HOSIA 9:1 - Khasi CL Bible (BSI)

¹ Ko ki paid Israel, sangeh noh kaba rakhe ïa ki Jingkhawai Niam kum ki riewthala. Phi la phai lyndet na la U Blei bad phi la long ki bymïaineh ha u. Ha baroh kawei ka ri phi la die ïa lade kum ki nuti ha u blei Baal bad phi la ieit ïa u kew uba phi pyrkhat ba u la siew na ka bynta jong phi!

KA BAIBL

¹ “Wat shadkmen, ko Israel, ban kmen, kum kiwei ki kynja bynriew; namar pha la leit leh nuti na U Blei jong pha, pha la ieit ïa ka nong halor ka kyntem Kew baroh.

HOSIA 9:1 ပူးပေါင်းရင်းမြစ်များ

SALM 73:27

Kito kiba iehnoh ïa me kin ïap da shisha; men pynjot thiaw ïa kito ki bymïaineh ha me.

ISAÏAH 17:11

Hynrei wat haba ki khie lung bad ki phuh syntiew ha ka step ba pha thung ïa ki, yn ym don kano kano ka jingot. Yn don tang ka jingjynjar bad ka jingpang ka bym lah pynkoit.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 2:20

U Trai Nongsynshar u ong, “Ko Israel, la slem bah me la kyntait ïa ka iktiar jong nga; me la kyntait ban kohnguh ïa nga bad mane ïa nga. Ha uwei pa uwei u lum bakynjang bad hapoh uwei pa uwei u dieng bajyrngam me la mane ïa ki blei ka jingkharoi.

JEREMAÏAH 44:17

Ngin leh ïa kiei kiei baroh ïa kiba ngi la ong ban leh. Ngin ai ïa ki jingkñia sha ka blei jong ngi, ka Syiem jong ka Bneng, bad ngin theh ïa ki jingainguh waiñ sha ka, kumba ma ngi bad ki kpa tymmen jong ngi, u syiem jong ngi bad ki nongïalam jong ngi, ki la ju leh ha ki shnong ka Judah bad ha ki surok bah ka Jerusalem. Nangta ngi don ka bam kyrhai, ngi manbha, bad ngim ju don jingjynjar.

SNGEWSYNEI 4:21

To ïai rkhie, ko ki briew ka Edom bad ka Us; to kmen katba phi dang lah. Ka jingpynjot ïa phi ruh ka wan; ma phi ruh phin ïaid sheng sheng lyngkhuit ha ka jinglehrain.

ESEKIEL 16:15

“Hynrei pha shim kabu ïa ka jingbhabriew bad ka nam jong pha, ban ïathiah bad uno uno uba pha ïakynduh.

ESEKIEL 16:30

Kane ka long kaei kaba U Trai Nongsynshar u ong: “Pha la leh ïa kane baroh kum ka nuti ka bym don jinglehrain.

ESEKIEL 20:32

Phi la pynbeit ïa la ki jingmut ba phi ïakwah ban long kum kiwei pat ki jaitbynriew, kum ki briew kiba shong basah ha kiwei pat ki ri bad kiba mane ïa ki dieng bad ki mawsiang. Hynrei kata kan ym long da lei lei.

ESEKIEL 21:10

La pynnep ïa ka ban pynïap, la pynphyrnai ba kan thaba kum ka leilieh. Kan ym don ka jinglehkmen, naba ki briew jong nga ki la leh bymsuidñiew ïa ka jingmaham bad jingpynshitom baroh.

HOSIA 10:5

Ki briew kiba shong ha ka nongbah jong ka Samaria kin sheptieng bad ïam sngewsih namar ka jingduh noh ïa u masi ksiar ha Bethel. Ma ki bad kita ki lyngdoh kiba shakri ïa u bleithaw kin ïam sngewsih namar jong u. Kin sa ïam pangnud haba yn law lyngkhuit ïa ka jingthaba rong ksiar jong u.

HOSIA 2:12

Ngan pynjulor ïa ki dieng sohwaiñ bad ki diengsoh Dumbur jong ka, kiba ka ju ong ba kiba ieit jong ka ki ai ïa ka namar ba ka la shakri ïa ki. Ngan pynkylla ri khlaw ïa ki bri sohwaiñ bad ki brisoh jong ka; ki mradkhlaw kin pynjot ïa ki.

HOSIA 4:12

Ki pan ïa ki jingpynpaw na u lyngkhot dieng! u diengduh u batai ïa ki kaei ba ki kwah ban tip! Ki la iehnoh ïa nga. Kum ka briew kaba la kylla nuti, ki la aiti ïa lade ha kiwei pat ki blei.

HOSIA 5:4

Ka jingsniew ba ki briew ki la leh, ka khanglad ïa ki ban wan phai sha U Blei jong ki. Ka jingmane bleithaw ka don ka jingbat bakhlaiñ ïa ki bad kim pdiang ïa U Trai.

HOSIA 5:7

Ki la long ki bymïaineh ha U Trai; ki khun jong ki kim long ki jong u. Kumta mynta, ma ki bad ki jaka jong ki kin sa shah pynjot noh shen.

AMOS 3:2

“Na baroh ki jaitbynriew ha ka pyrthei, phi long tang kawei kaba nga la ithuh bad sumar. Kata ka long kaei kaba la pynlong ïa ki pop jong phi kiba shyrkhei, bad kata ka long balei ba nga dei ban pynshitom ïa phi na ka bynta jong phi.”

AMOS 4:5

Ïaid shaphrang bad rah ïa u kpu jong phi kum ka jingainguh sha U Blei, bad to sngewsarong shaphang ki jingainguh ba tam ba phi wallam! Kane ka long ka rukom ïa kaei kaei kaba phi ieit ban leh.

AMOS 6:13

Phi kob shaphang kaba ïoh kurup ïa ka shnong Lodebar. Phi kob, “Ngi la long kiba khlaiñ bha ban ïohknieh ïa ka Karnaim.”

AMOS 8:10

Ngan pynkylla ïa ki Jingkhawai Niam jong phi sha ki jingtep briew bad ngan pynkylla ïa ki jingrwai kmen jong phi sha ki jingïam sngewsih. Ngan pynlong ïa phi ba phin khi lyndum ïa la ka khlieh bad phin phong ka jaiñ khain, bad phin long kum ki kmie ki kpa kiba ïambriew na ka bynta u khun ba tang marwei jong ki. Kata ka sngi kan long kaba kthang haduh kaba kut.

JAKOB 4:16

Hynrei mynta phi sngewsarong bad phi kyr-eit; baroh kata kaba phi kyr-eit ka long kaba bakla.

JAKOB 5:1

Bad mynta, phi ki briew kiba riewspah, to shahshkor ïa nga! to ïam bad to lynñiar ïa ki jinglanot ki ban wan hap ha phi!