HOSIA 8:1 - Khasi CL Bible (BSI)

¹ U Trai u ong, “Pynsawa ïa ka jingmaham! Ki nongshun ki hiar kynsan shapoh ha ka ri jong nga kum ki pukni! Ki briew jong nga ki la pynkheiñ ïa ka jutang kaba nga la ïateh bad ki, bad ki la ïaleh pyrshah ïa ka jinghikai jong nga.

KA BAIBL

¹ “Buh ka ronsing ha ka shyntur. Kum ka pukni, u wan pyrshah ïa ka ïing U Trai: namar ki la ryngkang ïa ka jutang jong nga, bad ki la ïaleh pyrshah ïa ka hukum jong nga.

HOSIA 8:1 ပူးပေါင်းရင်းမြစ်များ

2 SYIEM 18:27

U jubab, “Hato me pyrkhat ba dei tang ma me bad u syiem kiba u nongsynshar u la phah ïa nga ban ong ïa kine kiei kiei baroh? Em, nga kren ruh ha ki briew kiba shong halor ka kynroh, ki ban hap bam ïa ka jakhlia bad ban dih ïa ka um pynjhieh, kumba me men hap leh.”

ISAÏAH 18:3

To shahshkor, phi baroh kiba shong ha ka pyrthei! To ap ïa ka lama ai dak kaba yn kyntiew halor ki kliar jong ki lumbah! To shahshkor ïa ka jingput ïa ka ronsing!

ISAÏAH 24:5

Ki briew ki la pyntngit ïa ka pyrthei da kaba pynkheiñ ïa ki aiñ jong U Blei bad da kaba ïaleh pyrshah ïa ka jutang kaba u la pynlong ban neh junom.

ISAÏAH 58:1

U Trai u ong, “To pyrta jam katba phi lah! Ïathuh ïa ki briew jong nga ki Israel shaphang ki pop jong ki.

JEREMAÏAH 31:32

Kan ym long kum ka jutang barim kaba nga la pynlong bad ki kpa tymmen jong ki mynba nga la shim ïa ki da la ka kti bad ïalam ïa ki na ka ri Ijipt. Wat la nga la long kum u tnga ïa ki, kim shym la bat ïa kata ka jutang.

JEREMAÏAH 34:18

Ki rangbah synshar ka Judah bad ka Jerusalem, ryngkat bad ki rangbah synshar ka ïingsyiem, ki lyngdoh, bad baroh ki nongïalam, ki la pynlong ïa ka jutang bad nga da kaba ïaid hapdeng ar tylli ki shiteng jong u masi kyrtong ïa uba ki la ot ha ki ar bynta. Hynrei ki la pynkheiñ ïa ka jutang bad kim shym la bat ïa ki kyndon jong ka. Kumta ngan leh ïa kine ki briew ïa kaei kaba ki la leh ïa u masi kyrtong.

JEREMAÏAH 4:13

Ha khmih, u nongshun u wan kum ki lyoh. Ki kali ïapom jong u ki long kum ka 'erlangthari, bad ki kulai jong u ki kham stet ban ïa ki pukni. Ngi la shahjop! Ngim lah khie khlieh shuh!

JEREMAÏAH 4:5

To put ïa ka turoi ha kylleng ka ri! To pyrta jam bad shai kdar! Ïathuh ha ki briew jong ka Judah bad Jerusalem ban phet sha ki nongbah ba la ker kynroh.

JEREMAÏAH 48:40

U Trai u la kular ba ka hima kan hiar halor ka Moab kum u pukni lem bad ki thapniang ba-pyiar jong u,

JEREMAÏAH 49:22

U nongshun un tur ïaleh ïa ka Bosrah kum u pukni uba suh wia sha tbian lem bad ki thapniang ba-pyiar. Ha kata ka sngi ki shipai Edom kin sheptieng kum ka briew kaba suh kha.”

JEREMAÏAH 51:27

“To ai ïa ka dak ban tur ïaleh! Put ïa ka turoi khnang ba ki jaitbynriew kin ïohsngew! Pynkhreh ïa ki jaitbynriew na ka bynta ka thma pyrshah ïa ka Babilonia! Ong ïa ki hima Ararat, Minni, bad Ashkenas ban tur ïaleh. Thung ïa u rangbah pynïaidkam ban ïalam ïa ka jingtur ïaleh. Wallam ïa ki kulai kum ka kynhun ki puit.

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

ESEKIEL 11:4

Mynta te, to kren pyrshah ïa ki, ko khun u briew.”

ESEKIEL 16:59

U Trai Nongsynshar u ong, “Ngan leh ïa pha ha ka rukom kaba pha dei hok ban ïoh, namar pha la leh bymsalia ïa ki jingkular jong pha bad pynkheiñ ïa ka jutang.

ESEKIEL 17:3

ban pyntip ïa ki ïa kaei kaba ma nga, U Trai Nongsynshar nga ong ha ki: La don u pukni radbah uba don ki sner ba-itynnat bad ki thapniang kiba khraw, kiba pyiar heh. U la her sha ki lumbah Lebanon bad u la pynkheiñ ïa ka kliar jong u dieng Kedar,

ESEKIEL 7:14

Ka turoi ka riew bad baroh ki la pynkhreh. Hynrei ym don uwei ruh uba leit sha ka thma, naba ka jingbitar jong U Blei ka long halor baroh kumjuh.

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

HOSIA 5:8

To put ïa ki turoi thma ha Gibeah! Pynsawa ïa ka jingkyrsiew ha Ramah! Pyrta jam shaphang ka thma ha Bethaben! Tur sha ka thma, ko ki rangbah Benjamin!

HOSIA 6:7

“Hynrei ki tang mar ïarung ïa ka ri ha Adam, ki la pynkheiñ ïa ka jutang kaba nga la ïateh bad ki.

HOSIA 9:15

U Trai u ong, “Baroh ki kam sniew jong ki, ki la sdang ha Gilgal. Ka la long hangta ba nga sdang ban isih ïa ki. Bad namar ka jingsniew ba ki la leh, ngan beh noh ïa ki na ka ri jong nga. Ngan ym ieit shuh ïa ki; baroh ki nongïalam jong ki, ki la ïaleh pyrshah ïa nga.

JOEL 2:1

To put ïa ka turoi, to pynsawa ba don jingma ha Seïon, u lum bakyntang jong U Blei. To khynñiuh, ko ki paid Judah! Ka sngi jong U Trai shen kan sa wan.

JOEL 2:15

To put ïa ka turoi halor u lum Seïon; to ai ki hukum na ka bynta ka jingshah jingit bad khot ïa ka jingïaseng bah!

AMOS 3:6

Hato ka turoi thma ka ju sawa ha ka nongbah khlem da pynlong ïa ki briew ban sheptieng? Hato ka jingjynjar ka ju ngat ha ka nongbah lymda U Trai u phah ïa ka?

AMOS 8:3

Ha kata ka sngi, ki jingrwai ha ka ïingsyiem kin kylla long ki jinglynñiar ka jingïambriew. Ki metïap kin don kylleng sawdong. Kin sa shah bret noh ha ka jingjar jar.”

AMOS 9:1

Nga la ïohi ïa U Trai ba u ïeng harud ka duwan. U la ai ka hukum: “Tied tyngeh ïa ki khlieh rishot jong ka Templ haduh ba ka shyngkub baroh kawei kan da khih. Pynpait ïa ki bad ai ba kin hap halor ki khlieh jong ki briew. Ngan pynïap ha ka thma ïa ki briew kiba dang sah. Yn ym don u ban ïohphet; wat uwei ruh un ym lait im.

HABAKKUK 1:8

“Ki kulai jong ki, ki kham stet ban ïa ki 'labasa, kham shyrkhei ban ïa ki suri bathngan. Ki nongshong kulai jong ki, ki wan tur na ki jaka ba sha jngai; ki kulai jong ki, ki trud ïa ka khyndew. Ki wan suh wia kum ki pukni kiba tur ha ka jingbam.

SEPHANAÏAH 1:16

ka sngi kaba dap da ka jingsawa ki turoi thma bad ka jingpyrta-thma jong ki shipai kiba tur ïaleh ïa ki nongbah ba la ker kynroh bad ïa ki kut bajrong.

SEKHARAÏAH 11:1

To plie ïa ki jingkhang jong pha, ko Lebanon, khnang ba ka ding kan thang duh ïa ki dieng Kedar jong pha!

SEKHARAÏAH 9:14

U Trai un mihpaw halor ki briew jong u; un siat ïa ki khnam jong u kum ka leilieh. U Trai Nongsynshar un pynsawa ïa ka turoi; un ïaid ha ki 'erïong na shathie.

MATHAÏOS 24:28

“Hangno hangno ha kaba don ka metïap, ki pukni kin ïalumlang.

DEUTERONOMI 28:49

U Trai un phah ïa ka jaitbynriew na kaba kut ka pyrthei pyrshah ïa phi, ka jaitbynriew kaba ka ktien ka thylliej jong ka phin ym sngewthuh. Kin wan hiar kynsan ha phi kumba suh u pukni.