HOSIA 7:2 - Khasi CL Bible (BSI)

² Kam ju rung ha ki jingmut jong ki ba ngan kynmaw ïa kane ka kam sniew baroh; hynrei ki pop jong ki, ki ker sawdong ïa ki, bad ngam lah khlem da ïohi ïa ki.”

KA BAIBL

² Kim pyrkhat ruh ha la ki dohnud ba nga kynmaw ïa ka jingbymman jong ki baroh: mynta, ki jingleh jong ki hi ki la ker kut ïa ki; ki don ha khmat jong nga.

HOSIA 7:2 ပူးပေါင်းရင်းမြစ်များ

Ka Kitab U Job 34:21

U peit-thuh ïa ki sien jam ba ki briew ki jam.

SALM 10:11

U riewbymman u ong ha lade, “U Blei um sngew ei ei! u la khapbrip ïa la ki khmat bad un ym ïohi ïa nga da lei lei!”

SALM 25:7

Map ïa ki pop bad ki jingbakla jong ka jinglong samla jong nga. Ha ka jingieit baneh bad jingbha jong me, to kynmaw ïa nga, A Trai!

SALM 50:22

“Shahshkor ïa kane, ma phi ki bym patiaw ïa nga, lymda kumta ngan pynjot ïa phi, bad yn ym don mano mano u ban pynim ïa phi.

SALM 9:16

U Trai u la pynpaw ïa lade da ki jingbishar bahok; bad ïa ki bymman la riam da ki kam jong ki hi.

SALM 90:8

Me la buh ïa ki pop jong ngi ha khmat jong me, ïa ki pop barieh jong ngi ha kaba ïohi ka khmat jong me.

ISAÏAH 1:3

Ki jingri ki tip mano ba long trai ïa ki, bad ki kada ki tip hangno u kynrad jong ki u bsa ïa ki. Hynrei kata ka kham bun ban ïa kaba ki briew jong nga ki Israel ki tip. Kim shemphang ei ei.”

ISAÏAH 26:16

Me pynshitom ïa la ki briew, A Trai bad ha ka jinglyng-a ki duwai ha me.

ISAÏAH 44:19

U nongshna ïa ki bleithaw um don ka jingpuson ne ka jingshemphang ban ong, “Khyndiat na ka dieng nga thang duh. Nga shet khyndiat u kpu halor ki rnga bad nga syang doh bad nga la bam ïa ka. Bad kaba sah na ka dieng nga shna bleithaw. Hangne nga don ban nguh dem ïa u dieng tylli!”

ISAÏAH 5:12

Ha ki jingkhawai jong phi, phi don ki duitara, ki shakuriaw bad ki tangmuri — bad ka waiñ. Hynrei phim sngewthuh aïu U Trai u leh,

JEREMAÏAH 14:10

U Trai u ong shaphang kine ki briew, “Ki ieit ban phet noh na nga, bad kin ym lah ban bat synshar ïa lade. Kumta ngam shym la sngewbha bad ki. Ngan kynmaw ïa ki jingbakla kiba ki la leh bad ngan pynshitom ïa ki namar ki pop jong ki.”

JEREMAÏAH 16:17

Nga ïohi ïa kaei kaei baroh kaba ki leh. Ym don kano kano kaba la buhrieh na nga; ki pop jong ki kim lait phet na ka jingïohi jong nga.

JEREMAÏAH 17:1

U Trai u ong, “Ko ki briew jong ka Judah, ïa ka pop jong phi la thoh da u khulom nar; la pruid jylliew halor ki dohnud jong phi da u diamond banep bad la ohdur halor ki dong jong ki duwan jong phi.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 32:19

Me thaw ïa ki jingthmu bastad bad me leh ïa kiei kiei kiba khrawbor; me ïohi ïa kiei kiei baroh kiba ki briew ki leh, bad me ainong ïa ki kat kum ki jingleh jong ki.

JEREMAÏAH 4:18

Ko Judah, pha la wallam ïa kane halor lade da ka rukom kaba pha la im bad da kiei kiei kiba pha la leh. Ka pop jong pha ka la pynjia ïa kane ka jingjynjar; ka la dung ïa pha lyngba ka dohnud.

JEREMAÏAH 44:21

“Na ka bynta ki jingkñia kiba ma phi bad ki kpa tymmen jong phi, ki syiem jong phi bad ki nongïalam jong phi, bad ki briew jong ka ri ki ai ha ki shnong ka Judah bad ha ki surok bah ka Jerusalem — hato phi pyrkhat ba U Trai um tip shaphang jong ki lane ba u la klet ïa ki?

ESEKIEL 21:29

Ki jingïohipaw ba phi ïohi ki long ki bymdei, bad ki jingïathuh lypa ba phi pynlong ki long kiba shukor. Phi long kiba bymman bad kiba sniew, bad ka sngi jong phi ka la wan, ka sngi jong ka jingpynjot kaba kut. Ka waitlam kan hap ha ki ryndang jong phi.

HOSIA 12:2

U Trai u don ka jingmudui ban wanlam pyrshah ïa ki paid Judah; un pynshitom ruh ïa ka Israel na ka bynta ka rukom leh ki briew jong ka. Un ainong ïa ki na ka bynta kaei ba ki la leh.

HOSIA 4:9

Phin sa shah ïa kajuh ka jingpynshitom kum ki riewpaidbah! Ngan pynshitom ïa phi bad pynlong ïa phi ban siew na ka bynta ka jingsniew ba phi leh.

HOSIA 6:2

Ha ki ar ne lai sngi un pynim ïa ngi, bad ngin ïoh im ha ka jingdon ryngkat jong u.

HOSIA 8:13

Ki ai ïa ki jingkñia sha nga bad ki bam ïa ka doh kñia. Hynrei ma nga U Trai, ngam sngewbha ïa ki, bad mynta ngan kynmaw ïa ki pop jong ki bad pynshitom ïa ki na ka bynta kata; ngan phah biang ïa ki sha Ijipt.

HOSIA 9:15

U Trai u ong, “Baroh ki kam sniew jong ki, ki la sdang ha Gilgal. Ka la long hangta ba nga sdang ban isih ïa ki. Bad namar ka jingsniew ba ki la leh, ngan beh noh ïa ki na ka ri jong nga. Ngan ym ieit shuh ïa ki; baroh ki nongïalam jong ki, ki la ïaleh pyrshah ïa nga.

HOSIA 9:9

Ki la long sniew khlem jingkyrmen ha kaei kaei kaba ki leh, kumba ki la long ha Gibeah. U Blei un kynmaw ïa ka pop jong ki, bad un pynshitom ïa ki na ka bynta kata.

AMOS 8:7

U Trai, U Blei ki Israel, u la smai, “Ngan ym klet lano lano ïa ki kam sniew jong ki.

JONAH 1:2

U ong, “Khie leit sha Ninebeh, kata ka nongbah kaba khraw, bad to kren pyrshah ïa ka; nga tip haduh katno kiba bymman ki briew jong ka ki long.”

JINGKHEIÑ 32:23

Hynrei lada phim bat ïa la ka kular, nga maham ïa phi ba phi leh pop pyrshah ïa U Trai. Wat bakla ïa kane; phin shah pynshitom namar ka pop jong phi.

LOUKAS 12:2

Ïa kano kano kaba la tap yn plied, bad ïa kano kano kaba rieh yn pynpaw.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

DEUTERONOMI 32:29

Kim lah sngewthuh balei ba ki la shahjop; kim lah shemphang ïa kaba la jia.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.