HOSIA 8:7 - Khasi CL Bible (BSI)

⁷ Haba ki bet ïa ka lyer, kin ïoh ot ïa ka 'erlangthari! U kew baroh shi pynthor u bym pat ih un ym lah ban pynmih kpu. Hynrei wat lada u pynmih ruh, ki nongwei kin bam ei ïa u.

KA BAIBL

⁷ “Namar ki bet ïa ka lyer, te kin ot ïa ka lyer langthari: um don u Kew baïeng; u speh un ym pynmih 'purew; lada u pynmih ruh, ki nongwei kin klun khoit ïa u.

HOSIA 8:7 ပူးပေါင်းရင်းမြစ်များ

JENESIS 41:23

Nangta sa hynñiew tylli kiwei pat ki kop kew ki la shylluit, kiba raikhoh bad kiba la pyntyrkhong da ka lyer ri shyiap, bad ki kop kew kiba raikhoh ki la nguid noh ïa kita kiba met.

2 SYIEM 15:19

U Tiglath Pileser, u patsha ka Assyria, u tur ïaleh ïa ka Israel, bad u Menahem u ai ïa u laiphew saw ton ka rupa ban ïoh ïa ka jingkyrshan jong u ban nang pynkhlaiñbor ïa u Menahem halor ka ri.

2 SYIEM 15:29

Ka la jia ba katba u Pekah u long syiem ba u Tiglath Pileser, u patsha ka Assyria, u kurup ïa ki nongbah jong ka Ijon, ka Abel Beth Maakah, ka Janoah, ka Kedesh, bad ka Hasor, bad ki ri jong ka Gilead, ka Galilaïa, bad ka Naphtali, bad u rah koidi ïa ki briew sha Assyria.

Ka Kitab U Job 4:8

Nga la ïohi ïa ki briew ba ki lur ïa ki lyngkha jong ka jingsniew bad ki bet ïa ka jingbymman kum u symbai; mynta ki ot da ka jingbymman bad ka jingsniew.

PROBERB 22:8

Lada phi bet ïa ki symbai ka jingbymhok, ka jingpynjot kan mih, bad ka jingbanbeiñ jong phi ïa kiwei kan kut noh.

EKLESIASTIS 5:16

Hato kam dei kumta? Ngi leit kumba ngi wan. Ngi trei, da kaba pyrshang ban kem ïa ka lyer bad aïu ngi ïoh?

ISAÏAH 17:11

Hynrei wat haba ki khie lung bad ki phuh syntiew ha ka step ba pha thung ïa ki, yn ym don kano kano ka jingot. Yn don tang ka jingjynjar bad ka jingpang ka bym lah pynkoit.

ISAÏAH 55:2

Balei ban pynlut pisa ha kaei ka bym ai jinghun? Balei ban pynlut ïa ka bainong jong phi bad ban dang hap shahthngan hi? To shahshkor ïa nga bad leh ïa kaei kaba nga ong, bad phin sngewtynnat ïa ka jingbam kaba bang tam na baroh.

ISAÏAH 66:15

U Trai un wan bad ka ding. Un shong ha ki thapniang jong ka 'erïong, ban pynshitom ïa kito kiba u la bitar.

JEREMAÏAH 12:13

Ki briew jong nga ki la bet ïa u kew, hynrei ki la lum ïa ki ñiut; ki la trei shitom, hynrei kim shym ïoh ei ei na ka bynta kata. Namar ka jingbitar shla jong nga ki jingthung jong ki kim shym long.”

SNGEWSYNEI 5:2

Ka jingdon jingem jong ngi ka don ha ki kti jong ki riewphylla; ki nongwei ki shong ki sah ha ki ïing jong ngi.

HOSIA 2:9

Kumta ha ka aïom ot ngan shim noh ïa ki jingai sngewbha jong nga da u kew bad ka waiñ, bad ngan shim noh ruh ïa u 'saiwul bad ka jaiñ linen ba nga la ai ïa ka ban phong.

HOSIA 7:9

Ki shaniah ha ki jaitbynriew sawdong jong ki bad kim sngewthuh ba kane ka jingshaniah ha ki nongwei ka la bam duh noh ïa ka jingkhlaiñ jong ki. Ki sngi jong ki, ki la jan kut, hynrei kim shym la tip ïa kata.

HOSIA 9:16

Ki paid Israel ki long kum u jingthung uba ki thied ki la tyrkhong bad um pynmih soh ei ei shuh. Kin ym ïoh khun shuh, hynrei wat lada ki dang ïoh, ngan pynïap ïa ki khun thep mynsiem jong ki.”

NAHUM 1:3

U Trai um ju bitar shen, hynrei u long uba khrawbor bad um ju shah ba kiba shah rai pynrem kin lait khlem shah pynshitom. Hangno ha kaba U Trai u ïaid, ki 'erïong ki khie; ki lyoh ki long ki pui pui ba la pynmih da ki kjat jong u!

HAGGAI 1:6

Phi la bet shibun u kew, hynrei phi la ot tang khyndiat. Phi don ka bam ban bam, hynrei kam biang kat ban pynkdang ïa phi. Phi don ka waiñ ban dih, hynrei kam biang kat ban pynbuaid ïa phi! Phi don ki jaiñkup, hynrei kam biang kat ban pynsyaid ïa phi. Bad u nongtrei um lah ban kamai kat ban biang ban im.

GALATIA 6:7

Wat ym shukor phi ïa lade hi, ym don mano mano uba ñiew bieit ïa U Blei. U briew un ot ïa kaei kaba u bet.

GALATIA 6:8

Lada u bet ha ka lyngkha jong ki jingkwah brai ka doh jong u, na ka un lum ïa ka jingot ka jingïap; lada u bet ha ka lyngkha U Mynsiem, na U Mynsiem un lum ïa ka jingot jong ka jingim bymjukut.

DEUTERONOMI 28:33

Ki nongwei kin bam ei ïa ki jingmih na ki lyngkha jong phi ha kiba phi la trei shitom, katba phi pat phim ym ïoh ei ei lait tang ka jingshah banbeiñ bad ka jingshah lehbeiñ suda.