyndew ban sakhi pyrshah ïa phi ba, lada phim kohnguh ïa nga, phin sa jah noh shen na kata ka ri; phin ym im slem ha kata ka ri sha shiliang ka Jordan ïa kaba phin sa ïohkynti. Yn sa pynjot thiaw ïa phi.

JOSHUA 23:15

Hynrei kumba u la bat ïa kawei pa kawei ka jingkular kaba u la pynlong ha phi, kumta ruh un pyndep ïa kawei pa kawei ka jingbyrngem.