HOSIA 7:16 - Khasi CL Bible (BSI)

¹⁶ Ki ïai phai lyndet na nga sha u blei u bymdonbor ei ei ruh em. Ki long ki bym lah ban shaniah kum ka ryntieh kaba kynriang. Namar ki nongïalam jong ki, ki kren meng, kin ïap ha ka jingïap bashyrkhei, bad ki nong Ijipt kin sa ïa-rkhie.”

KA BAIBL

¹⁶ Ki wan phai, hynrei, ym ha uta uba long hajrong; ki long kum ka ryntieh bashukor: ki rangbah jong ki kin kyllon da ka waitlam namar ka jingbitar u thylliej jong ki: kane kan long ka jingrkhiebeiñ ïa ki ha ka ri Ijipt.”

HOSIA 7:16 ပူးပေါင်းရင်းမြစ်များ

SALM 12:3

To pynsngap jar ïa ki thylliej pynroh, A Trai! To set noh khop ïa ki shyntur basngewmeng kiba ong,

SALM 12:4

“Da ki kyntien jong ngi, ngi ïoh ïa kaei kaba ngi kwah. Ngin kren ïa kaei kaba ngi mon, bad ym don mano mano ba lah ban pynsangeh ïa ngi.”

SALM 12:5

“Hynrei mynta ngan wan,” ong U Trai, “namar ïa kiba kyrduh la banbeiñ bad kiba shah pynshitom beiñ ki ud ha ka jingshitom. Ngan ai ha ki ïa ka jingshngain kaba ki thrang eh.”

SALM 17:10

kim don jingisynei, bad ki kren sarong.

SALM 52:2

Me pynlong ïa ki jingthmu ban pynjot ïa kiwei; u thylliej jong me u long kum ka syrti banep. Me pynmih borabor ïa ki jingshukor.

SALM 57:4

Ïa nga la ker sawdong da ki nongshun, kiba long kum ki sing bathrang ïa ka doh briew. Ki bniat jong ki kum ki sum bad ki khnam; ki thylliej jong ki kum ki waitlam banep.

SALM 73:9

Ki kren sniew ïa U Blei ha ki bneng, bad ki ai ki hukum bameng ïa uwei pa uwei ha ka pyrthei,

SALM 78:37

Kim shym la shaniah ïa u; kim shym la ïaineh ha ka jutang jong ki bad u.

SALM 78:57

hynrei ki la ïeng ïaleh pyrshah bad kim kohnguh kum ki kpa tymmen jong ki, ki bym lah ban shaniah kum u khnam uba la kdor.

ISAÏAH 3:8

Ho-oid, ka Jerusalem ka long ba la tim! Ka Judah ka dang khyllem! Kano kano kaba ki kren lane ki leh ka long pyrshah ïa U Trai; ki ibeiñ khlem buhrieh ïa U Blei hi.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 3:10

Bad hadien kane baroh, ka Judah, ka para bymïaineh jong ka Israel, ka la shu leh mynleh ban wan phai sha nga, kam shym da mut shisha. Ma nga U Trai, nga la kren.”

JEREMAÏAH 42:18

“U Trai, U Blei ki Israel, u ong, ‘Kumba ka jingbitar bad jingbitar shla jong nga ka mihnoh na nga ha ki briew jong ka Jerusalem, kumta ruh ka jingbitar shla jong nga kan mihnoh ha phi lada phi leit sha Ijipt. Phin long ka jingïohi ba-itriem; ki briew kin ñiewbeiñ ïa phi bad kin pyndonkam ïa ka kyrteng jong phi kum ka jingtim. Phin ym ïohi shuh ïa kane ka ri.’ ”

ESEKIEL 23:32

U Trai Nongsynshar u ong, “Phan dih na ka khuri jong ka hynmen jong pha; kaba heh bad kaba jylliew. Baroh kin ñiewbeiñ bad krenbeiñ ïa pha; ka khuri ka dap pura.

ESEKIEL 36:20

Kat shaba ki leit, ki pynlehrain ïa ka kyrteng bakhuid jong nga, namar ba ki briew ki ïoh kynnoh, ‘Kine ki long ki briew jong U Trai, pynban ki hap ban mihnoh na ka ri jong u.’

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

HOSIA 11:5

“Ki kyntait ban wan phai sha nga, bad kumta ki dei ban leit phai sha Ijipt, bad ki nong Assyria kin synshar halor jong ki.

HOSIA 11:7

Ki ïaleh ban phai lyndet na nga. Kin sa lynñiar namar ka lyngkor kaba ban ïa ki, hynrei yn ym don ban weng ïa ka na ki.

HOSIA 6:4

Hynrei U Trai u ong, “Ko Israel bad Judah, Kaei kaba ngan leh ïa phi? Ka jingieit jong phi ïa nga ka jah noh shen kum u slap mynstep; ka long kum ka umjer, kaba jah noh shen ha ka sngi.

HOSIA 7:13

“A ki long kiba la tim! Ki la iehnoh ïa nga bad ïeng pyrshah ïa nga. Ïa ki yn pynduh noh. Nga la kwah ban pyllait im ïa ki, hynrei ka jingmane jong ki ïa nga ka long kaba thala.

HOSIA 9:3

Ki paid Israel kin ym ïoh shongsah ha ka ri U Trai; hynrei kin hap leit phai sha Ijipt, bad ki hap ban bam ka jingbam ba la kheiñ sang ha Assyria.

HOSIA 9:4

Ha kito ki ri nongwei kin ym lah ban ai ka jingainguh waiñ ha U Trai, lane wanlam ki jingkñia ha u. Ki jingbam jong ki kin pyntngit ïa uno uno uba bam ïa ki, kum ki jingbam ba bam ha ka por ïapbriew. Yn pyndonkam ïa ki tang ban pynkdang ïa la ka jingthngan; ym don kawei ruh ka ban shim kum ka jingainguh ha ka Templ U Trai.

HOSIA 9:6

Haba ka jingjot ka wan bad ïa ki briew la pynsakma, ki nong Ijipt kin lumlang ïa ki — kin lumlang ïa ki ban tep hangta ha Memphis! Ki jingdon jingem jong ki kum ka rupa bad ki jaka ha kaba ki ïing jong ki shisien ki la ïeng yn tap da ki ñiut bad ki bniap shiah.

MALAKHI 3:13

“Phi la ong ïa kiei kiei kiba shyrkhei shaphang jong nga,” ong U Trai. “Hynrei phi kylli, ‘Kaei ba ngi la ong shaphang jong me?’

MALAKHI 3:14

Phi la ong, ‘Kam myntoi ban shakri ïa U Blei. Kaei ka jingmyntoi ban leh ïa kaei kaba u ong lane kaba pyrshang ban pyn-i ïa U Trai Badonbor Baroh ba ngi sngewsih na ka bynta kaei kaba ngi la leh?

MATHAÏOS 12:36

“Phi lah ban thikna ba ha ka Sngi ka Jingbishar uwei pa uwei un hap ban ai jingkheiñ ïa kawei pa kawei ka kyntien ka bymmyntoi kaba u la kren.

LOUKAS 8:13

Ki symbai kiba hap halor ka jaka maw ki ïeng na ka bynta kito kiba ïohsngew ïa ka khubor bad kiba pdiang ïa ka da kaba kmen. Hynrei kam shym ngam jylliew hapoh jong ki; ki ngeit tang shipor hynrei haba ka por jingtynjuh ka wan poi, ki hap noh.

JAKOB 3:5

Kumta ka long bad u thylliej: La u long uba rit, u lah ban sngewsarong shaphang kiei kiei kiba khraw. Shu pyrkhat kat ka 'lawbah lah ban pynpluh ïa ka da i thylliej ding iba rit!

2 PETROS 2:8

Uta u briew uba bha u la im hapdeng jong ki, bad man la ka sngi u shah ïa ka jingkordit haba u la ïohi bad la ïohsngew ïa ki kam sniew jong ki.

JINGPYNPAW 13:5

Ïa u mradkhlaw la shah ban pynlong ki jingkob sarong kiba long ki jingbeiñ ïa U Blei, bad la shah ïa u ban don ka bor synshar haduh sawphew ar bnai.