HOSIA 8:8 - Khasi CL Bible (BSI)

⁸ Ki Israel kin long kum kiwei pat ki jaitbynriew bad kin long ki bymlarkam kum u khra ba la pait.

KA BAIBL

⁸ Ïa u Israel la klun khoit: mynta ki long hapdeng ki jaid bynriew kum u khiew ha u bymdon jingsngewbha.

HOSIA 8:8 ပူးပေါင်းရင်းမြစ်များ

2 SYIEM 18:11

U patsha ka Assyria u ïalam ïa ki Israel sha Assyria kum ki koidi bad u pynshong pynsah ïa ki katto katne na ki ha ka nongbah Halah, katto katne hajan ka wah Habor ha ka distrik Gosan, bad katto katne ha ki nongbah ka Media.

ISAÏAH 30:14

Phin sa pra kum u khra, uba la phret jin haduh ba ym don shuh ka lyngkhot, da kaba yn lah ban khat ïa ki rnga bakhluit, lane tong um na ka pung-um.”

JEREMAÏAH 22:28

Nga la ong, “Hato u syiem Jehoïakhin u la kylla long kum u khra uba la pait uba la bret noh bad u bym don ba kwah shuh mano mano? Hato ka long kata balei ba ma u bad ïa ki khun jong u la ringmraw sha ka ri kaba kim tip ei ei?”

JEREMAÏAH 25:34

To ïam, ko phi ki nongïalam, phi ki nongsharai jong ki briew jong nga, to kyang jam! To ïambriew bad tyllun halor u pui pui. Ka por ka la poi na ka bynta jong phi ban shah pynïap, bad yn sa ot doh ïa phi kum ïa ki langbrot shynrang.

JEREMAÏAH 48:38

Halor ki tnum ïing baroh ha Moab bad ha baroh ki jaka paidbah ym don ei ei hynrei tang ka jingïam sngewsih, namar nga la pynpait ïa ka Moab kum u khra uba ym don shuh mano mano ban kwah.

JEREMAÏAH 50:17

U Trai u ong, “Ki paid Israel ki long kum ki langbrot, ba la shah beh bad pynsakma da ki sing. Nyngkong, la tur ïaleh da u patsha ka Assyria, bad nangta u Nebukhadnessar u syiem ka Babilonia u ktha ïa ki shyieng jong ki.

JEREMAÏAH 51:34

U syiem ka Babilonia u la pynkut ïa ka Jerusalem bad bam ïa ka. U pynthylli ïa ka nongbah kum ïa u khra; kum u mrad kynsha u la nguid ïa ka. U la shim kat ïa kaba u kwah bad bret noh ïa kiba sah.

SNGEWSYNEI 2:16

Baroh ki nongshun jong pha ki rkhiebeiñ ïa pha bad ki khmih ïa pha da ka jingisih. Ki pynran ïa la ki rmiang shyntur bad kren khlem burom, “Ngi la pynjot ïa ka! Kane ka long ka sngi kaba ngi la ïa-ap khmih!”

SNGEWSYNEI 2:2

U Trai u la pynjot khlem ka jingisynei ïa kawei pa kawei ka nongrit ha Judah bad u la kad pynpra ïa ki kut kiba ïada ïa ka ri. U la wallam ka jingjahburom ha ka hima bad ki nongsynshar jong ka.

SNGEWSYNEI 2:5

Kum u nongshun, U Trai u la pynjot ïa ka Israel; u la iehnoh ïa ki kut bad ki ïingsyiem jong ka ha ka jingjot. U la wanrah halor ki briew jong ka Judah ïa ka jingsngewsih ka bymkut shuh.

SNGEWSYNEI 4:2

Ki samla shynrang jong ka Seïon ki la long kiba kordor ïa ngi kum ka ksiar, hynrei mynta la ñiew ïa ki kum ïa ki khiew dewbyrtha bymdondor.

SNGEWSYNEI 5:2

Ka jingdon jingem jong ngi ka don ha ki kti jong ki riewphylla; ki nongwei ki shong ki sah ha ki ïing jong ngi.

ESEKIEL 36:3

“To ïathuhlypa, nangta, bad to pynbna ïa kaei kaba ma nga, U Trai Nongsynshar nga ong. Mynba ki jaitbynriew ba-marjan ki la kurup bad lute ïa ki lumbah ka Israel, baroh ki la krenbeiñ ïa ka Israel.

LEBITIKOS 26:33

Ngan pynkhie da ka thma ban pynsakma ïa phi kylleng kylleng ki ri nongwei. Ka ri jong phi kan sah kynjah, bad ki shnong jong phi kin sah ha ka jingjot.

Ka Shithi U Paul Sha Ki Nong Rom 9:22

Bad kane ka long kumjuh ïa kaei kaba U Blei u la leh. U la kwah ban pynpaw ïa ka jingbitar jong u bad ban pynpaw ïa ka bor jong u. Hynrei u la long uba ïaishah haduh katta katta ïa kito kiba long ka daw jong ka jingbitar jong u, kiba la don ha ka lynti sha ka jingshah pynjot.

DEUTERONOMI 28:25

“U Trai un shah ba ki nongshun kin jop ïa phi. Phin tur pyrshah ïa ki na kawei ka dong, hynrei phin sa her ïap na kiba bun ki dong, bad ki briew ka pyrthei kin sngewsheptieng haba ki ïohi aïu ka jia ïa phi.

DEUTERONOMI 28:64

“U Trai un pynsakma ïa phi hapdeng ki jaitbynriew baroh, kylleng sawdong ka pyrthei, bad hangta phin shakri ïa kiwei pat ki blei kiba da ka dieng bad da u maw, ki blei kiba ma phi bad ki kpa tymmen jong phi phim pat ju mane mynshuwa.