HOSIA 7:3 - Khasi CL Bible (BSI)

³ U Trai u ong, “Ki briew ki shukor ïa u syiem bad ki rangbah synshar jong u da ki buit bymman jong ki.

KA BAIBL

³ Ki pynsngewbha ïa u syiem da la ka jingbymman, bad ïa ki rangbah da la ki jinglamler.

HOSIA 7:3 ပူးပေါင်းရင်းမြစ်များ

1 SYIEM 22:13

Katba u rangbah synshar u leit ban khot ïa u Mikaïah, u ong ha u, “Baroh na kiwei ki nongïathuhlypa ki la ïathuhlypa ba u syiem un jop bad phi ruh ka bha ba phin leh kumjuh.”

1 SYIEM 22:6

Kumta u Ahab u khot ïa ki nongïathuhlypa, kumba sawspah ngut na ki, bad u kylli ïa ki, “Hato ngan leit ne em ban tur ïaleh ïa ka Ramoth?” “Tur ïaleh ïa ka,” ki jubab, “U Trai un ai ha phi ïa ka jingjop.”

JEREMAÏAH 37:19

Kaei kaba la jia ïa ki nongïathuhlypa kiba la ong ïa phi ba u syiem ka Babilonia un ym tur ïaleh ïa phi lane ïa ka ri?

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

JEREMAÏAH 9:2

Nga thrang ban don ka jaka ban sah ha ka ri shyiap ha kaba nga lah ban lait na ki briew jong nga. Ma ki baroh ki long ki bymïaineh, ki paidbhur ki nongshetkylla.

HOSIA 10:13

Hynrei pynban phi la bet ïa kaba sniew bad ïoh ot ïa ka jingot jong ka. Phi la bam ïa ki soh ba la pynmih da ka jingshukor jong phi. “Namar ba phi shaniah ha ki kali thma jong phi bad ha ka jingbun paid ki shipai jong phi,

HOSIA 11:12

U Trai u ong, “Ki paid Israel ki la ker sawdong ïa nga da ki jinglamler bad jingshukor, bad ki paid Judah ki dang ïai ïaleh pyrshah ïa nga, U Blei baïaineh bad uba khuid.

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

HOSIA 5:11

Ki Israel kin shah ka jingshah banbeiñ; ka la duh noh ïa ka khyndew kaba dei hok jong ka, namar ka ïai kwah ban wad jingïarap na kito ki bym don ei ei ban ai.

HOSIA 7:5

Ha ka sngi pyndonburom ïa u syiem, ki pynlong ïa u syiem bad ki rangbah synshar jong u ban dih buaid bad leh bieit da ka waiñ.

MIKAH 6:16

Kane kan jia namar ba phi la bud ïa ki jingleh ba-ijli jong u syiem Omri bad jong u khun jong u, u syiem Ahab. Phi la ïai bteng ban bud ïa ki rukom pynïaidkam jong ki, bad kumta ngan wallam ïa ka jingjot ha phi, bad baroh kin kyntait ïa phi. Ki briew ha kylleng kin ñiewbeiñ ïa phi.”

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

Ka Shithi U Paul Sha Ki Nong Rom 1:32

Ki tip ba ka Hukum U Blei ka ong ba ki briew kiba im ha kane ka rukom ki dei hok ban ïap. Pynban, ym tang ba ki ïai leh ïa kine hi kiei kiei, hynrei ki mynjur wat ïa kiwei kiba leh ïa ki.

1 ÏOANNIS 4:5

Kito ki nongïathuhlypa balamler, ki kren shaphang kiei kiei ki jong ka pyrthei, bad ka pyrthei ka shahshkor ïa ki, namar ki long ki jong ka pyrthei.