HOSIA 7:7 - Khasi CL Bible (BSI)

⁷ “Ha ka jingkhluit ka jingbitar jong ki, ki pynïap ïa la ki nongsynshar. Ki syiem jong ki, ki shah pynïap uwei hadien uwei, hynrei ym don na ki uba khot kyrpad ïa nga ban ïoh jingïarap.”

KA BAIBL

⁷ Ki baroh ki shit kum ka pajwa, bad ki bam duh ïa ki nongbishar jong ki; ki syiem jong ki baroh ki la kyllon: ym don uwei hapdeng jong ki uba khot kyrpad ïa nga.

HOSIA 7:7 ပူးပေါင်းရင်းမြစ်များ

1 SYIEM 15:28

Kane ka la jia ha ka snem kaba lai jong ka jingsynshar u Asa u syiem ka Judah. Bad kumta u Baasha u long u syiem ka Israel ha ka jaka u Nadab.

1 SYIEM 16:18

Haba u Simri u ïohi ba ka nongbah ka la kyllon, u leit sha ka kut kaba shapoh jong ka ïingsyiem, u thang ïa ka ïingsyiem da ka ding bad u la ïap ha ki thylliej ding.

1 SYIEM 16:22

Ha kaba khatduh, kito kiba kwah ïa u Omri ki la jop; u Tibni u la ïap bad u Omri u la long u syiem.

2 SYIEM 10:14

U Jehu u la hukum ïa la ki briew, “Kem im ïa ki.” Ki la kem ïa ki, bad u pynïap ïa ki hajan kawei ka thliew hangta. Baroh ki ïadon sawphew ar ngut, bad ym shym la pyllait im ïa uwei ruh na ki.

2 SYIEM 10:7

Haba ki la ïohpdiang ïa ka shithi jong u Jehu, ki nongïalam jong ka Samaria ki la pynïap ïa baroh ki hynñiewphew ngut ki khun ki ksiew jong u Ahab, ki buh ïa ki khlieh jong ki ha ki shang, bad ki la phah ïa ki sha u Jehu ha Jesreel.

2 SYIEM 15:10

U Shallum u khun jong u Jabesh u ïasylla pyrshah ïa u syiem Sekharaïah, u pynïap ïa u ha Ibleam, bad u long syiem ha ka jaka jong u.

2 SYIEM 15:14

U Menahem u khun jong u Gadi u leit na Tirsah sha Samaria, u pynïap ïa u Shallum, bad u long syiem ha ka jaka jong u.

2 SYIEM 15:25

U rangbah pynïaidkam jong ka kynhun shipai u Pekahaïah, u Pekah u khun jong u Remalaïah, ki ïasylla lem bad ki sanphew ngut ki rangbah na Gilead, ki pynïap ïa u Pekahaïah ha ka bynta bashapoh jong ka kynroh ka ïingsyiem ha Samaria, bad u long syiem ha ka jaka jong u.

2 SYIEM 15:30

Ha ka snem kaba arphew jong ka jingsynshar u Jotham u khun jong u Ussaïah kum u syiem ka Judah, u Hoshea u khun jong u Elah u ïasylla pyrshah ïa u syiem Pekah, u pynïap ïa u, bad u long syiem ha ka jaka jong u.

2 SYIEM 9:24

U Jehu u wiat ïa la ka ryntieh bad katba don la ka bor u siat ïa u khnam bad u dei ïa u Joram na shadien bad u ngam haduh u klongsnam jong u. U Joram u kyllon ïap ha ka kali ïapom jong u,

2 SYIEM 9:33

bad u Jehu u la ong ïa ki, “Bret ïa ka shapoh!” Ki la bret ïa ka shapoh bad ka snam jong ka, ka pashait ha ka kynroh bad ha ki kulai. U Jehu u ñiah ïa ki kulai ïa ka kali ïapom halor ka met jong ka,

Ka Kitab U Job 36:13

Kito ki bym don blei ki ïai bitar, bad wat haba la pynshitom ïa ki, kim ju duwai ban ïoh ka jingïarap.

SALM 14:4

“Hato kim tip?” U Trai u kylli. “Hato kine ki nongleh kam sniew kim tip ei ei? Ki im da kaba lute ïa ki briew jong nga, bad kim ju duwai sha nga.”

ISAÏAH 43:22

U Trai u ong, “Hynrei phi la thait ïa nga, ko Israel; phim shym la mane ïa nga.

ISAÏAH 64:4

Ym pat ju don ba ïohi lane ïohsngew ïa U Blei uba kum ma me, uba leh ïa kiba kum kita ki kam na ka bynta kito kiba ap kyrmen ha u.

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

ISAÏAH 64:7

Ym don uwei ruh uba phai sha me ha ka jingduwai; ym don uwei ruh uba leit sha me ban ïoh jingïarap. Me la buhrieh ïa lade na ngi bad iehnoh ïa ngi namar ki pop jong ngi.

ISAÏAH 9:13

Ki paid Israel kim pat shym kylla-kaba-mut; wat haba U Trai Badonbor Baroh u la pynshitom ïa ki, kim pat shym la phai sha u.

ESEKIEL 22:30

Nga wad ïa uno uno uba lah ban tei ïa ka kynroh, uba lah ban ïeng ha ki jaka ha kaba ki kynroh ki twa bad ban ïada ïa ka ri haba ka jingbitar jong nga ka la jan ban pynjot ïa ka, hynrei ngam shem ïano ïano ruh.

DANIEL 9:13

da kaba ai ha ngi ïa baroh ki jingpynshitom kiba la batai ha ka Aiñ jong u Moses. Hynrei wat mynta, A Trai U Blei jong ngi, ngim shym la pyrshang ban pynsngewbha ïa me da kaba phai noh na ki pop jong ngi lane da kaba bud ïa ka jingshisha jong me.

HOSIA 13:10

Phi pan ïa u syiem bad ki nongïalam, hynrei mynta kumno ki lah ban pyllait im ïa ka ri?”

HOSIA 5:15

“Ngan lyndet noh ïa ki briew jong nga haduh ba kin shahshitom ha ban da biang na ka bynta ki pop jong ki bad wan ban wad ïa nga. Lehse ha ki jingshah shitom jong ki, kin pyrshang ban wad ïa nga.”

HOSIA 7:10

Ka jingsngewmeng ki paid Israel ka kyang pyrshah ïa ki hi. Wat haba kane baroh ka la jia, kim shym la wan phai sha nga, U Trai U Blei jong ki.

HOSIA 7:14

Kim shym la duwai ha nga naduh la ka dohnud, hynrei pynban ki bret ïa lade ha madan bad ïam pangnud kumba leh kiba mane blei thala. Haba ki duwai ban ïoh ïa u kew bad ka waiñ, ki ot pynmong ïa lade kum kiba mane blei thala. A haduh katno ki long kiba ïaleh pyrshah!

HOSIA 8:4

“Ki briew jong nga ki la jied ïa ki syiem. Hynrei ki la leh ïa kata ha la ka jong ka lynti. Ki thung ïa ki nongïalam, hynrei khlem ka jingpynskhem jong nga. Ki shim ïa ka rupa bad ka ksiar jong ki bad ki thaw ïa ki bleithaw — na ka bynta ka jingjot jong ki hi.

MIKAH 2:1

Katno kaba sngewtriem kan long ïa kito kiba peitmat bad thmu ïa kaba sniew! Haba poi ka step, mar ïa-ïoh ïa ka kabu, ki leh ïa kaba sniew kaba ki la thmu.