HOSIA 7:14 - Khasi CL Bible (BSI)

¹⁴ Kim shym la duwai ha nga naduh la ka dohnud, hynrei pynban ki bret ïa lade ha madan bad ïam pangnud kumba leh kiba mane blei thala. Haba ki duwai ban ïoh ïa u kew bad ka waiñ, ki ot pynmong ïa lade kum kiba mane blei thala. A haduh katno ki long kiba ïaleh pyrshah!

KA BAIBL

¹⁴ “Kim shym la kyang ruh ha nga da la ka dohnud, hynrei, ki lynñiar halor la ki jingthiah: ki la ïaseng hi na ka bynta u Kew bad ka Waiñ, ki ïaleh pyrshah ïa nga.

HOSIA 7:14 ပူးပေါင်းရင်းမြစ်များ

EKSODOS 32:6

Dang step phyrngab ha ka sngi kaba bud, ki la wallam katto katne ki mrad ba yn thang kum ki jingkñia bad ïa kiwei pat ban ïabam kum ki jingainguh ïasyllok. Ki briew ki la ïashong ban ïakhawai, kaba la kylla long ka jingïaleh shongshit ha ka ïadih ïabam bad ïaleh awria.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

ISAÏAH 52:5

Bad mynta ha Babilonia kajuh hi ka la jia; phi long kiba shahtehmraw, bad ym shym siewdor ei ei na ka bynta jong phi. Kito kiba synshar halor jong phi ki kop bad ki meng bad ki ïai pynpaw jingbeiñ ïa nga.

ISAÏAH 65:14

Kin rwai da kaba kmen, hynrei phi phin ïam ha ka jingpait dohnud.

JEREMAÏAH 12:2

Me la thung ïa ki, bad ki la suhthied; ki san bad ki pynmih soh. Ki ju kren bha shaphang jong me, pynban kim da salia eh shisha shaphang jong me.

JEREMAÏAH 3:10

Bad hadien kane baroh, ka Judah, ka para bymïaineh jong ka Israel, ka la shu leh mynleh ban wan phai sha nga, kam shym da mut shisha. Ma nga U Trai, nga la kren.”

SNGEWSYNEI 2:18

Ko Jerusalem, ai ba ki kynroh jong pha hi kin kyang jam sha U Trai! Ai ba ki ummat jong pha kin tuid kum ki wah bad miet bad sngi; pynthait ïa lade da ka jingïam bad da ka jingsngewsih!

HOSIA 13:16

Ïa ka Samaria yn pynshitom namar ka ïaleh pyrshah ïa nga. Ki briew jong ka kin ïap ha ka thma; ïa ki khunlung yn bret sha madan, ïa ki kynthei kiba punkhun yn patar.”

HOSIA 13:6

Hynrei haba phi la rung sha ka ri kaba bha, phi la kdang bad sngewhun, bad nangta phi la sngewsarong bad klet noh ïa nga.

HOSIA 13:9

“Ngan pynjot ïa phi, ko ki paid Israel! Te uei uba lah ban ïarap ïa phi?

HOSIA 3:1

U Trai u la ong ha nga, “Khie leit biang bad leh-ieit ïa ka briew kaba dang ïaleh nuti bad uba ieit jong ka. Me dei ban ieit ïa ka kumba nga ruh nga dang ieit ïa ki paid Israel, wat la ki phai sha kiwei pat ki blei bad ki ieit ban ainguh ha ki bleithaw da ki soh kismis.”

HOSIA 8:2

Wat lada ki khot ïa nga U Blei jong ki bad ki kam ba ki dei ki briew jong nga bad ba ki tip ïa nga,

AMOS 2:8

Ha man ka jaka mane blei ki rangbah ki thiah ha ki jaiñ ïa kaba ki la shim na kiba duk kiba la buh bynda na ka bynta ki ram. Ha ka templ U Blei jong ki, ki dih ïa ka waiñ ba ki la shim na kito kiba ki shah pisa.

AMOS 8:3

Ha kata ka sngi, ki jingrwai ha ka ïingsyiem kin kylla long ki jinglynñiar ka jingïambriew. Ki metïap kin don kylleng sawdong. Kin sa shah bret noh ha ka jingjar jar.”

MIKAH 2:11

“Kine ki briew ki kwah ïa u jait nongïathuhlypa uba ïaid kylleng uba dap da ka lamler bad jingshukor bad u ong, ‘Nga ïathuhlypa ba ka waiñ bad ka kyiad kin tuid na ka bynta jong phi.’

SEKHARAÏAH 7:5

U la ong, “Ïathuh ïa ki briew jong ka ri bad ïa ki lyngdoh ba haba ki shahjingit bad ïambriew ha u bnai basan bad bahynñiew ha kine ki hynñiewphew snem, kam shym dei ha ka jingñiewburom ïa nga.

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

PHILIPPI 3:19

Ka jingkut jong ki kan long ha dujok, namar u blei jong ki u long ki jingkwah brai ka doh jong ki. Ki sngewsarong ïa kaei kaba ki dei ban sngewlehrain, bad ki pyrkhat tang ïa kiei kiei kiba long ki jong kane ka pyrthei.

JAKOB 4:3

Bad haba phi pan, phim ïoh ïa ka, namar ki jingthmu jong phi ki long kiba sniew; phi pan ïa kiei kiei ban pyndonkam na ka bynta ki jingsngewbha jong phi hi.

JAKOB 5:1

Bad mynta, phi ki briew kiba riewspah, to shahshkor ïa nga! to ïam bad to lynñiar ïa ki jinglanot ki ban wan hap ha phi!

NONGBISHAR 9:27

Baroh ki ïaleit sha la ki bri sohwaiñ bad kheit ïa ki sohwaiñ, ki shna waiñ na ki, bad ki pynlong ka jingïaleh kmen. Ki leit sha ka templ jong u blei jong ki, ha kaba ki la ïabam bad ïadih bad ki krenbeiñ ïa u Abimelekh.