HOSIA 9:12 - Khasi CL Bible (BSI)

¹² Hynrei wat la ki ïoh pynheh pynsan ïa la ki khun, ngan shim noh ïa ki bad ngan ym pynsah im uwei ruh. Haba ngan iehnoh noh ïa kine ki briew, kiei kiei kiba shyrkhei kin wan jia ha ki.”

KA BAIBL

¹² La ki ri ïa la ki khun, te ngan pynduh noh ïa ki, ban ym pynsah briew uwei ruh: shisha ruh, kordit ïa ki haba ngan leit noh na ki!

HOSIA 9:12 ပူးပေါင်းရင်းမြစ်များ

2 SYIEM 17:18

U Trai u la bitar ïa ki Israel bad u pyndam ïa ki na khmat jong u, da kaba iehnoh tang ïa ka hima Judah.

2 SYIEM 17:23

haduh ha kaba khatduh U Trai u pyndam noh ïa ki na khmat jong u, kumba u la maham lyngba ki shakri jong u ki nongïathuhlypa, ba un leh kumta. Te ki paid Israel ki la shah pynryngkang par sha Assyria, ha kaba ki dang ïaisah hangta.

Ka Kitab U Job 27:14

Ki lah ban don shibun ki khun shynrang, hynrei baroh kin sa ïap ha ka thma; ki khun jong ki kin ym ïoh ka jingbam kaba biang.

JEREMAÏAH 15:7

Ha kawei pa kawei ka shnong ha ka ri nga la kynting ïa phi sha ka lyer kum ïa u phlangïap. Nga la pynjot ïa phi, ki briew jong nga, nga la pynïap ïa ki khun jong phi namar phim shym sangeh ïa ki rukom basniew jong phi.

JEREMAÏAH 6:8

Ko ki briew ka Jerusalem, ai ba kine ki jingjynjar kin long ka jingmaham ïa phi, lymda kumta ngan iehnoh ïa phi; ngan pynkylla ïa ka nongbah jong phi sha ka ri shyiap, ka jaka ha kaba ym don mano mano bashong basah.”

SNGEWSYNEI 2:20

Ha khmih, ko Trai! Khmih ïa kito kiba me la pynshitom! Ki kynthei ki bam ïa ka met jong ki khun kiba ki ieit! Ki lyngdoh bad ki nongïathuhlypa ki shah pynïap hapoh ka Templ hi!

SNGEWSYNEI 2:22

Me la khot sngewbha ïa ki nongshun jong nga ban pynlong ka jinglehsngewbha ha ka jingshyrkhei baroh sawdong jong nga, bad ym don mano mano ba lah ban lait im ha kata ka sngi jong ka jingbitar jong me. Ki la pynïap ïa ki khun jong nga, kiba nga la pynsan bad ieit.

HOSIA 7:13

“A ki long kiba la tim! Ki la iehnoh ïa nga bad ïeng pyrshah ïa nga. Ïa ki yn pynduh noh. Nga la kwah ban pyllait im ïa ki, hynrei ka jingmane jong ki ïa nga ka long kaba thala.

HOSIA 9:13

A Trai, nga lah ban ïohi ïa ki khun jong ki ba ki shah beh kthong bad shah pynïap.

HOSIA 9:16

Ki paid Israel ki long kum u jingthung uba ki thied ki la tyrkhong bad um pynmih soh ei ei shuh. Kin ym ïoh khun shuh, hynrei wat lada ki dang ïoh, ngan pynïap ïa ki khun thep mynsiem jong ki.”

MALAKHI 2:12

To ai ba U Trai un weng noh na ka jaitbynriew Israel ïa kito kiba la leh ïa kane, bad ban ym shah ïa ki lano lano ruh ban ïashim bynta ha ki jingainguh kiba ka hima jong ngi ka wallam sha U Trai Badonbor Baroh.

JINGKHEIÑ 14:34

Phin shah jynjar sawphew snem namar ka pop jong phi, kawei kawei ka snem na ka bynta kawei pa kawei ka sngi na kita ki sawphew sngi ba phi la pynlut ha kaba swar ïa ka ri. Te phin sa sngewthuh ka long kumno haba nga ïeng pyrshah ïa phi!

JINGKHEIÑ 26:65

U Trai u la ong ba baroh na ki kin ïap ha ka ri khlaw, bad lait noh u Kaleb u khun jong u Jephunneh bad u Joshua u khun jong u Nun, baroh ki la ïap shisha.

DEUTERONOMI 28:18

“U Trai un tim ïa phi da kaba pynduna ïa ki khun ki kti jong phi, da kaba pynduna ïa ka jingseisoh ki jingthung jong phi, bad da kaba pynduna ïa ki masi bad ki langbrot jong phi.

DEUTERONOMI 28:32

Ïa ki khun shynrang bad ki khun kynthei jong phi yn ai noh kum ki mraw ha ki nongwei katba phi pat phi shu peit. Man ka sngi phin pynshitom sat ïa la ki khmat ba phi ap lehnoh-ei ïa la ki khun ba kin wan phai pat.

DEUTERONOMI 31:17

Te ngan bitar lep ïa ki; ngan kyntait bad pynjot thiaw ïa ki. Shibun ki jingjynjar kiba sngewshyrkhei kin wan ngat ha ki, ba kumta kin sa sngewthuh ba kita kiei kiei ki wan jia ha ki namar ba nga, U Blei jong ki, ngan ym don ryngkat shuh bad ki.

DEUTERONOMI 32:25

Ka thma kan wallam ka jingïap ha ki lynti, ka jingshyrkhei kan lynshop ha ki ïing. Ki rangsamla bad ki theisamla kin ïap; yn ym map ïa ki khunlung ne ïa ki tymmen ruh.

NONGBISHAR 4:16

U Barak u beh kthong ïa ki kali ïapom bad ïa ka kynhun shipai sha Harosheth-jong-ki-Jentil, bad la pynïap plain ïa ka kynhun shipai jong u Sisera. Ym don uwei ruh u briew uba lait im.

1 SAMUEL 16:14

U Mynsiem jong U Trai u la iehnoh ïa u Saul, bad u mynsiem bymman ba la phah da U Trai u pynjynjar ïa u.