HOSIA 8:9 - Khasi CL Bible (BSI)

⁹ Ki long kiba mutlop kum ki kada khlaw, ki paid Israel kin ïaid ha la ka jong ka lynti. Ki la leit ban wad jingïarap na ki Assyria, bad ki la siew ruh ïa kiwei pat ki jaitbynriew ban ïada ïa ki.

KA BAIBL

⁹ Namar ki la leit kiew sha Assyria, kum u kadda khlaw marwei hi: u Ephraim u la ai ïa ki jingai ieit.

HOSIA 8:9 ပူးပေါင်းရင်းမြစ်များ

2 SYIEM 15:19

U Tiglath Pileser, u patsha ka Assyria, u tur ïaleh ïa ka Israel, bad u Menahem u ai ïa u laiphew saw ton ka rupa ban ïoh ïa ka jingkyrshan jong u ban nang pynkhlaiñbor ïa u Menahem halor ka ri.

ISAÏAH 30:2

Ki ïaleit sha Ijipt na ka bynta ka jingïarap khlem pan ïa ka jingai jingmut jong nga. Ki kwah ba ka Ijipt kan ïada ïa ki, ba kumta ki buh ïa ka jingshaniah ha u syiem ka Ijipt.

ISAÏAH 30:6

Kane ka dei ka khubor jong U Blei shaphang ki mrad jong ka ri shyiap bashathie: “Ki nongkit 'tiensyiem ki ïaid lyngba ka ri bashyrkhei, ha kaba ki sing ki don bad ha kaba ki bseiñ kiba don bih bad ki Ïakjakor kiba her. Ki pynkit halor ki kada bad ki ut jong ki da ki jingai sngewbha baremdor na ka bynta ka hima ka bym lah ban ai ïa ki kano kano ka jingïarap.

JEREMAÏAH 2:24

ka da mareh stet sha ka ri shyiap. Haba ka don ha ka jingkwah shongkha, mano ba lah ban bat synshar ïa ka? Ym don uno uno u shynrang uba kwah ïa ka uba dei ban pynjynjar ïa lade; ka ïai don borabor ha ka aïom shongkha.

HOSIA 12:1

Kaei kaei baroh ba ki paid Israel ki leh naduh mynstep haduh da miet ka long ka bymmyntoi bad kaba pynjot. Ka jingshetkylla bad ki jingleh jubor ki nang jyllei hapdeng jong ki. Ki ïateh jutang bad ka Assyria, bad ki ïakhaïi bad ka Ijipt.”

HOSIA 12:2

U Trai u don ka jingmudui ban wanlam pyrshah ïa ki paid Judah; un pynshitom ruh ïa ka Israel na ka bynta ka rukom leh ki briew jong ka. Un ainong ïa ki na ka bynta kaei ba ki la leh.

HOSIA 2:10

Ngan law lyngkhuit ïa ka ha khmat kiba ieit jong ka, bad yn ym don uno uno ruh uba lah ban pyllait ïa ka na ka bor jong nga.

HOSIA 5:13

“Haba ka Israel ka ïohi haduh katno ka pang jur bad haba ka Judah ka ïohi ïa la ki jingmong, nangta ki Israel ki leit sha Assyria ban pan jingïarap na u syiem uba khrawbor, hynrei um lah ban pynkoit ïa ki lane pynkhiah ïa ki jingmong jong ki.

HOSIA 7:11

Ka Israel ka her kum ka paro kaba bieit; nyngkong ki briew jong ka ki wad jingïarap na Ijipt, bad nangta ki mareh sha Assyria!