HOSIA 8:6 - Khasi CL Bible (BSI)

⁶ U nongsaiñdur na Israel uba la thaw ïa u bleithaw, bad um dei satia u blei! Ïa u khun masi ksiar ba mane ha Samaria yn sa pynpait lyngkhot lyngkhai.

KA BAIBL

⁶ Namar na Israel ka leit long kane ruh; u bania u la thaw ïa ka, te kam long Blei: shisha keiñ, ïa u khun masi ka Samaria yn pynkheiñ lyngkhot lyngkhot.

HOSIA 8:6 ပူးပေါင်းရင်းမြစ်များ

2 SYIEM 23:15

U Josaïah u la pyntwa ruh ïa ka jaka mane ha Bethel kaba la tei da u syiem Jeroboam u khun jong u Nebat, uba la ïalam ïa ki Israel ban leh pop. U Josaïah u la pyntwa ruh ïa ka duwan, u pynpait lyngkhot lyngkhai ïa ki maw jong ka, bad u pynlwet phum ïa ki; u la thang ruh ïa ka dur jong ka Asherah.

2 SYIEM 23:19

Ha man ka nongbah jong ka Israel, u syiem Josaïah u la pyntwa ïa baroh ki jaka mane thala kiba la tei da ki syiem Israel, kiba la pynkhih bitar ïa U Blei. U la leh ïa baroh kito ki duwan kumba u la leh ha Bethel.

2 KHRONIKL 13:8

Mynta phi thmu ban ïaleh pyrshah ïa ka iktiar syiem kaba U Blei u la ai ha ki khun ki ksiew u Dabid. Phi don ka kynhun shipai kaba khraw bad phi don ki khun masi ksiar kiba u Jeroboam u la shna ba kin long ki blei jong phi.

2 KHRONIKL 31:1

Hadien ba ka Jingkhawai Niam ka la kut, baroh ki paid Israel ki leit sha kawei pa kawei ka nongbah ha Judah bad ki pynpra ïa ki rishot maw, ki pyndkut ïa ki dur ka blei Asherah, bad ki pynjot ïa ki duwan bad ki jaka mane blei thala. Ki leh ïa kajuh ha baroh ki bynta basah jong ka Judah, bad ïa ki ri jong ki Benjamin, Ephraim bad Manasseh; nangta baroh na ki, ki leit phai sha ïing.

JEREMAÏAH 10:14

Ha ka jingïohi ïa kane, ki rangbah ki sngew mutlop bad kim sngewthuh ei ei; kito kiba shna bleithaw ki shah pynthame, namar ki blei kiba ki shna ki long kiba bakla bad kim don jingim.

JEREMAÏAH 48:13

Nangta ki nong Moab kin ym sngewbha ïa u blei Khemosh jong ki, kumba ki Israel kim sngewbha ïa u blei Bethel ha uba ki shaniah.

JEREMAÏAH 50:2

“Ïathuh ïa ka khubor sha ki jaitbynriew! Pynbna ïa ka! Ai ka dak bad pynbna ïa ka khubor! Wat buhrieh ïa ka! Ka Babilon ka la kyllon! U Marduk u blei jong ka u la khynñiuh! Ïa ki bleithaw jong Babilon la buh ha ka jinglehrain, ïa ki dur ba-ijli jong ka la pynlwet!

HOSIA 10:2

Ki briew kiba ki dohnud jong ki, ki long kiba shukor, mynta ki dei ban shahshitom namar ki pop jong ki. U Blei un pynpra ïa ki duwan jong ki, bad un pynjot ïa ki rishot kyntang jong ki.

HOSIA 13:2

Kin nang ïai leh pop shuh shuh da kaba saiñ ïa ki durblei ban mane — ki bleithaw kiba da ka rupa, kiba la saiñdur da ka jingpyrkhat briew, ba la shna da ki kti briew. Bad nangta ki ong, “Ai ki jingkñia sha ki!” Kumno ki briew kin doh ïa kito ki bleithaw — ki bleithaw ha ka dur ki masi kyrtong!

HOSIA 14:3

Ka Assyria kan ym lah da lei lei ban pyllait im ïa ngi, bad ki kulai thma kim lah ban ïada ïa ngi. Ngin ym ong shuh ha ki bleithaw jong ngi ba ki long U Blei jong ngi. A Trai, me pyn-i jingisynei ha kito ki bym don uno uno sha uba ki lah ban phai.”

MIKAH 1:7

Ïa ki bleithaw bakordor jong ka baroh yn pynpait lyngkhot, baroh kaba la ai sha ki nuti ka templ yn pynjot ha ka ding, bad ki durblei jong ka baroh kin long ka kynton ba la shu ieh. Ka Samaria ka la lum ïa kine kiei kiei na ka bynta ki jinglehniam ba pynseisoh, bad mynta ki nongshun jong ka kin rah noh ïa ki na ka bynta ki nuti ka templ shawei pat.”

HABAKKUK 2:18

Kaei ka jingdonkam jong ka bleithaw? Ka long tang kaei kaei kaba la thaw da u briew, bad kam kren ei ei hynrei ka shukor. Kaei kaba bha ba ka leh ïa u nongthaw ba un shaniah ha ka — U Blei u bym lah wat ban kren!

KI KAM 17:29

Namar ba ngi long ki khun U Blei, ngim dei ban tharai ba ka jinglong jong u ka long kaei kaei kaba kum ka dur da ka ksiar lane rupa lane maw, ba la pynwandur da ka jingstad bad ka buit briew.

KI KAM 19:26

Mynta, phi lah ban ïohi bad ïohsngew da lade aïu une u Paul u leh. U ong ba ki blei kiba la shna da ki kti jong ki briew kim long da shisha ki blei, bad u la jop ha kaba pynkohnguh ïa kiba bun ki briew, hangne ha Ephesos bad hajan baroh kawei jong ka probins jong ka Asia.