HOSIA 7:12 - Khasi CL Bible (BSI)

¹² Hynrei ngan riam da ka jar bad kem ïa ki kum ki sim katba ki dang ïaid. Ngan pynshitom ïa ki namar ki kam bymman ba ki la leh.

KA BAIBL

¹² Haba kin sa leit, ngan pyiar la ka jar halor jong ki; ngan pynhiar ïa ki kum ki sim bneng: ngan sympat ïa ki, kumba ka jingïaseng jong ki ka la ïohsngew.

HOSIA 7:12 ပူးပေါင်းရင်းမြစ်များ

Ka Kitab U Job 19:6

Hato phim lah ban ïohi ba dei U Blei uba la leh ïa kane? U la buh ïa ka jingriam ban kem ïa nga.

EKLESIASTIS 9:12

Phim tip da lei lei lano ka por jong phi ka wan. Kum ki sim kiba la ngat kynsan ha ki jingriam, kum ki dohkha kiba la ngat ha ka jar, ngi la shah riam ha ki katto katne ki khep basniew ha kaba ngim shym khmih lynti satia ïa kata.

JEREMAÏAH 16:16

U Trai u ong, “Nga phah khot ïa shibun ki nongtong dohkha ban wan bad kem ïa kine ki briew. Nangta ngan phah khot ïa shibun ki nongbeh mrad ban thwet pynïap ïa ki halor uwei pa uwei u lumbah bad u lumrit bad hapoh ki krem hapdeng ki mawsiang.

JEREMAÏAH 44:4

Nga ïai phah sha phi ïa ki shakri jong nga kiba long ki nongïathuhlypa, kiba la ong ïa phi ban ym leh ïa kane kaei kaei kaba shyrkhei kaba nga isih.

ESEKIEL 12:13

Hynrei ngan phriang ïa ka jar jong nga bad riam ïa u ha ka. Nangta ngan shim ïa u sha ka nongbah Babilon, ha kaba un ïap khlem da ïohi ïa ka.

ESEKIEL 17:20

Ngan phriang ïa ka jar u nongriam sim bad pynngat ïa u ha ka. Ngan rah ïa u sha Babilonia bad pynshitom ïa u hangta, namar um shym la ïaineh ha nga.

ESEKIEL 32:3

Ynda ki jaitbynriew ki ïalumlang, ngan pynngat ïa me ha ka jar jong nga bad ngan shah ïa ki ban tan ïa ka jar sha ryngkew.

HOSIA 5:9

Ka sngi ka jingpynshitom ka la wan, bad ki Israel kin sa shah pynjot. Ko ki paid Israel, kane kan jia da shisha!

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.